Að þessu sinni er stefnan tekin á Þýskaland. Bæði karla- og kvennalandslið Þýskalands hafa verið í fremstu röð í heiminum síðustu áratugi og tilvalið að kynnast því hvernig þýska stálið verður til.

Daði Rafnsson, sem nýlega varð bikarmeistari með Jiangsu Suning í Kína verður skólastjóri. Hann mun fá til liðs við sig frábæra þjálfara frá Frankfurt, Mainz 05, þýska knattspyrnusambandinu og fleiri toppliðum. Daði er með áralanga reynslu í þjálfun yngri flokka og hefur meðal annars verið yfirþjálfari hjá Breiðabliki. Daði skartar UEFA A þjálfaragráðu.

Gist verður í Darmstadt og meðal annars æft á æfingasvæði akademíu Darmstadt tvisvar á dag, einnig verður æft tvo daga á æfingasvæði FFC Frankfurt. Farið verður í skemmtigarð auk þess fáum við að horfa á æfingar hjá atvinnumannaliðum og spilaðir vináttuleikir við lið á svæðinu. Skólinn verður haldinn 21. júlí til 28. júlí fyrir stráka á aldrinum 14 – 16 ára. Ekki missa af þessu einstaka tækifæri til að æfa eins og atvinnumaður.

Nánari upplýsingar hér

Einnig er hægt að hafa samband í síma 560-2000 til að fá nánari upplýsingar eða senda póst á [email protected].