Það eru Keflvíkingar sem verða i pottinum þegar dregið verður í 16 liða úrslit. Viðtöl og góðmeti í framhaldinu.

+1 Allt sem bendir til þess að Keflavík verði í pottinum þegar dregið verður í 16 liða úrslit. Halda boltanum hátt á vellinum og gefa fá færi á sér.

Tvær mínútur í uppbótartíma,

Jón Gísli Eyland í algjöru dauðafæri en setur boltann framhá markinu!!! Síðasti séns Skagans?

Skagamenn lítt komist áleiðis hér að marki Keflavíkur sem sigla í rólegheitum í átt að 16 liða úrslitum.

Keflvíkingar leiða eftir mark Stefáns Ljubicic! pic.twitter.com/slEqscMl0W

— RÚV Íþróttir (@ruvithrottir) April 19, 2023

Skagamenn verðið mikið til með boltann þessar fyrstu mínútur hér í síðari hálfleik framlengingar en ekkert skapað sér.

Gestirnir sparka þessu af stað.

Jóhann blæs í flautu sína til marks um hálfleik í þessari framlengingu. Við eru komin með mark og Skagamenn þurfa að sækja.

Stefán með skalla að marki eftir fyrirgjöf frá hægri en boltinn ekki á markið.

Keflvíkingar með horn, skapar smá usla en ekkert verður úr.

Menn byrjaðir að fá krampa hér á vellinum. Skiljanlega, mikið verið unm baráttu og talsverð orka.

Tæp sending til baka á Ásgeir sem á slaka fyrstu snertingu, Viktor kemst í boltann og fellur en Jóhann dæmir ekkert. Endursýning segir mér að það sé líklega kórrétt hjá honum.

Klafs í teig ÍA og varð það Gunnlaugur Fannar sem boltinn datt fyrir í skotfæri en boltinn af Árna og afturfyrir. Ekkert kemur upp úr horninu svo.

Heimamenn byrja með boltann.

Flautað til leiksloka í venjulegum leiktíma eftir vægast sagt daprann síðari hálfleik. Vonandi að menn spýti í í framlengingu.

+4 Stórhættulegur bolti frá hægri sem Viktor Andri rétt missir af framlenging er staðreynd.

+2 Svona rúm mínúta sem fór í að koma Viktori Jóns útaf eftir að Jóhann kallaði á sjúkraþjálfara inná. Viktor stóð upp um leið til að forðast það að þurfa að yfirgefa völlinn en Jóhann lét hann víkja þar sem sjúkraþjálfari hafði þegar stigið inn á völlinn.

Við fáum þrjár mínútur í uppbótartíma. Að lágmarki.

Viktor Andri fljótur að hugsa er Keflavík vinnur boltann á miðjum vellinum. lætur vaða af löngu færi með Árna illa staðsettann en Árni kemur fótunum fyrir sig og bjargar.

Eins og leikurinn er að þ?óast stefnir allt í framlengingu, hvorugt lið er að skapa sér nokkuð af ráði og lítið í kortunum um breytingar á því.

Viktor Jónsson í dauðafæri eftir góða pressu ÍA en setur boltann framhjá markinu.

Stórhættulegur kross fyrir markið en Keflvíkingar dæmdir brotlegir

Heimenn fá hornspyrnu. Þessi leikur þarf á marki að halda það er ósköp einfalt.

Skagamenn með hornspyrnu, Ásgeir missir af boltanum en ekkert verður úr.

Síðari hálfleikur boðið upp á lítið annað en hörkubaráttu hingað til. Lítið um snyrtilegt spil og fallegan fótbolta.

Hættulegur bolti fyrir marki ÍA en gestirnir koma boltanum frá í horn. Hornið tekið innarlega en Árni kýlir boltann frá.

Breki Þór í hörkufæri fyrir Skagamenn en hittir ekki markið.

Stefán Ljubecic með skot langt utan af velli. Fer álíka hátt yfir og vegalengdin frá marki.

Keflvíkingar sækja hornspyrnu. Heimamenn brotlegir í teignum og aukaspyrna dæmd.

