SKÝRSLAN: Draumabyrjun endaði í martröð
Hvað réði úrslitum?
Þór hóf þennan leik á marki. Leikurinn var nokkuð jafn framan af. Fjölnir skorar svo þessi þrjú mörk í fyrri hálfleik og það var eins og Þór hefði enga trú á verkefninu eftir það. Hausinn bara fór hjá öllum leikmönnum. Allt sem Fjölnir gerði á vellinum virkaði auðvelt á meðan leikmenn Þór sendu ítrekað boltann í fæturnar á Fjölnismönnum.
Bestu leikmenn
1. Orri Þórhallsson
Má ég velja allt liðið?
Annars var Orri alveg geggjaður í dag og fær þennan titill verðskuldað. Skorar tvö mörk fyrir liðið og var í fanta formi fram á við. Þórsvörnin réð illa við hann.
2. Ingibergur Kort Sigurðsson
Geggjaður á kantinum! Á þrjár stoðsendingar og bjó til helling fyrir liðsfélagana. Hann gerði Aron Elí lífið leitt með geggjuðum rispum.
Atvikið
Þórsarar komu grimmir inn í seinni hálfleikinn en Albert Brynjar henti í rothögg þegar hann skoraði fjórða mark Fjölnis á 49 mínútu og eftirleikurinn var ansi auðveldur fyrir drengina í Fjölnir.
Hvað þýða úrslitin?
Fjölnir er komið í laglega stöðu á toppi deildarinnar þegar tvær umferðir eru eftir og það styttist óðum í (staðfest) á Pepsí Max dvöl á næstu leiktíð. Mögnuð frammistaða í dag.
Þór stimplaði sig eiginlega út úr baráttunni og þurfa að liggja á bæn að Afturelding vinni Gróttu í kvöld. Annars er Pepsí Max draumurinn endanlega úr sögunni.
Vondur dagur
Þórsliðið eins og það leggur sig fær falleinkunn í dag. 1-7 í toppslag er ekki boðlegt. Þeir missa hausinn í seinni hálfleik. Vörnin var hörmung og pirringsbrotið hjá Orra sem varð til þess að hann fékk rautt spjald setur hann efst á lista yfir annars mjög langan lista af þeim sem áttu vondan dag.
Dómarinn - 8
Pétur stóð sig að mínu mati mjög vel í dag. Virkilega erfiður leikur að dæma á köflum og mér fannst hann hafa tök á honum allann tíma. Öll spjöld réttmæt.