Öruggur sigur Vals staðreynd. Höfðu einfaldlega ekki svörin gegn skipulögðum leik Vals sem refsuðu þeim grimmilega.

Viðtöl og skýrla væntanleg.

Arnór sækir aukaspyrnu fyrir Val. Þeir taka sér sinn tíma.

Gísli reynir að skrúfa hann framhá Hannesi í fjærhornið úr teignum. Trúin var lítil og boltinn vel framhjá.

Andri Rafn sækir horn.

Frábært spil hjá Blikum og Árni setur boltann í netið en flaggið á loft. Heft sett allt í uppnám hefði það staðið!

Blikar fá víti

Brotið á Andra í teignum!

Blikar fá horn. Tíminn byrjaður að hlaupa frá þeim og það hratt.

Viktor Karl með skot en tveir Blikar flækjast fyrir hver öðrum er þeir freista þess að reka tærnar í boltann sem endar í öruggum höndum Hannesar.

Boltanum spyrnt beint inn í pakkann, af Blika og afturfyrir horn.

Höskuldur með fínt skot með jörðinni eftir undirbúning Viktors Karls en Hannes vel á verði, Blikar með innkast..

Árni Vill með sturlaða móttöku er hann tekur boltann með sér með hælnum upp hægri vænginn. Missir boltann of langt frá sér er hann keyrir inn á teiginn og nær ekki góðu skoti og setur boltann framhjá.

Blikar að undirbúa skiptingu. Jason Daði að gera sig kláran.

Blikar að stjórna leiknum og Valsmenn fá afskaplega fáar snertingar á boltann. En þeir eru þrátt fyrir það ekki að skapa sér neitt.

Hætta í teig gestanna en Kristinn Freyr nær ekki góðu skoti og Blikar hreinsa. Anton virkaði samt ekki sannfærandi í markinu þarna en komst upp með það.

Gísli Eyjólfs með skotið frá vítateig vinstra meginn. Framhjá fer boltinn.

Seinni hálfleikur hafinn

Blikarnir hefja hér leik í síðari hálfleik tveimur mörkum undir. Þeir hafa átt ævintýralega endurkomu hér áður líkt og fram kom í molum fyrir leik. Tekst þeim slíkt hið sama í kvöld?

Blikar ganga svekktir af velli inn í hálfleikinn. Hafa líklega verið betri aðilinn að mestu í leiknum en eru þrátt fyrir það tveimur mörkum undir. Valsmenn refsað þeim grimmilega fyrir mistök sín og leiða.

Hannes Þór Halldórsson!

Aukaspyrna tekinn inn á teig Vals þar sem Höskuldur rís hæst af öllum mönnum og nær föstum skalla sem Hannes gerir frábærlega í að blaka yfir slánna og í horn.

Kristinn Freyr dansar inn á teig Blika en nýtir ekki einhverja tvo ef ekki þrjá fína skotsénsa og missir að endingu boltann.

Darraðadans í teignum eftir hornið. Hannes missir af boltanum og Alexander fær boltann í markteignum en nær ekki góðu skoti og boltinn af Hauki Pál og afturfyrir.

Svona sénsa verða Blikar að nýta. Verið betri úti á velli en það telur bara ekkert.

Blikar fá horn.

Gísli í dauðafæri!!!

Langur bolti inn á teig sem Viktor Karl skallar fyrir fætur Gísla sem nær fínu skoti óvaldaður í teignum en boltinn hárfínt framhjá markinu.

Átti að gera betur þarna.

Galdri með stórkostleg tilþrif og setur varnarmenn á hælanna. Blikar ná þó að bjarga í horn með herkjum.

Árni Vill tíar boltann upp fyrir Kristinn Steindórs í teignum en hann hittir boltann afleitlega og setur hann langt framhjá.

Damir í færi eftir hornspyrnu Blika en hittir ekki rammann.

Valsmenn fá horn eftir fyrirgjöf Almarss.

Blikarnir tæta vörn Vals í sig með fínu spili en flaggið á loft. Tæpt var það þó

Alexander Helgi brýtur á Pedersen á miðjum vellinum og fær smá tiltal frá Ívari.

Hægst heldur á leiknum og liðin mjög þétt.

Boltinn skoppar milli manna í teignum en endar að lokum í höndum Antons.

Damir í kapphlaupi við Pedersen og gefur heimamönnum horn.