Hér er drykkjarpása. Sólin er sest og Sami Kamel neytir sinna fyrstu veiga frá sólarupprás en hann heiðrar Ramadan eins og flestir múslimar nú um þessar mundir.

Mjög svo "scrappy" byrjun á hálfleiknum. Eins og hvorugt liðið vilji nokkuð með boltann hafa.

Gestirnir sparka þessu af stað.

+2 Skagamaður niður í teignum í baráttu um boltann. Skagamenn vilja víti en Jóhann bendir í átt að hornfánanum.

Flautað til hálfleiks hér í Reykjanesbæ. Skagamenn verið skarpari heilt yfir en heimamenn aldrei langt undan svo sem. Kaffi og með því og síðari hálfleikur að vörmu spori.

Uppbótartími er að minnsta kosti ein mínúta.

Daníel Gylfa í hálffæri fyrir Keflavík eftir fyrirgjöf frá vinstri. Nær engum krafti í skotið sem Árni nær þó ekki að handsama í fyrsta en nær að lokum tökum á boltanum.

Heimamenn sækja, Ásgeir Páll með fyrirgjöf en Skagamenn bægja hættunni frá. Leikurinn heldur að jafnast

Hornspyrnan slök og Skagamenn fá markspyrnu.

Fyrsta alvöru tilraun Keflavíkur. Sami Kamel með hörkuskot af 20 metrum sem Árni Marinó þarf að hafa fyrir að slá afturfyrir í horn.

Skagamenn að fá sína þriðju hornspyrnu í röð hér. Eitthvað þarf undan að láta á endanum hlýtur að vera. Ekki í þetta sinn þó. Boltinn afturfyrir í markspyrnu.

Indriði Áki í fínasta færi í teignum en Nacho gerir virkilega vel í að henda sér fyrir skot hans.

Dagur Ingi líklega stálheppinn hér, sparkar klárlega í Viktor Jóns í baráttu um boltann en Jóhann Ingi sér ekkert athugavert og l?tur leik halda áfram. Hefði samt líklega verið verulega soft að gefa seinna gula fyrir svona atvik en menn taka sénsa í þessu sporti.

Klukkan telur í hálftíma og Skagamenn heilt yfir verið mun beittari. Sóknarleikur heimamanna verið tilviljanakenndur og hálf bitlaus. Þeim gengur illa að finna Stefán í fremstu víglínu og eru hreinlega undir í baráttunni úti á velli.

Gísli Laxdal lætur vaða beint í vegginn tekur frákastið sjálfur og skilar því af varnarmanni og afturfyrir. Hornspyrna Keflvíkingar verjast vel og koma boltanum frá.

Skagamenn sækja hratt upp vinstra meginn. Boltinn á Gísla sem reynir skot frá vítateigslínu sem að smellur í markslánni og út, heimamenn hreinsa. Eftir endursýningar sýnist mér Ásgeir slæma fingri í boltann og verja þar með í slánna. Ef það er ekki tálsýn þá frábær markvarsla! Skagamenn mun líklegri.

Skagamenn með skot í slá, en staðan er markalaus um miðjan fyrri hálfleikinn pic.twitter.com/xvASHx4zKs

— RÚV Íþróttir (@ruvithrottir) April 19, 2023

Arnleifur reynir skot úr aukaspyrnu fyrir ÍA en boltinn yfir markið.

Fyrsta korterið að baki. Held að ég geti ekki haldið öðru fram en að Skagamenn hafi verið betri aðilinn. Kannski lítið skapað sér en verið beinskeyttari svo mikið er víst.

ÍA með hornspyrnu. Drífur ekki yfir fyrsta varnarmann, niðurstaðan annað horn. Nacho skallar það seinna frá. Ber fyrirliðabandið í fjarveru Magnúsar Þórs sem glímir við smávægileg meiðsli í nára.

Rosalega lítið að gerast hérna, Keflvíkingar sáttir með sitt og bíða færis enda þurfa Skagamenn að taka sénsa.

