SKÝRSLAN: Fylkir marði Gróttu í stórskemmtilegum leik
Hvað réði úrslitum?
Þetta var geggjaður leikur í alla staði, mikið tempó og mikið af góðum færum. Gestirnir voru hugaðir og reyndu að spila í hvert einasta skipti frá markinu í stað þess að dúndra boltanum fram og voru oft á tíðum að sundurspila Fylkismenn. Þetta gat fallið báðum megin í dag en í dag féll það fyrir Fylkismenn. Frábær auglýsing fyrir íslenskan fótbolta þessi leikur.
Bestu leikmenn
1. Arnór Gauti Ragnarsson (Fylkir)
Arnór var frábær í dag, var á fullu gasi allan tíman og skorar tvö mörk. Ef hann fer að detta í gang í markaskorun þá geta Fylkismenn brosað breitt. Frábær leikur hjá Arnóri.
2. Hákon Rafn Valdimarsson (Grótta)
Þrátt fyrir að fá á sig tvö mörk í dag varði Hákon meistarlega nokkrum sinnum í leiknum. Virkilega skemmtilegur og góður markmaður og verðskuldar að fá hrós fyrir sinn leik í dag.
Atvikið
Annað mark Fylkis kom eftir frábæra skyndisókn það sem þeir vinna boltann á miðjunni. Arnór Gauti virðist hinsvegar brjóta af sér og liggur Dagur hægri bakvörður Gróttu eftir á vellinum. Fylkir bruna í sókn og Arnór skorar aleinn á fjærstönginni sem Dagur hefði annars verið að dekka han
Hvað þýða úrslitin?
Fylkismenn eru komnir áfram í 16-liða úrslit á meðan Grótta situr eftir!
Vondur dagur
Það er erfitt að gefa leikmanni vondan dag í dag en þá kannski helst hægt að setja það á Andrés Má hann var ekki sá sami leikmaður og maður er vanur að sjá. Tekinn af velli eftir 60 mínútur og átti oft í erfiðleikum varnarlega á móti sprækum Axel Frey.
Dómarinn - 7,5
Pétur var flottur. Kannski helst atvikið í öðru marki Fylkis (Sjá nánar í atvikið)