SKÝRSLAN: KR skemmdi skemmtiferð Dalvíkur/Reynis
Hvað réði úrslitum?
Gæðamunur og markið í byrjun sem setti tóninn fyrir það sem var í vændum.
Bestu leikmenn
1. Alex Freyr Hilmarsson (KR)
Byrjar á að leggja upp og skorar svo 2. markið sjálfur, mjög góður í leiknum og mörg af færum KRinga komu eftir spil sem fór í gegnum Alex.
2. Björgvin Stefánsson (KR)
Mjög góður frammi, mikið að skapa hættu fyrir sig og samherja og endalaust hlaupandi eins og alltaf. Flottur leikur hjá Bjögga með mark og stoðsendingu.
Atvikið
Eins og kemur fram hér að ofan þá var 3. mark KRinga það sem gerði endanlega út um leikinn. Annars fannst mér líka gaman af löngu atviki sem var í raun bara stuðningurinn sem Dalvík/Reynir fékk frá stuðningsmannasveitinni sinni í leiknum. Alveg til fyrirmyndar.
Hvað þýða úrslitin?
KR spilar í 16-liða úrslitum Mjólkurbikarsins í ár á meðan að Dalvík/Reynir einbeitir sér að 2. deildinni.
Vondur dagur
Kelwin W. Sarkorh fær þann heiður vegna mikilvægis þess að gefa vítið í 3. markinu, slær nánast boltann sem var á leið út í teiginn en ekki í átt að marki. Þess utan ekkert öruggur í vörninni.
Dómarinn - 8
Elías Ingi var mjög góður á flautunni í dag, góð spjöld á báða bóga og hárrétt flæði á leiknum. Flottur leikur.