Breki Þór sem ég geri ráð fyrir að hafi tekið spyrnuna áðan líka lætur vaða en boltinn rétt framhjá.

Aftur fá Skagamenn aukaspyrnu á hættulegum stað. Eða öllu heldur nánast sama stað og áðan. Verður niðurstaðan önnur nú?

Skagmenn vinna boltann hátt á vellinum. Arnór Smára leggur boltann á Gísla Laxdal við D-bogann sem á skotið en vel yfir markið fer boltinn. Skagamenn beittir í blábyrjun leiks.

Fínasta aukaspyrna sem svífur yfir vegginn og smellur í stönginni. Hver tók er mér algjörlega hulið en Ásgeir sem stendur í marki Keflavíkur hefði seint náð þessum bolta.

Skagamenn að fá aukaspyrnu á ágætis stað. Skotfæri klárlega

Hefjum þetta hér. Það eru heimamenn sem hefja hér leik.

Okkur er ekkert að vanbúnaði hér í Keflavík. Liðin hafa gengið til vallar og allt til reiðu hér til að leikar hefjist.

Vegna framlengingar í leik Stjörnunar og ÍBV seinkar upphafsflautinu hér um 5 mínútur samkvæmt mínum upplýsingum. Það er tilkomið vegna sjónvarpsútsendingar frá leiknum í Garðabæ sem og hér en báðir leikir eru í beinni á Rúv 2

Jóhann Ingi Jónsson heldur um flautuna í Reykjanesbæ í kvöld. Honum til aðstoðar eru þeir Kristján Már Ólafs og Jakub Marcin Róg. Bríet Bragadóttir er fjórði dómari og eftirlitsmaður KSÍ er Þórður Georg Lárusson.

Leikurinn fer fram á gervigrasvellinum við hlið Reykjaneshallarinnar líkt og deildarleikur Keflavíkur á dögunum. Þar hefur verið útbúin ágætis áhorfendaaðstaða og ekki úr vegi fyrir fólk að gera sér ferð á völlinn. Vissara þó að klæða sig vel.

Sextán sinnum hafa liðin barist innbyrðis í Bikarkeppninni og hallast tölfræðin heldur upp á Akranes. ÍA hefur fagnað sigri tíu sinnum alls, Keflavík fimm sinnum og einn leikur er skráður jafntefli það herrans ár 1965. (Á þeim tíma var leikur endurtekinn ef um jafntefli var að ræða og mættust liðin aftur viku síðar þar sem ÍA hafði sigur.) Skagamenn hafa líka átt ögn greiðari leið að marki Keflavíkur en öfugt og er markatala 29-17 gulum í vil. Síðast mættust liðin í Mjólkurbikarnum í undanúrslitum árið 2021 þar sem að ÍA hafði 2-0 sigur.

Skagamenn sem leika sinn annan leik í Mjólkurbikarnum þetta árið tryggðu sér sæti í 32 liða úrslitum með sigri á öðru Suðurnesjaliði en þeir lögðu Víði frá Garði 3-0 í Akraneshöllinni í upphafi mánaðarins þar sem Arnór Smárason, Haukur Andri Haraldsson og Viktor Jónsson sáu um markaskorun fyrir ÍA. Skagamenn voru síðast í bikarúrslitum 2021 þar sem þeir lutu í gras gegn Víkingum en biðin eftir sigri í bikarnum er ögn lengri. Síðast fagnaði ÍA sigri í kepnninni árið 2003 eða fyrir tuttugu árum síðan.

Keflavík mætir til leiks í kvöld í 32 liða úrslitum líkt og önnur lið í Bestu deildinni. Vegferð liðsins í bikarnum í fyrra var styttri en vonir stóðu til en liðið féll út strax í 32 liða úrslitum það árið með 1-4 tapi gegn grönnum sínum í Njarðvík. Markmiðið eflaust að gera betur að þessu sinni en níu ár eru síðan Keflavík komst síðast í bikarúrslit og sautján ár síðan liðið fagnaði síðast sigri í keppninni.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og ÍA í 32 liða úrslitum Mjólkurbikars karla.