SKÝRSLAN: Rosaleg dramatík á Akranesi þegar ÍA og Afturelding skildu jöfn
Hvað réði úrslitum?
Afturelding spiluðu frábærlega og voru betri aðilinn í 70.mínútur en Sævar Atli Hugason fékk rautt spjald á 71.mínútu leiksins að þá breyttist leikurinn og Skagamenn fóru að sækja og fengu nokkur mjög góð færi og náðu loksins að setja markið í netið á síðustu mínútu leiksins.
Bestu leikmenn
1. Yevgen Galchuk (Afturelding)
Yevgen Galchuk fyrir mér var maður leiksins á Akranesi í kvöld en hann átti nokkrar lykilvörslur í leiknum og var óheppin að fá þetta mark á sig undir lokin.
2. Rasmus Christiansen (Afturelding)
Stýrði varnarleik Aftureldingar vel í kvöld og var mjög góður í kvöld.
Atvikið
Það eru tvö atvik. Markið sem var dæmt af Skagamönnum og svo þetta rauða spjald og ég ætla að segja að rauða spjaldið hafi verið atvikið í leiknum þegar Sævar Atli Hugason var sendur í sturtu eftir tæklingu á Arnór Smárason og við það opnaðist leikurinn og ÍA nýtti sér það að vera manni fleiri síðustu tuttugu mínútur leiksins.
Hvað þýða úrslitin?
Bæði liðin fá plús eitt á töfluna. ÍA fer í Breiðholtið í næstu umferð og mætir Leikni Reykjavík á meðan Afturelding mætir Gróttu.
Vondur dagur
Sævar Atli Hugason - Fór í þessa tæklingu á Arnór Smárason og var óheppinn og fékk beint rautt spjald.
Dómarinn - 5
Tvö stór atvik og fannst mér markið sem dæmt var af Skaganum rétt og tæklingin hjá Sævari Atla var appelsínugullt fyrir mér en Sigurður Hjörtur mat þetta sem harkalegan leik og gaf Sævari beint rautt. Fyrir utan þessi atvik vel dæmdur leikur hjá Sigurði.