SKÝRSLAN: Stjörnufall í Eyjum
Hvað réði úrslitum?
Eyjamenn skoruðu sigurmark í framlengingunni, Óskar negldi boltanum þá í netið eftir að Haraldur hafði varið skot frá Eyþóri Orra. Varamennirnir réðu því úrslitum í dag.
Bestu leikmenn
1. Telmo Castanheira
Stýrði leik ÍBV virkilega vel á miðjunni, var öflugur sóknarlega og varnarlega. Með góðar sendingar og tæklingar.
2. Matt Garner
Var eins og klettur í vörn ÍBV og vann flest öll einvígin sín. Sýndi að hann er ekki búinn og gæti átt ár eftir í boltanum.
Atvikið
Sigurmarkið. Eyþór Orri nýtti sér mistök í vörn Stjörnunnar og náði skoti á mark sem Haraldur varði, Óskar var mættur eins og gammur á boltann og bombaði honum í netið.
Hvað þýða úrslitin?
Þau þýða einfaldlega það að Eyjamenn eru komnir áfram í 16-liða úrslit Mjólkurbikarsins. Bikarmeistararnir eru því úr leik og það við fyrstu hindrun.
Vondur dagur
Það voru fáir sem áttu vondan dag í dag, en Guðjón Baldvinsson fær þann heiður. Lítið sem ekkert gekk upp hjá honum og fór hann af velli eftir 65 mínútna leik.
Dómarinn - 7.5
Var flottur í þessum leik, flautaði kannski aðeins of mikið en leikstjórnin var virkilega góð.