SKÝRSLAN: Alvöru baráttustig hjá Leikni
Hvað réði úrslitum?
Þetta var jafn leikur í fyrri hálfleik en Grindavík náði að skora alveg í lok hálfleiksins. Leiknir byrjaði seinni hálfleikinn illa og Grindavík græddi á því með að skora sitt annað mark. Þetta leit allt út fyrir að vera komið hjá Grindavík, en svo átti Leiknir eitthvern ótrúlegan kafla þar sem þeir áttu færi eftir færi, og náði að nýta sér tvö af þeim til að jafna leikinn.
Bestu leikmenn
1. Daníel Finns Matthíasson - Leiknir
Daníel með stoðsendingu í þessum leik. Átti að auki gott færi þegar Omar Sowe potaði boltanum næstum því inn í markið. Var mjög sprækur í leiknum í dag.
2. Róbert Hauksson - Leiknir
Róbert var mjög góður þegar hann kom inná. Krafturinn hjá Leiknir breyttist alveg eftir að hann kom inná og fannst mér hann vera stór ástæða fyrir því að Leiknir jafnaði. Skoraði frábært mark til þess að tryggja þetta stig
Atvikið
Að mínu mati var atvik leiksins þegar Omar Sowe kemur með boltann í teiginn, svo dettur boltinn á Dag Inga sem á skot sem Viktor Freyr ver. Aðeins 5 sekúndum seinna á Daníel Finns skot fyrir utan teig sem virðist vera á leiðinni í markið, þá kemur Sowe við boltann á meðan boltinn er á flugi og boltinn endar beinustu leið yfir markið.
Hvað þýða úrslitin?
Leiknir liggur í 11. sæti í deildinni, fallsæti með fjögur stig. Á meðan Grindavík heldur sér áfram í 3. sæti með ellefu stig í deildinni.
Vondur dagur
Það átti enginn sérstakur leikmaður vondan leik í dag. Bæði lið stóðu sig vel, bara á á sitthvoru öm kafla leiksins. Það sem ég tók eftir var að Viktor Freyr í marki Leiknismanna gaf alveg frá sér tvö mörk sem hann hefði átt að gera betur í.
Dómarinn - 4
Arnar Þór og teymið hans áttu ekki góðan leik í dag. Það var mikið vera að dæma á ekkert og leyfa þá ekki leiknum að fljóta áfram. Það var líka stundum ekki verið að spjalda þegar hörkubrot átti sér stað.