KR tóku á móti nágrönnum sínum í Val á Meistaravöllum í kvöld þegar 17.umferð Bestu deildarinnar hélt áfram göngu sinni.
KR freistaði þess að komast aftur á sigurbraut eftir tap í síðustu umferð en það voru Valsmenn sem reyndust sterkari.
Lestu um leikinn: KR 0 - 4 Valur
„Í stöðunni 0-0 er allt í járnum og mér fannst við vera gera vel í að stoppa Valsmenn í að byggja upp spil og jafn leikur." Sagði Rúnar Kristinsson þjálfari KR eftir leikinn í kvöld.
"Bara 1-1 í færum þegar þeir sleppa hér í gegn og rangstöðuvörnin klikkar aðeins og þeir sleppa einir í gegn og línan okkar ekki nægilega góð og við fáum á okkur 1-0 og leikurinn áfram í jafnvægi en svo kemur 2-0 í andlitið rétt fyrir lok fyrri hálfleiks á síðustu mínútu og það gerði okkur erfitt fyrir síðari hálfleik þrátt fyrir það að við hefðum átt gott spjall í hálfleik og ætluðum að fara út og reyna halda áfram að herja á þá og reyna ná inn einu marki til að minnka muninn en Valsmenn voru bara með gríðarleg gæði og þegar þeir eru komnir í 2-0 forskot að þá líður þeim vel og þeir spiluðu mjög flottan leik og við vorum í basli."
Rúnar nefndi það í viðtalinu að hann hefði viljað vera með meiri reynslu í liðinu en aðspurður hvort það stæði til að bæta við hópinn í glugganum átti hann ekki von á því.
„Ég held að við þurfum að skoða það bara til lengri tíma, ég held að í dag séum við ekki að fara gera mikið en auðvitað þurfum við að horfa inn í framtíðina og horfa á næsta ár og menn þurfa að skoða það hvernig við getum styrkt liðið okkar og gert betur því við þurfum að hafa góða leikmenn til að búa til góð lið til að eiga séns á að berjast um titla og eins og staðan er í dag þá erum við kannski aðeins þar frá."
Nánar er rætt við Rúnar Kristinsson þjálfara KR í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
