SKÝRSLAN: Heimasigur í bragðdaufum leik
Hvað réði úrslitum?
Selfoss var betra liðið heilt yfir, fékk nokkur færi og gaf fá á sér.
Bestu leikmenn
1. Barbára Sól Gísladóttir (Selfoss)
Barbára var frábær í dag, elti Ídu eins og skugginn og tók hana úr leik, auk þess að leggja upp markið fyrir Selfoss.
2. Hólmfríður Magnúsdóttir (Selfoss)
Sífellt ógnandi, skoraði markið og lét hafa mikið fyrir sér, lang hættulegasti leikmaður vallarins.
Atvikið
Klobbi Allison á Lovísu, fór ansi illa með hana! Hefði verið svakalegt ef Magdalena hefði skorað í kjölfarið.
Hvað þýða úrslitin?
Selfoss styrkir sína stöðu í 3. sæti deildarinnar en Fylkir situr eftir í 5. sætinu.
Vondur dagur
Sóknarleikur Fylkis var ekki upp á marga fiska, Ída í vandræðum með Barbáru, Marija sást lítið og Bryndís fékk litla aðstoð frá liðsfélögum sínum.
Dómarinn - 6
Dómarinn var fínn í frekar auðveldum leik, en umræðan eftir leik meðal leikmanna og þjálfara var rosalega neikvæð þar sem dómarinn blótaði og talaði niður til leikmanna inná vellinum, eitthvað sem ég heyri ekki í skúrnum en ljótur blettur, það verður að vera virðing milli þátttakenda leiksins.