Fyrstu stig Keflavíkur staðreynd. Viðtöl og skýrsla væntanleg.

Allt í einu er Sirra alein með boltann í teig Keflavíkur til hægri. Hún með tíma og pláss til að fara nær marki velur að setja boltann fyrir markið í stað þess að skjóta. Þar vantar samherja og tækifærið rennur út í sandinn.

Aftur Sierra nú með skot úr teignum en hittir boltann afar illa og fer skot hennar vel framhjá.

Uppbótartími er að lágmarki fimm mínútur.

Jelena Tinna setur boltann til baka á Mollee sem tekur hann upp. Óli metur sem svo að ekki hafi verið um viljandi sendingu að ræða þó.

Saorla vinnur hornspyrnu af miklu harðfylgi.

Stefnir flest í að Keflavík sé að sækja sín fyrstu stig í sumar.

Allt í einu ein gegn Mollee sem gerir vel og ver af stuttu færi.

Aníta Lind með boltann fyrir markið úr aukaspyrnu. Vindurinn feykir boltanum nær markinu þar sem Mollee ætlar að gripa en missir boltann í horn.

Keflavík vinnur hornspynu.

Ekkert verður úr.

Hættulegur bolti fyrir markið frá hægri sem Vera kýlir frá undir pressu.

Annar bolti fyrir markið en aftur Vera vel á verði.

Caroline með hörku sprett upp völlinn vinstra megin og fína fyrirgjöf yfir á fjærstöng, Þar skallar María Eva boltann aftur fyrir markið þar sem Freyja Karin mætir en nær ekki að setja boltann fram hjá Veru af stuttu færi.

Illa farið með góða stöðu.

Sierra með skalla að marki Keflavíkur. Laus og ekki til vandræða fyrir Veru.

Keflavík við það að vinna sig í færi eftir að hafa unnið boltann hátt á vellinum en Þróttarar bjarga.

Mjög langdregin útfærsla á stuttu horni hjá Keflavík. Ekkert verður út.

Þróttur sparkar okkur af stað í ný.

Mjög bragðdaufum fyrri hálfleik lokið hér í Keflavík.

Vonumst eftir meira fjöri í þann síðari.

Maria Eva með skot af vítateigslínu sem að heimakonur henda sér fyrir.

Einhver köll um hendi en Óli fljótur að veifa því frá.

Keflavík fær aukaspyrnu á talsvert góðum stað til fyrirgjafar.

Ekkert varð úr

Susanne Joy með boltann úti til hægri og á fína fyrirgjöf. Þróttarar bægja hættunni frá.

Saorla með skot en talsvert fjarri markinu.

Það er ekki hægt að segja að þetta hafi verið fjörugt. Það er vissulega talsverð gola á vellinum sem hefur áhrif en þetta hefur verið full rólegt.

Í það minnsta ekki mikið sem vert er að segja frá.

Uppsker hornspyrnu.

Vinnur sig framfyrir varnarmann og kemst ein í gegn. Á ólöglegan hátt þó og flautuð er aukaspyrna.

Þróttur í álitlegri sókn en þarf að stopp þar sem annar bolti er inn á vellinum.

Skömmustulegur boltasækir við hliðarlínuna fær nokkur hlýleg orð í eyra frá Óla Njáli dómari og leikur hefst á ný.

Klassi yfir þessu frá Óla.

Það skortir þessa síðustu sendingu hér. Liðin að komast í ágætar stöður en vantar gæði til þess að gera eitthvað úr.

Eftir aukaspyrnu frá hægri væng á Þróttur skalla að marki, kraflítill og beint í fang Veru.

Mikið jafnræði með liðunum á vellinum.

Fær frábæra sendingu út til hægri frá Kristrúnu, keyrir í átt að marki og lætur vaða en Mollee ver vel og heldur boltanum.

Saoria sleppur ein gegn Mollee, nær að leika á markvörðinn en í stað þess að skjóta reynir hún að leggja boltann fyrir samherja til hliðar. Þróttarar komast á milli og eftir smá darraðardans endar boltinn í fangi Mollee.

