Góður SIgur í höfn hjá Mosfellingum sem komast í toppsætið!

5 mínutur í uppbót hérna.

Aðeins dregið af pressu Vestramanna seinustu 5 mínutur.

Látlaus pressa þessa stundina hjá ísfirðingum.

Deniz sloppin í gegn hér en er réttilega dæmdur rangstæður.

Arnór Gauti gegn gangi leiksins nálægt því að klára þetta hérna. Er í dauðafæri en skýtur í varnarmann og yfir.

Vestramenn stjórna ferðina hérna þessa stundina. Spurning hvort þeir nái að minnka muninn hérna fljótlega.

Mikkel Jakobsen reynir hérna skot við vítateigslínuna. Hamrar þessu rétt framhjá.

Ásgeir Frank liggur og fær aðhlynningu. Vonandi heldur hann leik áfram.

Denis Yaldir hársbreidd frá því að minnka muninn hérna, Skallinn frá honum hafnar þó í stönginni.

Elvar Baldvins heppinn að sleppa við gult spjald hérna eftir glæfralega tæklingu á Bjarti.

Þetta er farið af stað á ný.

Afturelding fer með þægilega 2-0 stöðu inn í hálfleikinn. Lítur ansi vel út fyrir þá. Hafa ekkert verið að yfirspila Vestramenn en hafa samt náð inn tveimur mörkum sem er virkilega sterkt.

Frekar bragðdauft hingað til. Afturelding getur þó prísað sig sæla að leiða eftir mark úr föstu leikatriði.

Bjartu Bjarmi við það að sleppa í gegn hérna en Mikkel gerir virkilega vel í að komast á undan í boltann.

Ásgeir tekur aftur horn hérna og aftur endar þetta með skalla frá Georgi Bjarnasyni en Rafael ver virkilega vel

Ásgeir Frank fer hér í kröftuga tæklingu á Ibrahima Balde og tekur svo skot hárfínt yfir markið. Ibrahima ósáttur að fá ekki aukaspyrnu. Tæklingin var kröftug en leit ekki út fyrir að vera brot.

Ásgeir Marteinsson hérna með áhugaverða tilraun lengst utan af velli en langt framhjá fór boltinn.

Flott spil hjá Vestramönnum, Morten Hansen kemur boltanum fyrir á Túfa sem er í dauðafæri en Galchuk gerir frábærlega í að verja frá honum.

Afturelding sækir fyrsta horn leiksins og Ásgeir tekur.

Vestri hefur leik og sækir í átt að knatthúsinu.

Liðin eru þessa stundina að ganga til vallar og því styttist í upphafsflaut Þórðar Þorsteins.

Byrjun Vestra á tímabilinu hefur ekki verið jafn góð en liðið er með 5 stig eftir 5 leiki og enn aftur koma Vestramenn illa undan vetri sem er auðvitað nokkuð þekkt stef. Liðið varð auðvitað fyrir blóðtöku stuttu fyrir mót þegar helsta stjarna liðsins, Nikolaj Madsen gaf út að hann tæki ekki þátt í sumar sökum persónulegra aðstæðna. Fyrsti sigurleikur liðsins kom þó í seinasta leik þegar liðið lagði Njarðvíkinga af velli á heimavelli og nú er því um að gera fyrir Davíð Smára og hans menn að hamra járnið meðan það er heitt og sækja fleiri stig og sigra.

Afterelding hefur átt sannkallaða draumabyrjun á tímabilinu og geta komist aftur á topp töflunnar með 3 stigum í dag. Liðið er með 13 stig eftir 5 leiki en eini leikurinn sem ekki vannst var útileikur á Skipaskaga sem lauk með 1-1 jafntefli þar sem Sævar Atli Hugason fékk rautt spjald. Seinasti leikur Aftureldingar var 3-0 sigur gegn Grindvíkingum en þar spilaði rautt spjald einnig lykilrullu en í þeim leik var Guðjóni Pétri Lýðssyni leikmanni Grindavíkur vikið af velli.

Komiði sæl og verið velkomin í Mosfellsbæinn, hér fer fram fyrsti leikur tímabilsins á Malbiksstöðinni að Varmá. í þetta sinn kemur Vestri í heimsókn og mætir heimamönnum í Aftureldingu.