Eftir daufan fyrri hálfleik lýkur þessu með 2-2 jafntefli!

Umfjöllun kemur seinna í kvöld.

Frosti Brynjólfs vinnur boltann á hættulegum stað og keyrir af stað en skotið er beint á Árna.

4 mínutum bætt við.

Áhorfendur í dag eru 823 talsins.

Fylkir fær horn hérna sem Arnór Breki tekur og niðurstaðan er annað horn.

Óskar Borgþórs hérna með fínt skot utan af velli en Árni handsamar þetta. Óskar verið líflegastur Fylkismanna í dag.

Elís Rafn og Þórður Gunnar sitja hér báðir á vellinum spurning hvort skiptingarnar verðir fleiri hér strax.

Örvar Logi hér að sleppa í gegn en missir boltann of langt frá sér og Ólafur handsamar þetta.

Óskar tók hornið en ekkert varð úr þessu.

Fylkir fær hér sitt fyrsta horn í dag.

Stjarnan fær hér horn. Hilmar tekur að vanda en ekkert verður úr þessu.

Hilmar Árni tekur spyrnuna en hún er himinhátt yfir markið.

Þórður Gunnar brýtur á Ísaki hér á ansi hættulegum stað.

Fylkir hefja leik í seinni.

Emil Atlason virðist vera að hita sig upp í að koma inn á hér í hálfleiknum.

Vilhjálmur flautar hér til hálfleiks. Litið markvert gerst hér í leiknum og spurning hvort að 0-0 spá Guðjóns Péturs verði að veruleika.

Þremur mínutum bætt við hér í Garðabænum.

Óskar Borgþórs keyrir hér á Gumma Kristjáns og á skot á nærhornið en Árni ver vel.

Hilmar tekur hornið sem fer beint í hendurnar á Óla sem missir hann þó fyrir fætur Björns Berg sem er hársbreidd frá því að ná til boltans.

Stjarnan fær hér fyrsta horn leiksins

Ragnar Bragi hér með frábæran sprett upp vallarhelming Stjörnunnar en skotið hans fer að lokum beint á Árna.

Gummi Kristjáns hér með fína fyrirgjöf inn á teiginn þar sem Eggert er nokkuð einn en skalli hans slakur og beint á Ólaf.

Óli Kalli situr á vellinum núna og virðist ekki ætla að halda leik áfram, blóðtaka fyrir Árbæinga.

Nikulás Val gerir hér vel og nær skoti í átt að fjærhorni við vítateigslínuna. Sýndist þetta ætla inn en fer að lokum rétt framhjá!

Kjartan Már með mjög fínan sprett hérna og á að lokum skot sem Kristófer á í engum vandræðum með.

Stjarnan heldur boltanum betur þessa stundina en ekki hægt að segja að það stafi mikil ógn af þeim akkurat þessa stundina.

Guðmundur Baldvin tekur spyrnuna en hún var einstaklega slök og gífurlega langt framhjá.

Ragnar Bragi brýtur hér á Ísaki á stórhættulegum stað.

Ólafur Karl í mjög góðu færi hér einn við vítateigspunktinn en skotið slakt og beint á Árna.

Eggert með skot af löngu færi sem Ólafur Kristófer handsamar með herkjum

Fyrsta skot leiksins er komið en það var af löngu færi og langt framhjá frá Emil Ásmundssyni,

Adolf Daði fer full harkalega á eftir boltanum sem Ólafur Kristófer handsamar og skellur á Ólafi. Hefði hugsanlega getað verið gult spjald.

Stjarnan byrjar með boltann.

Liðin labba þessa stundina til vallar og því styttist í upphafsflaut Villa Alvars.

Jökull Elísabetarson, þjálfari Stjörnunnar virðist vera búinn að finna sitt lið því að hann gerir enga breytingu frá bikarleiknum gegn Keflavík sem Stjarnan vann 4-0.

