Besta félagslið heims um þessar mundir, Barcelona, fór hreinlega á kostum í kvöld er liðið mætti Celta Vigo.

Lionel Messi skoraði fyrsta mark leiksins á 28. mínútu en John Guidetti jafnaði metin fyrir Celta á 39. mínútu úr vítaspyrnu og staðan í hálfleik 1-1.

Í seinni hálfleik ákváðu Börsungar að taka völdin á leiknum og bættu við fimm mörkum án þess að lánlausum gestunum frá Vigo tækist að koma vörnum við. Luis Suarez skoraði þrennu í seinni hálfleik og þeir Ivan Rakitic og Neymar gerðu eitt mark hvor.

Barcelona er nú með þriggja stiga forystu í spænsku deildinni.