Erlendur Eiríksson flautar hér til leiksloka,
Hádramatískt 1-1 jafntefli hér á Meistaravöllum.
Viðtöl og skýrsla innan skams.

Breki Ómars kominn í gegn og setur boltann í stöngina.
Hann hefði getað farið nær markinu þarna!

Breki Ómarsson fellur við í teignum og Erlendur dæmir víti!
Að mínu mati frekar soft víti.

Eyjamenn fá hornspyrnu, hún fer yfir allan pakkann og Oliver Heiðars er einn á fjærsvæðinu en setur boltann framhjá.
Oliver búinn að vaða í færum hér í dag.

Oliver Heiðars tekur langt innkast, boltinn fellur dauður á fjærsvæðinu en enginn Eyjamaður til að pota boltanum í netið og KR-ingar koma boltanum frá.

Ég hreinlega skil ekki hvernig það er ekki komið mark í þessum leik.

Oliver Heiðars sleppur einn í gegn og rennir boltanum framhjá Simen Kjellevold en boltinn endar í stönginni!
Annað skiptið sem Oliver setur boltann í stöngina í leiknum.

Jói Bjarna á skot sem fer af varnarmanni og í horn.

Ægir Jarl með boltann út á hægri kanti hann keyrir inn frábærlega og á lúmskt skot sem fer rétt framhjá marki gestanna.
Frábærlega gert hjá Ægi!

Tómas Bent á fyrirgjöf sem fer í gegnum alla vörn KR og boltinn fer á Arnar Breka sem er á fjærsvæðinu, hann tekur skotið en Simen Kjellevold lokar frábærlega á hann og ver skotið!

Eyjamenn með frábært spil í teig KR, sóknin endar með skoti frá Sverri Páli sem fer yfir.

Síðari hálfleikur farinn hér af stað!

Erlendur Eiríksson flautar til hálfleiks,
markalaust hér á Meistaravöllum en alls ekki leiðinlegur fyrri hálfleikur.
Bæði lið átt sín færi en hafa ekki nýtt þau nægilega vel.

Boltinn dettur fyrir Tómas Bent á vítateig KR-inga, Tómas krullar boltanum yfir mark heimamanna.
Fínasta færi ÍBV.

Benoný dansar með boltann og rennir honum svo á Grétar Snæ sem er kominn í ágætis stöðu í teig gestanna. Grétar leggur boltann fyrir sig og hamrar honum svo rétt framhjá marki Eyjamanna.

Atli Sigurjóns við það að sleppa í gegn en Richard King gerir vel og kemur boltanum í horn. Ekkert kemur úr horni KR-inga.

Heimamenn fá þrjár hornspyrnur í röð en heimamenn ná ekki að nýta sér hornin nægilega vel.

Hermann Þór á frábæran bolta inn fyrir á Oliver Heiðars hann er kominn utarlega í teig KR-inga. Oliver lætur vaða og smellir hann boltanum í utanverða stöngina.

Benoný Breki langt fyrir utan teig á þrumuskot sem Guy Smit blakar yfir mark gestanna.

Enn og aftur fá Eyjamenn horn en KR-ingar koma boltanum frá.

Eyþór Daði sem skoraði úr aukaspyrnu í síðustu umferð tekur spyrnuna en hún fer beint í varnarmann KR og heimamenn koma hættunni frá.

ÍBV að fá fjórða hornið sitt, Ægir Jarl skallar frá.

Gestirnir fá fyrsta horn leiksins, KR-ingar skalla boltann yfir og ÍBV fær annað horn. Boltinn berst á Richard King skallar boltann rétt framhjá!

Benoný Breki sleppur inn fyrir en er flaggaður rangstæður.

Aron Þórður sparkar þessu af stað fyrir heimamenn.

Liðin ganga hér inn á völlinn með Heyr mína bæn í græjunum, nú styttist í að veislan hefjist!

11. umferð Bestu deild karla hefst í dag. KR tekur á móti ÍBV.

???? Meistaravellir
?? 14:00
?? @KRreykjavik ???? @IBVsport
????? Miðasala á https://t.co/gOIMRhybun pic.twitter.com/OcgxOz5aYo

— Besta deildin (@bestadeildin) June 10, 2023

Rúnar Kristinsson þjálfari KR gerir 3 breytingar frá síðasta leik. Grétar Snær, Benoný Breki og Aron Þórður koma inn í byrjunarliðið. Þeir Olav Öby og Theodór Elmar taka sér sæti á bekknum en Kristinn Jónsson er utan hóps.

Hermann Hreiðarsson gerir tvær breytingar á liðinu. Tómas Bent og Eyþór Daði koma báðir í byrjunarliðið á kostnað Alex Freys og Elvis Bwomono en hann er í banni vegna uppsafnaðra spjalda.

Gaupi einhver ástælasti íþróttafréttamaður þjóðarinnar en hann las íþróttafréttir í síðasta skipti á Stöð 2 í lok síðasta mánaðar. Hann spáir heimamönnum sigri hér í dag.

KR 1 - 0 ÍBV

,,Þetta er athyglisverður leikur. Eyjamenn hafa verið í basli en mér fannst þeir byrja ágætlega og þeir litu prýðilega út. KR-ingarnir hafa svolítið verið að ná vopnum sínum, en þeir komust í undanúrslit í bikarnum. Þetta er leikur sem KR þarf að vinna ef þeir ætla að blanda sér í hóp sex efstu liða í deildinni. Vinni þeir ekki þennan leik, þá verður KR í neðri hluta deildarinnar það sem eftir lifir sumars. Kristján Flóki mun hjálpa þeim og ég spái því að hann skori.“

Eftir að hafa tapað 5 leikjum í röð unnu Eyjamenn frábæran 3-0 sigur gegn HK á Hásteinsvelli í síðustu umferð. Hermann Hreiðarsson hafði þetta að segja í viðtali eftir leik:

,,Þessi sigur sýnir karakterinn í klefanum því það er ekkert létt að tapa fimm leikjum og það er pressa og komnir á botninn en sýndi bara úr hverju menn eru gerðir og það eru bara alvöru menn þarna inn í klefanum.“

ÍBV er í 11. sæti deildarinnar með 9 stig eftir fyrstu 10 umferðirnar.

Eftir hörmungarbyrjun á tímabilinu er KR að ná að rétta úr kútnum. KR-ingar komu sér í undanúrslit Mjólkurbikarsins á dögunum með 2-1 sigri á Stjörnunni, þar sem Ægir Jarl Jónasson gerði sigurmarkið á 104. mínútu í framlengingu.

Í 7. umferð var liðið á botni deildarinnar með 4 stig en nú eftir 10 umferðir er KR í 9. sæti með 11 stig. Flottur viðsnúningur hjá KR verður spennandi að sjá hvort að þeir nái að halda dampi hér í dag.

Heilir og sælir lesendur góðir og veriði velkomin í þráðbeina textalýsingu frá Meistaravöllum, þar sem KR tekur á móti ÍBV í 11. umferð Bestu-deildar karla.