SKÝRSLAN: KA komið á beinu brautina?
Hvað réði úrslitum?
Þetta var ekki glæsilegasti fótboltaleikurinn. KA var fyrri til að skora og manni fannst þetta bara vera orðið nokkuð þægilegt í stöðunni 2-0. Fylkismönnum tókst að gera þetta að leik aftur og hefðu getað fengið eitthvað út úr þessu að lokum.
Bestu leikmenn
1. Kristijan Jajalo
Það var mikið álag á Jajalo undir lok leiksins og hann bjargaði því algjörlega að KA næði í öll stigin. Varði tvö dauðafæri hjá Fylki á síðasta korterinu.
2. Þorri Mar Þórisson
Hann fékk flugbraut upp hægri kantinn lengst af og var stórhættulegur, KA menn náðu bara ekki að fylla teiginn nægilega vel. Sveinn Margeir var einnig flottur í leiknum, kom KA yfir með flottu marki.
Atvikið
Markið hjá Fylki hleypti þessum leik í þvílíka spennu. Eins og fyrr segir fékk Fylkir tækifæri til að jafna og jafnvel stela sigrinum en Jajalo var vandanum vaxinn.
Hvað þýða úrslitin?
KA fór upp í 4. sætið í smá stund en FH endurheimti það með jafntefli gegn Blikum. Fylkir hefur verið á fínu skriði en þetta var fyrsta tap liðsins í síðustu fimm leikjum. Liðið er með 11 stig eftir 11 leiki.
Vondur dagur
Lifnaði yfir Fylkisliðinu í seinni hálfleik. Mættu alls ekki til leiks, Sóknarleikurinn erfiður, Pétur Bjarnason m.a. týndur í leiknum.
Dómarinn - 7
Ég hef persónulega ekkert út á dómgæsluna að setja. Flottur.