Blikar bruna og upp og Kristinn Steindórs með rosalega stórt svæði til að hlaupa í. Nær skotinu við vítateig en hallar sér aftur og skotið vel yfir markið.

Er að lifna vel yfir þessu.

Birkir Heimisson mundar skotfótinn rétt við vítateigslínuna. Boltinn af varnarmanni og rétt framhjá. Hornspyrna Vals sem ekkert verður úr.

Laglegt spil hjá Blikum úti hægra meginn. Höskuldur með góðan þríhyrning og hlaup inn í teiginn en Rasmus með góða tæklingu og bægir hættunni frá.

Stöðubarátta og meiri stöðubarátta einkenna þessar fyrstu 10 mínútur. Blikarnir þó verið hársbreidd ferskari að mér finnst en hvorugt lið náð að skapa sér nokkuð.

Kópacabana eru mættir á Origo og láta vel í heyra. Svo mjög að blaðamannastúkan nötrar þegar hvað mest er. Vel gert!!!!

Vall með fyrirgjöf frá vinstri en Anton Ari grípur hana næsta auðveldlega. Blikar sækja hratt en Viktor Karl í svæðinu úti til hægri missir boltann undir skóinn sinn eftir sendingu frá Gísla og boltinn afturfyrir.

Langur bolti fram á Árna sem er í fínu hlaupi en leggur boltann fyrir sig með hendinni og dæmdur brotlegur.

Þetta er farið af stað. Það eru Valsmenn sem hefja hér leik. Vonumst að sjálfsögðu eftir góðum leik og nóg af mörkum. Kvennalið liðanna settu 10 mörk samtals á þessum velli fyrir skömmu og annað eins væri geggjað.

Fékk það staðfest frá Davíð Atla að hann hafi aldrei verið að byrja þennan leik svo um innsláttarvillu hefur verið að ræða. Gaman að því.

Fólk farið að tínast í stúkuna hér á Origo enda aðeins um 10 mínútur í leik. Liðin hafa gengið til búningsherbergja til loka undirbúnings og allt til reiðu að hefja þessa veislu sem framundan er.

Breyting á skýrslu
19:35
Davíð Örn Atlason byrjar ekki hjá Blikum. Var í liðinu fyrir örfáum mínútum síðan en nú er búið að taka hann út og Davíð Ingvarsson kominn í staðinn. Ætla að skjóta á að þetta sé innsláttarvilla að uppruna. Leikmenn nr 24 og 25 sem báðir heita Davíð.

Það er einnig athyglisvert að sjá að Thomas Mikkelsen er hvergi sjáanlegur í liðið Blika. Hann hefur verið að glíma við meiðsli en kom inná sem varamaður gegn Fylki um síðastliðna helgi en er fjarverandi í kvöld. Náði tali af öðlingnum er hann fékk sér sæti hér í stúkunni á Origo en hann varð fyrir því óláni að snúa sig á ökkla á æfingu í gær og er því ekki með.

Valsmenn gera þrjár breytingar á liði sínu frá tapinu gegn Stjörnunni. Christian Kohler,Sigurður Egill Lárusson og Kaj Leo detta út fyrir þá Birki Heimisson, Guðmund Andra Tryggvason og Almarr Ormarsson.

Blikar gera tvær breytingar frá sigrinum á Fylki. Davíð Ingvarsson og Jason Daði Svanþórsson eru ekki í hóp í kvöld. Davíð Örn Atlason byrjar í fyrsta sinn hjá Blikum og þá kemur Oliver Sigurjónsson sömuleiðis inn.

Fyrri viðureignir

Alls hafa liðin leikið 32 leiki innbyrðis í efstu deild frá aldamótum. Tölfræði er þar aðeins á bandi Breiðbliks sem unnið hefur 14 sinnum, 8 leikjum hefur lokið með jafntefli en Valur unnið alls 10 sinnum. Markatalan er svo 44-33 Blikum í vil.

