SKÝRSLAN: Sumargleði í Kaplakrika þegar FH og Breiðablik skyldu jöfn
Hvað réði úrslitum?
Leikurinn var gríðarlega skemmtun. Leikurinn byrjaði á færum á báðum endum. Breiðablik komust í tveggja marka forskot á fimm mínútna kafla í fyrri hálfleik. FH sýndi gríðarlegan karakter eftir það og komu sér inn í leikinn aftur undir lok fyrri hálfleiks. FH komu út í síðari hálfleikinn og voru gríðarlega öflugir og náðu inn jöfnunarmarkinu og hefðu með öllu geta stolið stigunum þremur.
Bestu leikmenn
1. Davíð Snær Jóhansson (FH)
Davíð Snær var frábær í dag. Gríðarlegur kraftur í honum. Skoraði tvö mörk og hefði átt að skora fleiri en hann var duglegur að koma sér í góð færi.
2. Kjartan Kári Halldórsson (FH)
Kjartan Kári var gríðarlega öflugur úti á vængnum hjá FH í dag. Kom með góðar fyrirgjafir ásamt því lagði Kjartan Kári upp fyrra markið sem FH skoraði.
Atvikið
Kjartan Henry kom inn á um miðjan síðari hálfleik og var ekki lengi að koma sér í eitthvað rugl. Hann og Damir Muminovic lentu saman og Kjartan skallaði Damir létt og var stál heppinn að fjúka ekki útaf.
Hvað þýða úrslitin?
FH situr áfram í fjórða sæti deildarinnar og er liðið með 18.stig. Breiðablik lyftir sér upp um eitt sæti og er liðið núna fjórum stigum á eftir toppliði Víkings.
Vondur dagur
Það átti engin einhvern skelfilegan dag en Anton Ari gerði sig sakan um slæm mistök í öðru marki FHinga þegar hann fékk boltann og Davíð Snær setti pressu á hann og endaði með því að boltinn barst beint til Loga Hrafns sem sendi Davíð Snæ í gegn og kláraði framhjá Antoni Ara.
Dómarinn - 5
Sigurður Hjörtur og hans menn réðu ekki við þennan stóraleik. Það voru ansi margar furðulegar ákvarðanir sem teymið tók. Alex Freyr hefði átt að fjúka útaf og svo hefði Kjartan Henry átt að fá beint rautt fyrir að fara í Damir Muminovic. Svo var dæmt mark af FH í síðari hálfleiknum sem var ansi furðulegt en undirritaður á eftir að sjá það atvik aftur.