Slök útfærsla á aukaspyrnu ÍBV og dómarinn flautar leikinn af.

30 sekúndur eftir af uppgefnum uppbótartíma. ÍBV fær aukaspyrnu rétt fyrir utan vítateigshornið. Síðasti séns!

ÍBV fær álitlega sókn, Eyþór Orri geysist upp vinstra megin en fyrirgjöfin sem var ætluð Arnari Breka var ekki nægilega góð. Markspyrna.

Það er þreyta í leikmönnum og ekki merkilegur fótbolti í gangi hérna í lokin.

Bæði lið að eiga feilsendingar sitt á hvað. Fáum við dramatískt sigurmark í þessum leik?

Þórsarar fá aukaspyrnu með fyrirgjafarmöguleika. Auðvitað er það Birkir Heimisson sem tekur spyrnuna.

Birkir Heimis með hornspyrnu sem Felix skallar frá.

Þór að reyna að sækja og ÍBV að fá hættulegar skyndisóknir. Aron Birkir í marki Þórs tók boltann með höndum frá samherja og heimamenn kölluðu eftir því að fá óbeina aukaspyrnu en ekkert dæmt.

Hermann Helgi með slakan fallhlífarbolta inn í teiginn sem Hjörvar í marki ÍBV grípur auðveldlega. Siggi Höskulds hristir hausinn í boðvangnum.

Guðjón Ernir Hrafnkelsson þarf aðhlynningu.

Sverrir Páll kemst í stórhættulega stöðu, á skot sem er ekki sérlega gott og Aron Birkir ver. Þarna átti Sverrir vafalítið að gera betur.

Birkir Heimis með fyrirgjöf úr aukaspyrnu, hætta í teignum og leikmenn Þórs kalla eftir hendi en Guðmundur Páll dómari lætur sér fátt um finnast.

Arnar Breki með hættulega fyrirgjöf, Bjarki er nálægt því að ná til boltans en hann flýgur afturfyrir. Stuðningsmenn ÍBV farnir að láta í sér heyra "ÍBV klapp klapp klapp".

Bjarki Þór Viðarsson leikur á varnarmann og á skot fyrir utan teig. Hátt yfir.

Kristófer Kristjánsson þurfti aðhlynningu en virðist geta haldið leik áfram. Í þessum skrifuðu orðum á Rafael Victor marktilraun en skýtur framhjá.

Arnar Breki með fyrirgjöf og Alex Freyr tekur skot í teignum en framhjá. Sleikir hliðarnetið.

Fyrir þetta tímabil kom Bjarki aftur til ÍBV á láni frá Víkingi Reykjavík. Bjarki var hjá ÍBV á síðasta tímabili en náði ekki að spila nema ellefu leiki vegna meiðsla.

Bjarki er 23 ára miðjumaður sem lék tvo leiki með Víkingi í Lengjubikarnum í vetur. Hann var svo á bekknum í leiknum gegn Val í Meistarakeppni KSÍ og gegn Stjörnunni í 1. umferð Bestu deildarinnar.

Í fyrra skoraði hann eitt mark fyrir ÍBV sem féll úr Bestu deildinni. Hann viðbeinsbrotnaði sem hélt honum frá vellinum í talsverðan tíma. Bjarki er samningsbundinn Víkingi út tímabilið 2025.

Eyjamenn eru ekki að ná að tengja vel þrátt fyrir að vera ellefu gegn tíu. Bjarki Björn með fyrirgjöf á svæði þar sem engin hvít treyja er sjáanleg.

Tómas Bent með lipur tilþrif og Eyjamenn láta boltann ganga sín á milli. Á endanum á Alex Freyr Hilmarsson skot en það er ekki upp á margar loðnur. Hittir ekki á rammann.

Mörg kunnugleg andlit hér í stúkunni í Eyjum. Palli Magg er auðvitað mættur og Jói lögga er með kaffibolla. Tveir menn sem hafa séð sirka trilljón ÍBV leiki í gegnum árin.

Sigfús Fannar með upphafsspyrnu seinni hálfleiks.

Bæði lið sköpuðu hættur í teig andstæðingana í uppbótartímanum en ekkert var skorað í fyrri hálfleiknum. Staðan markalaus en Eyjamenn eru fleiri á vellinum! Nú er komið að þjálfurunum að láta ljós sitt skína í hálfleiksræðum sínum.

