,,Við áttum ekki meira skilið. Við getum þakkað Jonasi markverði fyrir að tapa bara með einu marki. Hann hélt okkur á lífi í þessum leik nánast allan tímann," sagði Kristján Guðmundsson þjálfari Keflvíkinga ósáttur eftir 2-1 tap gegn Val í kvöld.
Keflavík mætir Víkingi R. í undanúrslitum Borgunarbikarsins á miðvikudag. Voru leikmenn við hugann við þann leik?
,,Það er óhjákvæmilegt að vera aðeins með hugann við þann leik þar sem það eru bara tveir dagar á milli. Það var ekki að trufla okkur við undirbúninginn í dag. Við ætluðum okkur að ná 20 stigum en það gekk ekki."
Hörður Sveinsson og Jóhann Birnir Guðmundsson komu ekki við sögu í kvöld vegna meiðsla en verða þeir klárir á miðvikudag?
,,Vonandi verða þeir tilbúnir. Við verðum að sjá. Ég hugsa að það séu svona helmings líkur."
Hér að ofan má sjá viðtalið í heild sinni.
Athugasemdir
