SKÝRSLAN: Skagamenn, skagamenn skoruðu mörkin en áttu ekki allt spilið
Hvað réði úrslitum?
Byrjunin á leiknum alveg klárlega. Tvisvar skoruðu skagamenn eftir langa sendingu fram úr öftustu línu og þegar Framarar voru búnir að stilla sig saman var það orðið of seint. Framarar voru alls ekki daprir út á velli, heilt yfir jafnvel öflugri milli teiganna en skagamenn en tókst ekki að skora og gáfu of auðveld mörk.
Bestu leikmenn
1. Steinar Þorsteinsson
Virkilega góður og duglegur í fyrri hálfleik. Mikil gæði í Steinari og þegar gæði og dugnaður fara saman þá er hægt að fara langt á því.
2. Alex Davey
Skemmtileg barátta við Gumma Magg og hafði miðvörðurinn betur í kvöld. Árni Marinó í markinu fær einnig 'shout-out'
Atvikið
Þriðja markið, gaf ÍA öryggi að vera með þriggja marka forskot. Langur bolti frá Óttari Bjarna sem Steinar komst í og Steinar kláraði svo með skoti í fjærhornið.
Hvað þýða úrslitin?
ÍA vinnur sinn annan leik í sumar og fer í 16-liða úrslitin. Fram tapar sínum fyrsta leik í sumar og er úr leik í bikarnum.
Vondur dagur
Gummi Magg og Hlynur Atli hafa átt betri daga.
Dómarinn - Sjö
Helgi Mikael var bara flottur. Það er áðurséð efni að skagamenn kalla inn á völlinn í ýmsum atvikum en Helgi lét það lítið á sig fá. Fannst skrítið þegar ekki var dæmd óbein aukaspyrna þegar Árni tók upp boltann þegar hann virtist fá sendingu til baka.