Hollywood-handrit að hætti Breiðabliks

Þann 8.ágúst 2012 mættust þessi lið að Hlíðarenda í einum rosalegasta fótboltaleik ársins hér á Íslandi. Eftir tíðindalítinn fyrsta hálftíma þar sem Blikar voru þó ívið sterkari kom Kolbeinn Kárason Val í 1-0 á 34.mínútu leiksins og stóðu leikar þannig í hálfleik. Á 65.mínútu syrti svo enn frekar í álin fyrir gestina úr Kópavogi þegar Magnús Þórisson benti á vítapunktinn og rak Ingvar Þór Kale markvörð Breiðabliks út af fyrir brot á Matthíasi Guðmundssyni, úr vítaspyrnunni skoraði Rúnar Már Sigurjónsson og brekkan brött fyrir Blika. Kristinn Jónsson minnkaði munin í 2-1 fimm mínútum síðar en á 75.mínútu gerðu flestir ráð fyrir því að Kolbeinn Kárason væri að slökkva í allri von fyrir Blika er hann kom Val í 3-1 og sagði Elvar Geir Magnússon í lýsingu sinni fyrir Fótbolta.net Kolbeinn innsiglar sigur Vals með laglegum skall! Rúnar Már Sigurjónsson átti fyrirgjöfina. Vel gert hjá honum.
Blikar voru því alls ekki sammála og minnkuðu munin í 3-2 á 84 mínútu með marki Þórðar Steinars Hreiðarssonar og aðeins mínútu síðar jafnaði varamaðurinn Olgeir Sigurgeirsson metin. Meðbyrinn allur með þeim grænu á lokakafla leiksins sem þeir nýttu sér til hins ítrasta á 91.mínútu er Elvar setti inn eftirfarandi færslu. ÉG TRÚI ÞESSU EKKI!! BLIKAR MEÐ SITT FJÓRÐA MARK EINUM FÆRRI! ÞVÍLÍK ENDURKOMA! Eftir vandræðagang í teignum lá boltinn í netinu eftir skot frá Everson! skrifaði Elvar eftir að Ben Everson fullkomnaði endurkomu Blika með marki sínu á 91.mínútu leiksins. Niðurstaðan því 4-3 sigur Breiðabliks eftir hreint út sagt magnaðan fótboltaleik.

Textalýsingu og Skýrslu Elvars frá leiknum má finna HÉR

Óli Kristjáns: Menn fá að sjúga karamelluna
Ingvar Kale: Ósáttur við dýfuna og dómarann
Þórður Steinar: Spilaði báða kanta, bakverði og miðju
Kristján Guðmunds: Brjálaðir yfir þessum varnarleik

Tríóið

Flautuleikurinn í kvöld er í höndum Ívars Orra Kristjánssonar. Honum til aðstoðar eru þeir Birkir Sigurðarson og Gylfi Már Sigurðsson. Einar Ingi Jóhansson er varadómari og Halldór Breiðfjörð Jóhannsson sér svo um að hafa eftirlit með dómurum og framkvæmd leiksins.

Við snögga yfirferð sýnist mér að Ívar hafi dæmt 6 leiki það sem af er í deildinni. Gefið 25 gul spjöld í leikjunum 6 og dæmt 3 vítaspyrnur. Ekkert rautt spjald hefur farið á loft í leikjum Ívars það sem af er en ég ætla þó ekki að sverja það enda upplýsingar mínar ekki fullkomnar.

Evrópa

Talandi um Evrópu þá var ljóst nú á dögunum hverjir mótherjar liðanna verða í Evrópukeppnum þetta árið.

Það má með sanni segja að Valsmenn hafi ekki dottið í lukkupottinn með mótherja er þeir drógust gegn Króatísku meisturunum Dinamo Zagreb sem slógu meðal annars út Tottenham í Evrópudeildinni á nýliðnu tímabili.

Blikar eru ögn lukkulegri með sinn mótherja en þeir halda til Stórhertogadæmisins Lúxemborg og mæta þar liði Racing FC Union Lëtzebuerg.

Leikjaniðurröðun

Djúpt sokknir sem skoða umferðarröð Pepsi Max deildarinnar á vefsvæði KSÍ hafa eflaust rekið augun í að leikur kvöldsins er hluti af 12.umferð deildarinnar sem og leikur FH og Stjörnunar sem hefst á sama tíma. Ástæða þessa er að sjálfsögðu þáttaka liðanna í Evrópukeppni en aðrir leikir umferðinnar fara fram þann 11.júlí næstkomandi.

Gott kvöld kæru lesendur og verið hjartanlega velkomin í beina textalýsingu Fótbolta.net frá Origovellinum þar sem fram fer stórleikur Vals og Breiðabliks.