Þessu er lokið! KA endar í 4. sæti!

VÍTI KA! OF LÍTIÐ OF SEINT?

KA fær aukaspyrnu!

Fjórum mínútum bætt við!

ELFAR ÁRNI! MEÐ SKOT Í STÖNG!

Nú er róðurinn þungur fyrir KA! Þeir þurfa á einhverju rosalegu kraftaverki að halda!

Hornspyrna hjá KA. boltinn fer yfir allan pakkann en Dusan nær boltanum. Á fyrirgjöf en boltinn í fangið á Gunnari.

Morten Beck fær boltann inn í markteignum og leggur boltann á markið en Stubbur vel á verði!

FH að komast í álítlega skyndisókn en eru klaufar að fá dæmda á sig rangstöðu.

Aukaspyrna hjá Hallgrím tekin stutt á Þorra sem fer inná teiginn og á slakt skot sem Gunnar á í engum vandræðum með.

FH vinnur hornspyrnu!

KA farið að sækja í sig veðrið. Eru hinsvegar ekkert að nýta sér aukaspyrnur og hornspyrnur sem þeir fá hérna hægri vinstri.

KA vinnur hornspyrnu!

Aukaspyrna á vænlegum stað fyrir KA

Rangstaða dæmd á FH í kjölfarið á horninu.

leikmenn KA eins og keilur í kringum Oliver. Qvist kemur til bjargar og kemur boltanum í horn.

Þetta byrjar rólega í síðari hálfleik. FHingar enn með yfirhöndina í leiknum. Það er ekkert eins og KA menn séu að berjast um evrópusæti.

Síðari hálfleikur er hafinn!

Það er kominn hálfleikur!

KA menn með áhugaverða útfærslu á aukaspyrnu svo ekki sé meira sagt. Boltinn endaði svo hjá Nökkva sem átti skotið en boltinn framhjá markinu.

Tekin stutt, fyrirgjöfin slök og FHingar bruna fram. Mikkel Qvist að eiga hörku leik í vörn KA og kemur boltanum frá.

KA fær hornspyrnu!

Þá komast KA menn í færi. Þorri Mar með hörku skot en boltinn fer í samherja og framhjá.

Leikurinn fer fram á vallarhelming KA þessa stundina.

FH fær hornspyrn

Mikkel Qvist með skalla eftir fyrirgjöf úr aukaspyrnunni.

Ásgeir komst fyrir Gunnar í markinu og náði boltanum af honum. Ásgeir féll síðan í teingum í baráttu við Gunnar og KA menn vildu víti. ekkert dæmt. Ásgeir hélt boltanum og Ólafur Guðmunds felldi hann á hægri kanntinum.

Jónatan Ingi með góða fyrirgjöf á kollinn á Matthíasi en boltinn yfir markið.

Fyrirgjöf frá Hallgrím úr aukaspyrnu og Brebels nær skallanum en boltinn framhjá.

Þorri Mar með flottan sprett inná teig FH en skot hans langt framhjá markinu.

Þá kemur loks tilraun á markið. Oliver Heiðarsson með skot rétt fyrir utan vítateiginn en boltinn framhjá markinu.

FH er með yfirhöndina en er ekki að ná að skapa sér neitt

ekkert varð úr henni og KA menn reyna sækja hratt en slök sending innfyrir frá Bjarna Aðalsteins beint til Gunnars í markinu.

Matthías nær að bjarga því að boltinn fari útaf, FH heldur boltanum og vinnur aðra hornspyrnu.

FH vinnur hornspyrnu.

Leikurinn er hafinn. FHingar byrja með boltann.

Strákarnir eru klárir í lokaleik sumarsins! KA - FH kl. 14:00 á Greifavellinum og við þurfum á þínum stuðning að halda til að tryggja 3. sætið! #LifiFyrirKA @pepsimaxdeildin pic.twitter.com/mHdY0JhlUs

— KA (@KAakureyri) September 25, 2021

Byrjunarliðin eru klár

KA gerir eina breytingu á liðinu sínu frá 4-1 sigri liðsins á Val í síðustu umferð. Jakob Snær Árnason sest á bekkinn og Nökkvi Þeyr Þórisson kemur inn í hans stað.

