Guðmundur var að koma úr afar svekkjandi verkefni með U21 árs landsliði Íslands en þar tapaði liðið í umspili um sæti á EM. Það hafði þó engin áhrif á Guðmund sem spilaði afar vel í sigri Sarpsborg í dag.

Brann komst yfir í leiknum en þegar um það bil tuttugu mínútur voru eftir þá jöfnuðu gestirnir metin.

Guðmundur skoraði síðan sigurmark leiksins undir lokin en hann gerði það með fínu skoti úr teignum. Honum var skipt af velli stuttu síðar en þrjú stig í hús hjá Sarpsborg og liðið í sjöunda sæti með 36 stig.

Birkir Már Sævarsson lék allan leikinn í liði Brann en hann lék í 2-0 sigrinum á Hollendingum á dögunum eins og flestum er kunnugt.