Jón Ingason sparkar Rafael Victor niður á vallarhelmingi Þórs. Rafael kveinkar sér þegar hann stendur á fætur.

Bjarki Björn með skot fyrir utan teig, dapurt skot sem fer framhjá. Það eru þrjár mínútur í uppbótartíma í fyrri hálfleik.

Oliver fær boltann á lofti í teignum úr hornspyrnunni, hörkugott færi en Oliver hittir boltann ekki eins og hann hafði óskað sér. Yfir.

Eyjamenn að sækja og Oliver vinnur hornspyrnu.

Vicente í hættulegri stöðu í teignum en dómarinn flautar, hann lagði boltann fyrir sig með hendinni og það er víst ekki leyfilegt.

Grindavík vann ÍBV hér á Hásteinsvelli í bikarnum í upphafi tímabils þrátt fyrir að hafa misst mann af velli með rautt í fyrri hálfleik. Eyjamenn léku afskaplega illa þar 11 gegn 10 og verða að gera betur hér í dag.

Guðjón Ernir notar hraða sinn og kemst í dauðafæri en hittir boltann afleitlega, hátt yfir markið. Illa farið með afskaplega gott færi.

Tómas Bent skallar boltann í horn eftir aukaspyrnu Birkis, Þórsarar fá tækifæri.

Bjarki Björn með skot sem hittir ekki á rammann. ÍBV að eiga fleiri marktilraunir.

Bjarki Björn vinnur hornspyrnu fyrir ÍBV. Felix býr sig undir að taka spyrnuna. Hættulegur bolti... Alex Freyr skallar boltann og hann berst á Oliver sem er í erfiðri stöðu við fjærstöngina og nær ekki að stýra knettinum á markið.

Alex Freyr skallaði hornspyrnuna frá og boltinn barst á Jón Jökul sem tók skotið af löngu færi en hitti boltann engan veginn og hann var langt frá því að fara á markið.

Langur bolti frá Þórsurum sem Eiður Atli skallar afturfyrir í hornspyrnu.

Ingimar skokkar inná völlinn aftur, getur haldið leik áfram sem eru góð tíðindi.

Ingimar Arnar liggur eftir á vellinum og þarf aðhlynningu.

Flott sókn ÍBV og Sverrir Páll Hjaltested á skot sem fór af varnarmanni og lak framhjá markinu.

Hjörvar
Guðjón - Eiður - Jón - Felix
Alex - Tómas - Vicente
Oliver - Sverrir - Bjarki

Tómas Bent rangstæður, álitleg sókn en rangstaða dæmd.

Aron
Jón - Bjarki - Ragnar - Vilhelm
Ýmir - Árni - Birkir - Ingimar
Rafael - Alexander

ÍBV byrjar með boltann.

Liðin eru komin út á völl. Þórsarar eru í svörtu og rauðu og ÍBV í hvítu.

Jón Jökull Hjaltason er í byrjunarliði Þórs en hann er Eyjamaður og er boðinn sérstaklega velkominn á Hásteinsvöll.

Hér í Herjólfi er þjálfari toppliðs Njarðvíkur, Eyjamaðurinn Gunnar Heiðar Þorvaldsson er á leið á leikinn. Hann spáir hörkuleik og 2-2 jafntefli. Rafael Victor, hans maður, skori bæði mörk Þórs. Sverrir Páll Hjaltested og Arnar Breki Gunnarsson með mörk ÍBV. Arnar Breki kemur af bekknum og jafnar á 91. mínútu. Úrslit sem yrðu býsna fín fyrir hann og hans menn.

Byrjunarliðin eru komin inn. ÍBV er með óbreytt lið frá sigrinum gegn Þrótti.

Þrjár breytingar hjá Þór ef við miðum við síðasta deildarleik. Árni Elvar Árnason, Vilhelm Ottó Biering Ottósson og Alexander Már Þorláksson koma inn. Út fara Egill Orri Arnarsson og Hermann Helgi Rúnarsson og Fannar Daði Malmquist Gíslason

„Lífið í Eyjum er mjög gott, ég er búinn að festa mig hérna; keypti mér einbýlishús í fyrrasumar, kominn með kærustu og við vorum að fá okkur hund. Lífið er mjög gott hérna," segir Oliver Heiðarsson, sóknarmaður ÍBV, í skemmtilegu viðtali við Sæbjörn Steinke sem var tekið á dögunum.