FH gerir tvær breytingar frá 1-0 sigri gegn Breiðablik í síðustu umferð. Gunnar Nielsen kemur aftur í markið fyrir Atla Gunnar Guðmundsson eftir að hafa tekið út leikbann. Þá er Hörður Ingi Gunnarsson í banni og Jóhann Ægir Arnarsson kemur inn í hans stað.

Ágúst Þór Ágústsson er spámaður lokaumferðarinnar í Pepsi Max-deildinni. Hann spáir því að KA loki 3. sætinu.

KA 2 - 1 FH
2-1 Heimasigur i hörkuleik. Elfar Árni setur sigurmarkið og einn af ungu strákunum hjá FH skorar. Davíð Viðars segir okkur eftir leik hvað hann heitir, hvenær hann er fæddur og hvar hann á heima.

Guðmann Þórisson spilar sinn síðasta leik fyrir FH í dag en hann fær ekki nýtt samningstilboð frá félaginu.

Í dag er komið að leiðarlokum. Miðvörðurinn Guðmann Þórisson, kletturinn innan vallar og gleðigjafinn utan hans kveður Fimleikafélagið eftir tímabilið. Takk fyrir allt Guðmann. #ViðerumFH pic.twitter.com/wQAN19B0qd

— FHingar (@fhingar) September 25, 2021

LOKAUMFERÐIN BEINT Á X977

Hitað verður upp frá klukkan 12 þar sem Elvar Geir og Tómas Þór rýna í leikina. Allir leikirnir verða svo flautaðir á klukkan 14 og við verðum með menn á öllum völlum.

Elvar Geir, Benedikt Bóas og Rafn Markús verða í hljóðverinu og heyra í fréttamönnum á völlunum.

Allt í þráðbeinni en hægt er að hlusta á útsendingu Xins með því að smella HÉR

Þjálfaramál eru hinsvegar mjög óljós í Krikanum. ,,Ólafur Jóhannesson er með samning út tímabilið en mjög mikill vafi á því hvort samstarfið heldur áfram. Menn í Kaplakrika halda spilunum þétt að sér. Sögur hafa verið í gangi um að Davíð Þór Viðarsson gæti tekið við sem aðalþjálfari og einnig um að Heimir Guðjónsson sé á blaði ef hann verður látinn fara frá Val," segir í grein Fótbolta.net um þjálfaramál í tveimur efstu deildum karla.

KA staðfesti í gær að Arnar Grétarsson þjálfari liðsins muni stýra liðinu áfram á næstu leiktíð. Liðið hefur náð mögnuðum árangri á þessari leiktíð en liðið endaði í 7. sæti á því síðasta.

Einar Ingi Jóhannsson dæmir leikinn í dag. Ragnar Þór Bender er AD 1 og Guðmundur Ingi Bjarnason AD 2. Valdimar Pálsson er varadómari og Vilhelm Adolfsson eftirlitsmaður KSÍ.


Einar Ingi Jóhannsson

Eins og fyrr segir gera KA menn sér von um að spila í Evrópukeppni á næsta tímabili. Liðið var í hörku baráttu um titilinn áður en KA mætti Breiðablik í tveimur leikjum í röð í lok ágúst en tapaði báðum leikjunum. Liðið hefur unnið þrjá leiki í röð síðan þá, sterkur 1-4 sigur á Hlíðarenda gegn Val í síðustu umferð.

Nökkvi Þeyr Þórisson hefur skorað í tveimur leikjum í röð

Skemma FHingar annað partý?

FH hefur ekki að neinu að keppa þar sem liðið er fast í 6. sæti deildarinnar. Þeir unnu Breiðablik með einu marki gegn engu í ótrúlegri síðustu umferð. Blikar þurfa því að vinna HK og treysta á að Leiknir taki stig af Víkingi til að verða Íslandsmeistarar.

FH-ingar eru á góðu skriði en liðið hefur aðeins tapað einum af síðustu sjö leikjum sínum.

Evrópusæti í húfi

Góðan daginn og verið velkomin í beina textalýsingu frá leik KA og FH í lokaumferð Pepsi Max-deildar karla. Það er mögulega mikið undir hér í dag. Með sigri gulltryggir KA þriðja sætið í ár og það gæti skilað Evrópusæti ef Víkingi tekst að sigra bikarkeppnina!

Leikurinn fer fram á Greifavellinum á Akureyri, hann lítur kannski aðeins betur út í dag en á þessari mynd.