Fylkir sigrar hér á heimavelli!! Skýrsla og Viðtöl væntanleg.

Tindastóll í leit að marki. Kemur hættulegur bolti inn á teig FYlkis en engin nær til hanns.

Krista Sól með fast skot fyrir utan teig en varið af Monicu.

Leikurinn stöðvaður um þessar mundir. Eitthvað að hrjá Þórhildi og þarfnast aðhlynningar. Vonandi ekkert alvarlegt. Leikurinn hafinn á ný og virðist sem Þórhildur geti haldið leik áfram.

Laufey komin í vænlega stöðu inn á teig Fylkis en er rangstæð.

Vel gert hjá Helgu! Prjónar sig inn á teiginn og á fast skot á markið. Vel varið hjá Monicu í marki Tindastóls.

Þórhildur vinnu boltann hátt uppi á vellinum. Ein á móti markmanni en ákveður að fara framhjá henni en þá er skotfærið ansi þröngt og boltinn í hliðarnetið.

Abigail með skot fyrir utan teig. Fast skot en boltinn yfir.

Fylkiskonur komið orkumiklar út í þennan seinni hálfleik. Nú er það Þórhildur sem er komin í gegn. Boltin skoppandi og tekur hann á lofti. Hittir hann fínt en beint á Monicu.

Darraðardans inn á teig Stólana eftir horn. Fylkiskonur ná skoti en boltinn í varnarmann. Annað horn. Í þetta sinn er það Monica sem ver vel í marki Tindastóls.

Gestirnir rúlla seinni af stað.

Þá er komin hálfeikur í Árbænum. Fjörugur leikur hingað til. Stólarnir sterkaði aðilinn framan af en Fylkir náði að vinna sig inn í leikinn. Færi á báða bóga, tvö mörk og spenna. Tökum korterspásu og komum svo með seinni hálfleikinn!

Tindastóll fær horn. Ekkert verður úr því

Abigail í með helling af plássi ein á móti markmanni. SKýtur á markið en skotið er beint á Monicu sem grípur.

Enn sækir Tindastóll. Jordyn Rhodes í þröngu skotfæri. Skotið varið af Tinnu og Stólarnir uppskera horn. Gott horn. Jordyn nær skalla á mark en Tinna grípur.

Stórhætta! Hröð sókn hjá stólunum og kemur boltinn inn á teigin. Hugrún hendir sér á hann og kemur boltanum á markið. Vel varið hjá Tinnu.

Þórhildur lætur vaða fyrir utan teig. Skotið gott en varið af Monicu.

íris Una með frábæra stungusendingu inn fyrir vörn Stólana. Guðrún sloppin í gegn en fyrsta snertingin er ekki góð og missir hún boltann frá sér.

Boltinn berst inn á teig gestanna. Þórhildur lúrir á fjær og nær næstum að pota honum á markið en góð tækling frá Bryndísi stöðvar hana.

Góð sókn hjá Fylki. Eva Rut með flotta sendingu yfir á Helgu sem keyrir upp vinstri kantinn. Gefur hann fyrir en enginn nær til hanns.

Fylkir fær horn. Hættuleg spyrna á nær. Erna nær til boltans en nær ekki að stýra honum á markið.

Abigail við það að komast í vænlega stöðu en, enn og aftur fer flaggið á loft.

Þórhildur með hættulegan boltan inn á teig Stólana. Monica rýkur úr marki sínu og slær boltann í burtu.

Fylkir fær horn. Boltinn gefin meðfram jörðu út í teigin. Sóley á skot sem hafnar í varnarmanni.

Kolfinna fær sendingu í gegn. Er komin ein á móti Monicu en er rangstæð.

Há pressa frá gestunum. Fylkiskonur eru í stökustu vandræðum að komast upp völlinn.

Fyrsta horn leiksins er Tindastóls. Elísa tekur. Boltinn hár og svífur aftur fyrir endamörk.

Birgitta Rún á fyrsta skot leksins. Kemst inn á teig Fylkis, skýtur en boltinn yfir.

Fylkir byrjar með boltann.

Leikmenn ganga nú inn á völlinn. Styttist í upphafsflautið!

Katla Tryggvadóttir, landsliðskona, er spákona umferðarinnar! Hún spáir markalausu jafntefli hér í dag Fylkir 0 - 0 Tindastóll Mikilvæg stig í boði fyrir bæði lið en ég held að þetta endi með steindauðu 0-0 jafntefli. Það verður ekki mikið um marktækifæri en nokkuð gul spjöld.

   19.07.2024 13:40

Katla Tryggva spáir í 13. umferð Bestu deildar kvenna

Liðin mættust á Akureyri fyrr í sumar og var það Tindastóll sem hafði betur. Tindastóll sigraði sannfærandi 3-0. Mörk Tindastóls skoruðu þær Elísa Bríet Björnsdóttir, María Dögg Jóhannesdóttir og Laufey Harpa Halldórsdóttir

Óli Njáll Ingólfsson er dómari hér í dag og eru það þeir Daníel Ingi Þórisson og Arnþór Helgi Gíslason sem verða honum til aðstoðar. Varadómari er Hreinn Magnússon og Eftirlitsmaður KSÍ er Ingvar Örn Gíslason. Óli Njáll dæmir leikinn í dag.

Stólarnir eru fyrir leikinn í 8. sæti deildarinnar. Tindastóli hefur ekki tekist að sigra í síðustu þremur leikjum sínum en gerðu jafntefli við Stjörnuna í síðustu umferð þar sem engin mörk litu dagsins ljós og enduðu leikar 0-0. Tindastóll missti lykilleikmann úr herbúðum sínum í glugganum en Gwendolyn Mummert er farin frá Stólunum. Hennar í stað hefur Tindastóll samið við Mariu del Mar sem kemur frá spáni.

Fylkir hefur verið í miklu brasi í sumar og eru fyrir leikinn í neðsta sæti deildarinnar með sex stig eftir tólf leiki. Fylkir er einungis með einn sigur á tímabilinu en sá sigur kom gegn Keflavík í 3. umferð. Fylkir hefur tapað fjórum af síðustu fimm en nældu sér þó í gott stig gegn Víkingum í þarsíðustum umferð. Fylkir mætti Keflavík í síðasta leik. Þar enduðu leikar 1-0 fyrir Keflvíkingum. Fylkir getur, með sigri hér í dag, jafnað Keflavík að stigum og með tveggja marka sigri hoppað upp fyrir þær í deildinni. Fylkir hefur fengið til sín einn leikmann það sem af er glugga en Árbæingarnir fengu Írisi Unu á láni frá Þrótti. Íris er 23 ára varnarmaður. Hún hefur spilað 184 KSÍ leiki með Keflavík, Selfoss og Þrótti. Hún kannast vel við sig í Árbænum enda var hún leikmaður Fylkis tímabilin 2020 og 2021.

   16.07.2024 16:36

Íris Una lánuð í Fylki (Staðfest)

Góðan dag og verið hjartanlega velkomin í þráðbeina textalýsingu á viðureign Fylkis og Tindastóls í Bestu deild kvenna! Leikurinn fer fram á Wurth-vellinum og hefst kl. 18:00!