Oliver skoraði þrennu gegn Þrótti og var valinn leikmaður umferðarinnar í síðustu umferð deildarinnar. Það verður verkefni fyrir varnarmenn Þórs að reyna að hafa hemil á honum í dag.

   13.05.2024 16:15

Líður mjög vel í Eyjum og er búinn að festa rætur - Alltaf með F og U í reit

Hinn nítján ára gamgli Ingimar Arnar Kristjánsson skoraði bæði mörk Þórs í 2-0 sigri á Fjölni í 16-liða úrslitum Mjólkurbikarsins í Egilshöll í síðustu viku.

„Hann hefur verið hrikalega flottur í allan vetur. Hann nær hámarkshraða sama hvaða tími er á klukkunni, hann er í ævintýralegu standi og getur refsað liðum," sagði Siggi um Ingimar í viðtali eftir leik.

   15.05.2024 12:44

Fékk hjálp frá aðstoðarþjálfaranum með ritgerð og er byrjaður að borga til baka

Hemmi Hreiðars og hans menn í ÍBV töpuðu óvænt fyrir nýliðum Dalvíkur/Reynis á útivelli í fyrstu umferð. Heimamenn unnu verðskuldaðan sigur gegn döprum Eyjamönnum 3-1 en Sverrir Páll Hjaltested skoraði eina mark ÍBV, af vítapunktinum.

ÍBV svaraði þessum óförum hinsvegar með því að vinna 4-2 sigur gegn Þrótti á Hásteinsvelli í 2. umferð. Oliver Heiðarsson með þrennu og Sverrir með eitt. Eyjamenn sýndu gæði sín í þessum leik.

   13.05.2024 20:00

Var ósáttur með sjálfan sig og svaraði með þrennu gegn gömlu félögunum

Siggi Höskulds og lærisveinar í Þór eru búnir að safna fjórum stigum í fyrstu tveimur umferðunum. Þeir gerðu 1-1 jafntefli gegn Þrótti í 1. umferð þar sem Rafael Victor kom Þór yfir af vítapunktinum en Þróttur jafnaði í uppbótartíma.

Í 2. umferðinni vann Þór svo stórleik umferðarinnar gegn Aftureldingu 4-2 í Boganum góða. Afturelding komst tveimur mörkum yfir snemma leiks en Birkir Heimisson kom Þór á bragðið með hreint frábæru aukaspyrnumarki. Afturelding missti mann af velli með rautt spjald snemma í seinni hálfleik og heimamenn gripu gæsina. Egill Arnarsson jafnaði í 2-2 og eftir að Afturelding missti annan mann af velli með rautt, Oliver Bjerrum, skoraði Þór tvö mörk í uppbótartímanum; Rafael Victor og Sigfús Gunnarsson skoruðu.

   10.05.2024 11:11

Sjáðu geggjað aukaspyrnumark Birkis Heimis í Boganum

   09.05.2024 19:26

Ætlaði allt um koll að keyra á Akureyri - „Stuðningsmennirnir alveg geggjaðir"

Guðmundur Páll Friðbertsson sér um að dæma leikinn í Eyjum. Bergur Daði Ágústsson og Rögnvaldur Þ Höskuldsson hlaupa línurnar.

Gunn­ar Malmquist Þórs­son er spámaður umferðarinnar. Hann er leikmaður Aftureldingar sem mætir FH í lokaúrslitunum um Íslandsmeistaratitilinn í handbolta.

Spá Gunnars: ÍBV 0 - 3 Þór
Passion yfir peninginn, þorparinn fer í bátinn frá Þorlákshöfn í 20m/s og nær í sannfærandi vinnusigur á Hásteinsvelli

Annar í Hvítasunnu, einn skemmtilegasti frídagur ársins, er í dag og þriðja umferð Lengjudeildarinnar heldur áfram. Ég er á leið til Vestmannaeyja þar sem ÍBV og Þór eigast við klukkan 14. Tvö lið sem verða líklega að berjast um að komast upp, að minnsta kosti fara í umspilið góða.