Glæsilegur sigur hjá Þrótti í dag, ÍR-ingar þurfa að gera mun betur um næstu helgi gegn ÍBV.

Róbert gerir vikrilega vel og sækir aukaspyrnu á fínum stað.

Smá hætta í teignum eftir hornið en ekkert gerist.

Einar með fyrirgjöf sem endar bara sem skot sem Þórhallur ver yfir í horn.

Boltinn endar á fjærstöngina hjá Róbert Elís sem á skot sem Þórhallur ver.

Ágúst sækir horn fyrir ÍR.

Jörgen með frábæra fyrirgjöf á Hlyn sem skallar rétt framhjá í flottu færi.

Bergvin að sækja aukaspyrnu á góðum stað.

Beint í lúkurnar á Þórhalli.

ÍR fær horn.

Frammistaða ÍR hálfskammarleg í dag, ekki upp á marga fiska.

Þróttarar hefja leik í seinni

Þróttarar sanngjarnt yfir hér, tökum okkur 15 mínútur og snúum svo aftur.

Þróttur fær hér horn en ekkert úr því og aftur fyirir hinum meginn.

Þórhallur keyrir hér niður ÍR-ing í teignum, hefði verið hægt að dæma víti en hann fór þó klárlega fyrst í boltann.

Kári í fínni stöðu fyrir utan teig en skýtur vel yfir.

Sæmundur Sven!!!! Elsku kallinn minn hvernig ferðu að þessu!? Bragi einn í gegn en lætur Þórhall verja frá sér en fær hann aftur og leggur hann á Sæmund sem er einn gegn opnu marki á marklínunni en einfaldlega bara stoppar boltann með sköflungnum.

Þetta getur verið dýrt!

Bragi gerir vel og sækir horn.

Einstaklega lítið flæði í þessu. Það verður að segjast.

Stebbi Páls með skot sem hann reynir að snúa í fjærhornið en þetta er hátt yfir.

Vilhjálmur kominn á fætur og mun halda áfram.

Vilhjálmur Kaldal fær hér aðhlynningu, nær vonandi að halda leik áfram.

Þórhallur handsamar þetta mjög örugglega.

ÍR fær aukaspyrnu á fínum stað fyrir fyrirgjöf.

Mikið jafnræði með liðunum í upphafi.

Eiríkur byrýtur hér á Sæmundi sem var á fleygiferð, heppinn að sleppa við spjald.

Kári tekur aukaspyrnuna í vegginn og aftur fyrir. Horn.

Birkir Björns með fínan bolta fyrir en Villi vel á verði og slær þetta út.

ÍR halda alfarið í boltann hér í upphafi.

ÍR-ingar með horn hér en ná ekki að gera neitt úr því en fá innkast

ÍR eru að spila í eitthversskonar æfingatreyju, áhugavert.

ÍR byrja með boltann og sækja í átt að Suðurlandsbraut.

Jordian Farahani eða Chico eins og hann er alltaf kallaður er í byrjunarliði ÍR í dag en þetta er hans fyrsti leikur í tæpt ár en hann meiddist mjög illa á hné seinasta sumar. Hefur verið dyggur þjónn Breiðholtsins mjög lengi.

Þróttarar eru á sínu öðru tímabili í deildinni eftir að hafa farið upp úr 2. deild árið 2022. Þróttur gerði virkilega vel og hélt sér uppi á nokkuð öruggan hátt í fyrra. Síðan þá hefur Ian Jeffs sagt upp störfum og tekið við Haukum, Sigurvin Ólafsson tók síðan við. Einhverjir leikmenn hafa farið og ber þar helst að nefna Hinrik Harðarson sem samdi við ÍA. Gengið í upphafi tímabils hefur verið afleitt og situr liðið nú í neðsta sæti með eitt stig. Þróttarar munu líta á þennan leik sem skyldusigur ef að snúa á genginu og sumrinu við. Sögulína í kringum þennan leik er meðal annars það að Jörgen Pettersen spilar hér við sína gömlu félaga í ÍR en Jörgen spilaði í hvítu og bláu á árunum 2021 og 2022, við virkilega góðan orðstír.

ÍR-ingar eru nýliðar í deildinni, gengið í upphafi móts hefur verið sæmilegt en liðið situr í 6. sæti með 5 stig eftir fjórar umferðir. Eftir frabæran sigur í fyrstu umferð gegn Keflvíkingum eru íbúar í 109 farnir að klægja í fingurnar eftir því að fá að fagna öðrum sigri með liðinu sem þeir elska svo heitt. Niðurstaðan í seinasta leik var 1-1 jafntefli gegn Dalvíkingum en ÍR var einum fleiri í rúmlega hálfan leik þar, jafntefli því að öllum líkindum vonbrigði en mark ÍR skoraði Ágúst Unnar Kristinsson. Miðjumaðurinn geðþekki, Alexander Kostic, hefur ekki verið með síðan í fyrstu umferð vegna meiðsla, nausynlegt er að hann snúi aftur í þessum leik, Alexander er liðinu mjög mikilvægur.

Komið sæl og verið velkominn í beina textalýsingu frá leik Þróttar og ÍR í 5. umferð Lengjudeild karla. Leikurinn fer fram á heimavelli Þróttara, Avis Vellinum.