Þróttarar vinna óvæntan sigur á Fram í Mjólkurbikarnum!

Viðtöl og skýrsla innan skams.

Fram fær aukaspyrnu Ólafur Íshólm er kominn fram boltinn endar hjá Adami Erni sem er í erfiðu færi og skallar framhjá.

Nú er tíminn ekki að með Frömurum í liði en þeir eru ekki að ná að skapa sér nægilega góð færi og Þróttarar nýta hvert tækifæri til að tefja.

Leikmaður Þróttar liggur niðri, það má búast við enn lengri uppbótartíma.

Brynjar Gauti með kraftlítinn skalla sem Sveinn Óli á auðvelt með að handsama.

Fimm mínútum bætt við!

Gummi fær erfiðann bolta á fjærstöng en nær að leggja boltann fyrir sig og komast í skotið en Sveinn Óli ver vel.

Þórir Guðjóns við það að fara sleppa í gegn en Kostiantyn Pikul kemur með stórkostlega tæklingu og kemur boltanum frá.

Magnús Þórðarson kemur með fyrirgjöf á Gumma Magg sem skallar yfir.

Stuðningsmenn Þróttar búnir að vera til fyrirmyndar hér í kvöld og fagna hverri einustu tæklingu!

Smá pirringur kominn í Framara sem sækja stíft.

Sam Hewson lætur vaða langt fyrir utan teig, boltinn fer rétt framhjá marki heimamanna.

Orri brýtur á Ernest Slupski og Þróttur fær aukaspyrnu, Kostiantyn Iaroshenko tekur góða spyrnu en Ólafur Íshólm blakar boltanum yfir og í horn.

Fram fær aukaspyrnu utan af velli Tiago kemur með góðan bolta á Þóri sem stangar boltann í netið en er aðstoðadómarinn lyftir flagginu.

Framarar byrja með boltann.

Frábær fyrri hálfleikur að klárast, Þróttarar hafa spilað frábærlega en Framarar geta ekki verið jafn sáttir með sína spilamennsku hér í fyrri hálfleik.

Þórir Guðjóns með gott skot sem Sveinn Óli ver í horn.

Fred Saravia kemur með góðan bolta fyrir framan mark Þróttar R. en enginn Framari mættur til að setja boltann í netið.

Eiríkur Þorsteinsson kemur með frábæran bolta fyrir markið en Guðmundur Axel nær ekki að reka stóru tá í boltann, Framarar stálheppnir þarna.

Már Ægisson á marktilraun fyrir utan teig, boltinn fer rétt framhjá marki Þróttara.

Izaro Sanchez keyrir inn á vinstri fótinn og á fast skot sem endar yfir markinu.

Leikurinn búinn að vera mjög opinn og skemmtilegur þessar fyrstu 20 mínútur hér í Úlfarsárdal.

Breki Baldurs fær háann bolta fyrir sem hann skallar rétt framhjá.

Ernest Slupski á gott skot sem Ólafur Íshólm ver frábærlega og í horn.

Misskilningur milli Hlyns Atla og Óla Íshólm í öftustu línu Fram sem endar þannig að Hlynur þarf að hreinsa í horn.

Þórir Guðjóns á fyrirgjöf á fjærstöng á Adam Örn en hann skýtur hátt yfir markið.

Sam Hewson á upphafsspark leiksins og sækja Þróttarar í átt að Dalslaug.

Nonni Sveins þjálfari Fram gerir 5 breytingar á liði sínu frá síðasta deildarleik. Þeir Orri Sigurjóns, Þórir Guðjóns, Breki Baldurs, Adam Örn og Tiago eru allir komnir inn í liðið. Góðar fréttir fyrir Framara að Tiago sé kominn aftur inn í liðið sem var að kljást við meiðsli, Gummi Magg byrjar á bekknum í dag en hann hefur byrjað tímabilið mjög vel.
Spennandi verður að sjá Breka Baldursson en það er strákur fæddur árið 2006 og á leiki með yngri landsliðum íslands.

Ian Jeffs gerir tvær breytingar á liði sínu frá síðasta bikarleik þeir Guðmundur Axel Hilmarsson og Kostiantyn Iaroshenko koma báðir inn í liðið á kostnað Njarðar Þórhallssonar og Birkis Björnssonar.

Ívar Orri Kristjánsson verður með flautuna en honum til halds og trausts á sitthvorri línunni eru þeir Gylfi Már Sigurðsson og Magnús Garðarsson.
Eftirlitsmaður leiksins er Skúli Freyr Brynjólfsson.

Fyrstu tveir leikir Fram í Bestu deildinni hafa báðir endað með jafntefli þar sem liðið hefur í bæði skiptin glatað niður eins marks forystu.
Spennandi verður að sjá hvort að Tiago verði í byrjunarliðinu en hann er að koma til baka eftir meiðsli.
Guðmundur Magnússon hefur ekkert gefið eftir frá síðasta tímabili og hefur hann skorað 2 mörk í 2 leikjum í Bestu deildinni.

Þróttur R. fengu þægilegan drátt í Mjólkurbikarnum þar sem þeir léku á móti 5. deildarliði Stokkseyris í fyrstu umferð bikarsins og fóru leikar þar 18-0 fyrir Þrótturum.
Í 64. liða úrslitum léku Þróttarar á móti KFS og unnuþeir þar öruggan 5-0 sigur á Eyjamönnum.
Flott byrjun á bikarnum hjá Kötturum!

Verið hjartanlega velkomin í þráðbeina textalýsingu beint frá Úlfarsárdal í 32-liða úrslitum Mjólkurbikarsins þar sem Framarar taka á móti Þrótti Reykjavík.