Rúnar Páll Sigmundsson, þjálfari Stjörnunnar gerir hinsvegar heldur fleiri breytingar á sínu liði. Þórður Gunnar Hafþórsson, Ólafur Karl Finsen og Arnór Breki Ásþórsson koma inn í liðið í stað Péturs Bjarnason, Benedikts Daríus Garðarsonar og Axels Mána Guðbjörnssonar.

Guðjón Pétur Lýðsson leikmaður Grindavíkur og fyrrum leikmaður Stjörnunnar spáir í spilin.

Stjarnan 0 - 0 Fylkir (á mánudag klukkan 19:15)
Stjarnan gerir allt til að vinna en með innkomu Danna Lax í liðið er ekki hægt að skora á þá og líklega hefði Stjarnan verið í 1 sæti ef hann hefði spilað frá byrjun þessa móts en Rúnar Páll læsir öllu hinum megin og Guðmundur Baldvin, Eggert , Adolf og Hilmar Árni skjóta allir í tréverkið en inn fer boltinn ekki.

Við vonum nú samt að þessi spá hjá Guðjóni Pétri verði ekki að veruleika og að við fáum eitthver mörk í þetta!

Leikdagur dagskrá:

18:15 - Dúllubar opnar
18:15 - Veislusalur opnar fyrir Gullkortshafa þar sem Brynjar Björn mætir og fer yfir málin
18:30 - Búllubörger frá Stjörnubúllunni verður klár!
19:15 - Stjarnan - Fylkir @SAMSUNGVÖLLUR

Mætum snemma!

SKÍNI STJARNAN pic.twitter.com/4cZPCN7cMy

— Stjarnan FC (@FCStjarnan) May 22, 2023

Á Samsungvellinum mætast Stjarnan og Fylkir.

???? Samsungvöllurinn
?? 19:15
?? @FCStjarnan ???? @FylkirFC
????? Miðasala á https://t.co/gOIMRhybun pic.twitter.com/dVBTl3iku3

— Besta deildin (@bestadeildin) May 22, 2023

Leikurinn er sérstakur fyrir þær sakir að Rúnar Páll Sigmundsson er að mæta aftur í Garðabæinn. Rúnar, sem er í dag þjálfari Fylkis, er í fyrsta sinn á þjálfaraferlinum að fara að stýra liði gegn Stjörnunni í keppnisleik á vegum KSÍ. Allavega ef marka má vefsíðu Knattspyrnusambandsins.

Rúnar er algjör goðsögn hjá Stjörnunni eftir að hann stýrði liðinu til Íslandsmeistaratitils árið 2014. Hann stýrði Stjörnunni með frábærum árangri frá 2014 til 2021.

Á svæði Silfurskeiðarinnar - stuðningsmannahóps Stjörnunnar - á Facebook er leiknum í kvöld lýst sem endurkomu kóngsins (e. return of the king) en það á svo sannarlega vel við í þessu tilfelli.

Svo er Ólafur Karl Finsen, maðurinn sem tryggði Stjörnunni meistaratitilinn 2014, í liði Fylkis. Þannig að þessi leikur verður sérstakur fyrir nokkrar sakir.

Stjarnan kemur inn í leikinn á góðum nótum eftir að hafa byrjað vel undir stjórn Jökuls Elísabetarsonar en hann hefur unnið fyrstu tvo leikina eftir að hafa tekið við liðinu eftir brottrekstur Ágúst Gylfasonar sem var látinn fara eftir arfaslakt gengi í upphafi tímabils.

Seinasti leikur liðsins var gegn Keflavík í bikarnum og unnu Garðbæingar þar einstaklega öruggan 4-0 sigur en það sama var uppi á teningum í seinasta deildarleik en þar fékk liðið ÍBV í heimsókn í Garðabæinn og voru lokatölur þar einnig 4-0. Spurningin er bara sú hvort að þetta góða gengi undir stjórn Jökuls geti haldið áfram.

Komiði sæl og blessuð og verið velkominn í beina textalýsingu úr Garðabænum. Hér fer fram leikur Stjörnunnar og Fylkis á Samsungvellinum.