SKÝRSLAN: Blikar áfram í Sambandsdeildinni
Hvað réði úrslitum?
Eftir að Ísak jafnar undir lok fyrri hálfleiks þá leið manni eins og Blikar voru alltaf að fara klára þetta og eftir rauða spjaldið þá var þetta endanlega komið. Heilt yfir bara flott frammistaða þrátt fyrir að hafa lent undir eftir svo kallað "fluke" mark.
Bestu leikmenn
1. Höskuldur Gunnlaugsson
Fyrirliðinn frábær í dag, stoðsending og mark og var mikið að skapa fyrir liðsfélaga sína í hægri bakverðinum.
2. Dagur Dan Þórhallsson
Dagur virkilega öflugur í kvöld, var virkilega flinkur í sóknarleik Blika, stoðsending og var að búa til nóg af færum og góðum stöðum fyrir liðsfélaga sína.
Atvikið
Ég verð bara að segja mark Paredes í fyrri hálfleik af eitthverjum 40 metrum þar sem það var virkilega flott mark þótt Anton hafi verið framarlega, sturlað mark
Hvað þýða úrslitin?
Blikar fara áfram í 2. umferð undankeppninnar í Sambandsdeildinni og mæta þar Budunost Podgorica frá Svartfjallalandi
Vondur dagur
Priego í markinu var ótrúlega slakur í kvöld, átti að verja skot Andra og Kidda sem enduðu í markinu, hata að vera þessi gaur en holningin á Priego er ekki boðleg í Sambandsdeild Evrópu.
Dómarinn - 7
Finnska tríó-ið bara flott í dag, menn komust ekki upp með neitt kjaftæði, þurfti ekki að taka á neinu stórum atriðum en flott dómgæsla