SKÝRSLAN: Fyrsti heimasigur Grindavíkur síðan 22.maí
Hvað réði úrslitum?
Grindavík nýtti eitt færi en Leiknir ekki neitt. Leikur sem að réðist á einverju óáþreifanlegu. Leiknismenn fengu alveg færin til að jafna leikinn en inn vildi boltinn ekki. Grindvíkingar sömuleiðis með sláarskot og fleira til. Sanngjarn sigur? Eflaust ekki út frá tölfræði en að því er einfaldlega ekki spurt.
Bestu leikmenn
1. Sigurjón Rúnarsson
Stöðvaði ófáar sóknir Leiknismanna og átti heilt yfir fínasta leik. Leikmaður sem Grindavík verður að treysta á að sé á sínum degi í sínum varnarleik.
2. Patryk Hryniewicki
Er óvænt í byrjunarliði Leiknis með skömmum fyrirvara. Smá skjálfti í varnarlínu þeirra til að byrja með en hann fór vaxandi er líða fór á leikinn. Óheppinn að skora ekki þegar hann fékk ágætt skallafæri í teignum eftir horn.
Atvikið
Þrefalt færi Leiknis undir lokin, Skil ekki að boltinn hafi ekki endað í netinu en svoleiðis var það bara.
Hvað þýða úrslitin?
Grindavík lyftir sér uppfyrir Gróttu í sjöunda sæti deildarinnar og situr þar með 22 stig tveimur stigum minna en Vestri sem er í fimmta og síðasta umspilssætinu, Leiknir situr í því fjórða með 26 stig.
Vondur dagur
Omar Sowe fær þetta frá mér í dag. Fékk úrvalsfæri í dag til þess að jafna leikinn í fyrri hálfleik en í stað þess að setja boltann af yfirvegun í netið reyndi hann að rífa það með firnaföstu skoti. Hafði ögn meiri tíma og þarf að sýna meiri yfirvegun í færunum sem hann fær. Hefur vissulega skorað talsvert í sumar en virðist oft þurfa talsvert mörg færi til.
Dómarinn - 7
Solid sjöa, get ekkert tuðað yfir frammistöðu dómara leiksins. Var hann fullkominn? Nei alls ekki en gerði sitt af bestu getu.