„Hann var dóminerandi og yfirvegaður í þessum leik," segir Guðmundur Hreiðarsson markvarðaþjálfari um frammistöðu Hannesar í jafnteflinu gegn Argentínu í gær.
Hannes var valinn opinber maður leiksins af FIFA og fékk að auki hæstu einkunn hjá öllum fjölmiðlum.
Hannes var valinn opinber maður leiksins af FIFA og fékk að auki hæstu einkunn hjá öllum fjölmiðlum.
Hannes varði vítaspyrnu frá Lionel Messi í leiknum en á fréttamannafundi eftir hann sagðist Breiðhyltingurinn hafa horft á margar vítaspyrnur hjá Messi. Guðmundur segir að þetta sé hornið sem Messi skýtur í þegar mikið liggur við.
„Vítið var gríðarlega vel gert og vel útfært af Hannesar hálfu. Þetta er það horn sem Messi notar þegar hann er stressaður og þarf að skora. Öll vinna í kringum það var góð hjá okkur öllum. Skömmu eftir vítið tók hann svo aðra frábæra markvörslu," segir Guðmundur.
Það er gríðarlegt afrek að vera valinn maður leiksins í leik á HM í fótbolta.
„Sérstaklega þegar Messi er á vellinum, þá stækkar það enn meira," segir Guðmundur en viðtalið má sjá í heild í sjónvarpinu hér að ofan.
Athugasemdir