SKÝRSLAN: Beinskeyttir KR-ingar með öruggan sigur
Hvað réði úrslitum?
Skyndisóknir KR sem voru einstaklega clinical í sínum skyndisóknarfærslum. Voru þéttir fyrir varnarlega og leyfðu Blikum að hafa boltann og sækja á sig. Vel útfærður leikur hjá KR í dag.
Bestu leikmenn
1. Atli Sigurjónsson
Var frábær í dag. Mark og stoðsending og hlaupagikkur.
2. Jakob Franz Pálsson
Frábær í vörninni og stoppaði sóknarfærslur Blika skipti eftir skipti. Skoraði líka flott skallamark.
Atvikið
Rétt áður en KR skorar þriðja mark sitt í leiknum að þá áttu Blikar að fá vítaspyrnu og hreint með ólíkindum að það hafi ekki verið dæmt. Aron Þórður (á gulu spjaldi) hrindir þá Antoni Loga með báðum höndum inn í teig KR og var það augljóst fyrir alla sem voru á vellinum. En í staðinn að þá þutu KR upp völlinn og settu þriðja markið í grímuna á Blikum.
Hvað þýða úrslitin?
Blikar sitja enn í þriðja sætinu en ná ekki að saxa á forskot Víkinga eða Vals og held ég að óhætt sé að segja að lítil von sé að þeir verji titilinn þetta árið.
KR eru komnir jafnir Stjörnunni í fjórða sætið, með verra markahlutfall, að minnsta kosti um stundarsakir.
Vondur dagur
Anton Ari átti ekki góðan dag. Í fyrsta marki KR að þá virðist hann missa fæturnar og Luke Rae kemst auðveldlega framhjá honum og skorar. Í öðru marki að þá er hægt að setja spurningamerki einnig við hann þegar skalli Jakobs Franz sveif á skjaldbökuhraða í fjærhornið. Í fjórða marki KR misreiknar sig í úthlaupi í fyrirgjöf og missir af boltanum og fær á sig mark í kjölfarið.
Dómarinn - 6
Ágætlega dæmdur leikur en lækkar í einkunn fyrir að dæma ekki vítaspyrnuna sem ég minnist á í ,,atvikið"