SKÝRSLAN: Keflavík kreisti fram sigur í Keflvísku veðri
Hvað réði úrslitum?
Keflavík lagði þetta aukaprósent á sig til að sigla sigrinum heim við erfiðar aðstæður. Þessi leikur var aldrei að fara að verða einhver sýning á fótboltalegum gæðum og gerði Keflavíkurliðið það vel á köflum að spila með aðstæðum en ekki gegn þeim.
Bestu leikmenn
1. Caroline Mc Cue Van Slambrouck
Það sem á annað borð kom nálægt vörn Keflavíkur át hún ásamt kollegum sínum í öftustu línu. Virkilega sterkt fyrir Keflavík að hafa dregið hana á flot á ný.
2. Melanie Claire Rendeiro
Skoraði gott mark en átti auk þess nokkur álitleg upphlaup sem hefðu getað leitt til einhvers.
Atvikið
Mér fannst gaman að sjá Óla Njál dómara leiksins eiga rólyndisspjall við ungan boltastrák sem missti bolta inn á völlinn sem leiddi af sér að stöðva þurfti sókn Þróttar. Mér í það minnsta stökk bros á vör og hugsaði með mér að einhverjir dómarar hefðu nú örugglega orðið frekar pirraðir. Óli aftur á móti klappaði drengnum bara á öxlina og átti við hann stutt spjall og leikur hélt svo áfram.
Hvað þýða úrslitin?
Keflavík lyftir sér upp úr botnsætinu og upp í það níunda með þrjú stig. Þróttur fellur á móti niður í það tíunda með eitt stig,
Vondur dagur
Ólafur Kristjánsson og hans teymi.
Við erum komin fram í sjöttu umferð mótsins og lið Þróttar er enn án stiga. Lið sem að öllu eðlilegu ætti að vera í baráttu um sæti í efri hluta deildarinnar hefur ekki sýnt það sem á að búa í því til þessa og hlýtur það að valda Ólafi og co gríðarlegum hausverk að reyna að finna svörin.
Dómarinn - 8
Góður leikur hjá Óla og hans teymi. Ekkert upp á hann að kvarta í dag.