SKÝRSLAN: Jafnt í hörku leik á Selfossi
Hvað réði úrslitum?
Bæði lið lögðu mikið í leikinn sem var jafn og spennandi allan tímann. Mikil stöðubarátta um allan völl þar sem hvorugt liðið náði að sprengja leikskipulag andstæðinganna.
Bestu leikmenn
1. Tiffany Sornpao
Bjargaði Selfyssingum í tvígang með stórbrotinni markvörslu auk þess sem hún var mjög örugg í sínum aðgerðum allan leikinn.
2. Sif Atladóttir
Kletturinn í vörninni auk þess að hirða nokkra bolta af Stjörnunni á seinustu stundu.
Atvikið
Jöfnunarmark Stjörnunnar kemur upp úr því að Selfyssingum mistekst að spila út úr vörninni. Þetta voru einu mistök Sellfyssinga í leiknum en gegn eins öflugu liði og Stjörnunni er refsað harkalega.
Hvað þýða úrslitin?
Eins og svo oft gerir stigið lítið fyrir liðin en í lok leiks var augljóst að heimakonur voru þakklátari fyrir stigið enda lyftir það Selfyssingum a.m.k. tímabundið upp fyrir ÍBV en líklega bindur þetta enda á vonir Stjörnunnar um að ná örðu sæti Bestu deildarinnar af Breiðabliki.
Vondur dagur
Erfitt að segja hver átti vondan dag en fyrir utan mörkin fékk Ingibjörg Lúcía besta færi leiksins sem hún á eftir að naga sig í handarbökin yfir að hafa ekki klárað.
Dómarinn - 8/10
Stóð sig vel í dag og var með allar stærstu ákvarðanir á hreinu.