Nú er mínútu þögn til að minnast Péturs Sigurðssonar sem féll óvænt frá á dögunum. Aðstandendum er vottuð samúð.

Frægir á vellinum Það er fullt af frægu fólki á vellinum í dag. Ólafur Jóhannesson og Njáll Eiðsson eru saman með teppi og Haraldur Hróðmarsson sem er búinn að vinna þrjá leiki í röð sem þjálfari Grindavíkur.

Stutt í leik Liðin ganga nú út á völlinn og gera sig klár í leik. ÍA í gulum treyjum og svörtum buxum og sokkum. Valur í rauðum treyjum og sokkum og hvítum buxum. Valsliðið er enn án Arons Jóhannssonar og Gylfa Þór Sigurðssonar sem eru meiddir.

Veðrið á Akranesi Það er sól, alveg heiðskkýrt og 12 stiga hiti á Akranesi en stífur vindur sem stendur á markið sem er Akraneshallarmegin. Norðanátt sem er bara frekar köld.

Byrjunarliðstíðindi! Skagamenn gerðu 1-1 jafntefli við Breiðablik á Kópavogsvelli í seinasta leik. Frá þeim leik gera þeir tvær breytingar. Þeir Hlynur Sævar og Arnór Smárason koma inn í liðið fyrir þá Erik Tobias Sandberg og Guðfinn Þór Leósson.

Valsliðið fór vestur á firði í seinasta leik er þeir unnu 5-1 sigur á Vestra. Frá þeim sigurleik gerir Arnar Grétarsson, þjálfari liðsins, tvær breytingar. Bjarni Mark Antonsson og Jakob Franz Pálsson koma inn í liðið fyrir þá Hólmar Örn Eyjólfsson sem er í leikbannu og Adam Ægi Pálsson.

Byrjunarliðin má finna hér að neðan.

Byrjunarlið ÍA:
1. Árni Marinó Einarsson (m)
3. Johannes Vall
4. Hlynur Sævar Jónsson
6. Oliver Stefánsson
9. Viktor Jónsson
10. Steinar Þorsteinsson
11. Hinrik Harðarson
19. Marko Vardic
23. Hilmar Elís Hilmarsson
66. Jón Gísli Eyland Gíslason
88. Arnór Smárason (f)

Byrjunarlið Valur:
1. Frederik Schram (m)
2. Birkir Már Sævarsson
6. Bjarni Mark Antonsson
8. Jónatan Ingi Jónsson
9. Patrick Pedersen
10. Kristinn Freyr Sigurðsson (f)
11. Sigurður Egill Lárusson
12. Tryggvi Hrafn Haraldsson
14. Guðmundur Andri Tryggvason
20. Orri Sigurður Ómarsson
21. Jakob Franz Pálsson

Spámaðurinn Júlíus Mar Júlíusson leikmaður Fjölnis spáir í leiki 12. umferðar fyrir Fótbolta.net í dag. Hann býst við jafntefli á skaganum.

ÍA 2 - 2 Valur
Hörkuleikur þar sem tvö mjög góð lið mætast. Það verða rauð spjöld og læti í blíðskaparveðri á skaganum þar sem Hinrik Harðar fer hamförum, skorar eitt og leggur upp hitt, 2-0. En Valsarar ólseigir og svara fyrir með mörkum frá afmælisbrósa Adam Páls og Lúkasi Loga.

Valur vann fyrri leikinn Liðin mættust í 1. umferðinni og þá vann Valur 2 - 0 með mörkum frá Patrick Pedersen og Gylfa Þór Sigurðssyni.

Hólmar Örn í leikbanni Miðvörðurinn Hólmar Örn Eyjólfsson verður ekki með Val í dag. Hann tekur út leikbann.

   26.06.2024 14:04

FH án Björns Daníels gegn Blikum - Hólmar í banni á Skaganum

Gengið til þessa Það má alveg búast við hörkuleik á Skaganum í dag en liðin hafa bæði átt mjög gott mót fyrri helmingin af hefðbundnu 22 umferðunum.

Heimamenn í ÍA eru í 4. sætinu eftir 11 leiki með 17 stig. Þeir hafa unnið fimm, gert tvö jafntefli og tapað fjórum. Sætið gæti gefið sæti í Evrópukeppni á næsta ári.

Gestirnir í Val eru í 3. sætinu með 25 stig en hafa leikið einum leik meira en ÍA, 12 leiki. Þeir hafa unnið 7 leiki, gert 4 jafntefli og tapað einum.

Dómarateymið KSÍ hefur gefið út dómarateymið sem mun sjá um dómgæsluna í dag. Helgi Mikael Jónasson skellir sér á skagann með nokkra aðstoðarmenn.

Dómari:
Helgi Mikael Jónasson

Aðstoðardómarar:
Þórður Arnar Árnason
Bergur Daði Ágústsson

Varadómari:
Arnar Þór Stefánsson

Eftirlitsmaður:
Hjalti Þór Halldórsson

Leikdagur á Akranesi Góðan daginn og verið velkomin í beina textalýsingu frá Akranesi.

Hér mætast ÍA og Valur í Bestu-deild karla. Leikurinn hefst klukkan 19:15 á ELKEM vellinum.