SKÝRSLAN: Valur aftur á toppinn
Hvað réði úrslitum?
Það tók Val smá tíma að brjóta ísinn en eftir það var þetta aldrei spurning. Valur er einfaldlega með miklu miklu betra lið. Betri leikmenn í öllum stöðum á vellinum. Þetta endurspeglar bara nákvæmlega stöðu liðanna í deildinni.
Bestu leikmenn
1. Hallbera Guðný Gísladóttir
Frábær leikur hjá henni í dag. Hún er með eitraðan vinstri fót sem lagði upp tvö mörk hér í dag. Flott varnarlega líka.
2. Margrét Lára Viðarsdóttir
Mjög flottur leikur hjá henni. Skorar tvö mörk og var mjög ógnandi allan leikinn. Stjórnaði spilinu vel
Atvikið
Fyrsta markið. ÍBV voru ekkert vonlausar fram að því en um leið og Valur komst yfir var ekki spurning hvort þær myndu vinna heldur frekar hversu stórt.
Hvað þýða úrslitin?
Valur endurheimtir toppsætið og eru tveimur stigum á undan Blikum. Næst á dagskrá er svo úrslitaleikurinn milli toppliðanna.
ÍBV er enn í 8. sæti deildarinnar, tveimur stigum frá falli.
Vondur dagur
Enginn neitt áberandi slakur. Set þetta bara á vörn ÍBV í heild sinni, en vörnin var slök í dag og lenti í miklum vandræðum oft á tíðum.
Dómarinn - 7
Allt í lagi bara. Sumt sem ég setti spurningamerki við en svona á heildina litið kannski bara fínt. Ekkert sem hafði stór áhrif allavega.