SKÝRSLAN: Afturelding í toppsætið
Hvað réði úrslitum?
Sloppy varnarleikur hjá Vestra, gefa tvö mörk úr hornum og þannig geriru þér erfitt fyrir. Meistarabragur á þessum sigri Aftureldingar. Þó líklega of lítið liðið af tímabilinu til þess að fara tala um svoleiðis hluti.
Bestu leikmenn
1. Aron Eli Sævarsson
Heldur áfram að sýna að hann sé besti bakvörður deildarinnar og auk þess að vera góður heilt yfir í dag skorar hann þetta mikilvæga þriðja mark.
2. Georg Bjarnason
Skorar mikilvægt mark í upphafi leiks og leggur upp annað markið í dag.
Atvikið
Afturelding skorar mark í upphafi leiks sem setti svolítið tóninn. Alltaf mikilvægt að skora snemma.
Hvað þýða úrslitin?
Afturelding tyllir sér í toppsætið á meðan Vestri heldur áfram slakri stigasöfnun og eru nú stigi frá fallsæti.
Vondur dagur
Rafael Broetto leit illa út í þriðja markinu í dag þegar hann greip í tómt og leyfði þannig Aroni að skora í autt markið.
Dómarinn - 6
Enginn stór atriði sem klikkuðu í dag hjá Þórði en fannst hann oft vera með skrýtna línu þegar kom að gulum spjöldum og átti klárlega að reka Deniz Yaldir útaf með annað gula undir lok leiks.