Eftir aukaspyrnu frá Melanie er Sigurbjörg í ágætu færi í teignum en nær ekki stýra boltanum að marki með höfðinu.

Markspyrna niðurstaðan.

Fer rólega af stað sem vænta mátti.

Völlurinn virkar frekar laus í sér úr stúkunni séð. Mikil rigning í gær eflaust haft sitt að segja þar.

Heimakonur sparka okkur af stað hér

Cecilía Rán Rúnarsdóttir landsliðsmarkvörður er spákona umferðinnar hér á Fótbolti.net. Um leikinn í Keflavík sagði hún.

Keflavík 3 - 0 Þróttur R.

Mjög óvæntur stórsigur hjá Keflavík á Þróttarastelpum eftir slaka byrjun á tímabilinu hjá báðum þessum liðum.

Óli Njáll Ingólfsson er með flautuna í leik dagsins. Honum til aðstoðar eru þau Jakub Marcin Róg og Eydís Ragna Einarsdóttir. Fjórði dómari er svo formaður Kennarasambands Íslands Magnús Þór Jónssonþ

Sigursteinn Árni Brynjólfsson lokar svo teymi dagsins á vegum KSÍ sem eftirlitsmaður.

Sex leiki hafa liðin leikið innbyrðis í efstu deild frá aldamótum. Keflavík hefur þar haft sigur þrívegis, einu sinni hafa liðin gert jafntefli og lið Þróttar haft sigur í tvígang.

Markatala liðanna innbyrðis er svo: 9-10 Þrótti í vil

Keflavík vann báða leiki liðanna í fyrra, fyrst 2-1 í Laugardal um miðjan júní og 1-0 á HS-Orkuvellinum í lok ágúst.

Bæði lið áttu leik í bikar um síðustu helgi og fóru bæði með sigur af hólmi og tryggðu sér þar með sæti í 8 liða úrslitum.

Keflavík gerði sér ferð út á Seltjarnarnes og mætti þar liði Gróttu. Lokatölur 1-3 Keflavík í vil þar sem Alma Rós Magnúsdóttir, Melanie Claire Rendeiro og Saorla Lorraine Miller gerðu mörk Keflavíkur.

Þróttur fékk Fylki í heimsókn í Laugardalinn og vann þar vægast sagt sannfærandi sigur 5-0. Sierra Marie Lelii,María Eva Eyjólfsdóttir,Kristrún Rut Antonsdóttir,Freyja Karín Þorvarðardóttir og Sigríður Theód. Guðmundsdóttir gerðu þar mörk Þróttar

Keflavík líkt og áður segir á botni deildarinnar án stiga. Þar má finna vandamál á báðum endum vallar. Ekkert lið hefur fengið meira af mörkum á sig til þessa í deildinni en Keflavík hefur horft á eftir boltanum í netið alls sextán sinnum það sem af er móti.

Sóknarleikurinn hefur að sama skapi ekki skilað miklu. Fimm mörk skoruð og næst fæst mörk skoruð á eftir Þrótti.

Það er í því mörg horn að líta fyrir Jonathan Glenn og Jónu þjálfara liðsins og margt sem betur má fara.

Eftir jafntefli á útvelli gegn Fylki í fyrstu umferð hafa fjögur töp í röð fylgt fyrir Ólaf Kristjánsson og Þróttarkonur.

Markaskorun hefur verið mikill hausverkur í deildinni til þessa en lið Þróttar hefur skorað minnst allra liða í deildinni til þessa eða aðeins þrjú mörk.

Vörnin hefur þó staðið öllu betur til þessa, sjö mörk fengin á sig til þessa og aðeins topplið Breiðabliks og Valur hafa sótt boltann sjaldnar í netið þetta sumarið. Tölfræði sem þó engu skiptir þegar stig fylgja ekki með.

Keflavík og Þróttur eiga það sameiginlegt að stigasöfnun hefur farið hægt af stað hjá þeim í fyrstu fimm umferðum mótsins eins og staða liðanna endurspeglar. Keflavík á botninum án stiga en Þróttur sæti ofar með eitt stig.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá Keflavíkur og Þróttar en leikurinn er liður í sjöttu umferð Bestu deildar kvenna.