Tuskuleikur framundan Það er svokallaður tuskuleikur framundan fyrir sjónvarpsáhorfendur. Votviðrið gerir það að verkum að myndatökumaður Stöð 2 Sport er vopnaður tuskunni góðu sem áhorfendur fá að njóta. Liðin eru að ganga út á völlinn, þetta er að fara af stað. Rigning og rok, góða skemmtun!

Kveðjuleikur Viktors Lekve
Þetta er kveðjuleikur Viktors Lekve sem hefur unnið óaðfinnanleg störf fyrir Fylki, sem verkefnastjóri, vallarþulur, vallarstarfsmaður og bara allt sem hægt er að láta sér detta í hug. Hann er að fara að flytja norður á Akureyri til að rífa handboltaþjálfun þar upp á hærra level. Ljóst er að það verður mikil eftirsjá af Viktori í Árbænum.

Gummi Magg ekki með - Sá hollenski á bekknum Ein breyting á byrjunarlið Fram frá 4-1 sigrinum gegn Val um síðustu helgi. Tryggvi Snær Geirsson kemur inn fyrir Guðmund Magnússon sem er ekki í hópnum. Ólafur Íshólm markvörður tekur við fyrirliðabandinu í fjarveru Gumma.

Vorum að fá þær fréttir að Gummi sé að glíma við meiðsli á ökkla.

Tvær breytingar á byrjunarliði Fylkis Tvær breytingar á byrjunarliði Fylkis frá síðasta leik. Emil Ásmundsson og Þóroddur Víkingsson koma inn í byrjunarliðið fyrir Ómar Björn Stefánsson og Nikulás Val Gunnarsson.

Það voru meiðslafréttir af Fylkismönnum í síðustu viku

   23.07.2024 17:47

Benedikt Daríus líklega ekki meira með Fylki á tímabilinu

   23.07.2024 14:14

Ómar Björn hefur líklega spilað sinn síðasta leik í sumar

Rigning og vindur Það rignir hressilega nú þegar það er rúmur klukkutími í leik. En Würth wöllurinn er vel búinn og gott skjól fyrir veðri og vindum í stúkunni. Um að gera að skella sér á leikinn. Það er verið að kveikja upp í grillunum og byrjunarliðin eru að fara að detta í hús!

Fram var að fá hollenskan sóknarmann
Hollenski sóknarmaðurinn Djenairo Daniels er kominn með leikheimild með Fram. Daniels er 22 ára sóknarmaður sem getur leyst það að spila á báðum köntunum og fremst á vellinum. Hann er frekar hávaxinn eða 190 sm á hæð

Framarar voru í leit að sóknarmanni þar sem ljóst var að Viktor Bjarki Daðason færi til FCK í sumar, Már Ægisson er á leið til Bandaríkjanna í nám og Jannik Pohl hefur mikið verið meiddur.

   31.07.2024 10:24

Djenairo Daniels í Fram (Staðfest) - Má spila í kvöld

Fram vann Fylki í maí Fram vann 2-1 sigur gegn Fylki þegar liðin mættust í Dal draumanna þann 5. maí. Halldór Jón Sigurður Þórðarson kom Fylki yfir en Haraldur Einar Ásgrímsson og Guðmundur Magnússon skoruðu fyrir Fram.

Spyrjum að leikslokum
Síðasti leikur Fylkis var 2-0 tap gegn Stjörnunni þann 21. júlí.

„Mér fannst við gera þetta bara feikivel. Ég er stoltur af drengjunum. Þetta er erfitt og við verðum bara að halda áfram. Ég held bara áfram að segja það: Við megum aldrei missa trú á því sem að við erum að gera. Við erum verðugir í þessa deild og verðum að sanna það. Við þurfum að hugsa um einn leik í einu núna eins og við höfum gert í allt sumar. Við erum búnir að vera þarna neðstir í allt sumar og höldum því bara áfram eins og staðan er í dag en við spyrjum að leikslokum hvernig þetta fer allt saman," sagði Rúnar Páll eftir leikinn.

Fylkir getur farið upp úr fallsæti - Fram getur farið upp í fimmta sæti Ef heimamenn vinna sigur í kvöld þá fara þeir upp úr fallsæti, senda HK niður í fallsæti á markatölu. Framarar geta farið upp í fimmta sætið í deildinni, upp í efri hlutann.

Klárar Fram júlímánuð með fullt hús?
Eins og rætt hefur verið og ritað um þá var Fram í sumarfríi stóran hluta júlímánaðar og fóru hreinlega í nýtt undirbúningstímabil! Á þessum síðasta degi mánaðarins leika þeir aðeins sinn þriðja leik í þessum mánuði en þeir bláu hafa unnið hina tvo.

Fram vann 1-0 sigur gegn KR í upphafi mánaðarins og á sunnudaginn vann liðið svo glæsilegan 4-1 sigur gegn Val. Fred skoraði tvívegis í þeim leik og Már Ægisson og Kennie Chopart komu sér líka á blað. Ólafur Íshólm Ólafsson markvörður var valinn maður leiksins.

„Við vorum ofboðslega ferskir, sérstaklega í fyrri hálfleik. Nýttum vindinn vel og refsuðum á réttum augnablikum og stálum boltanum hátt af þeim einstaka sinnum sem skóp þennan sigur," sagði Rúnar Kristinsson þjálfari Fram eftir leikinn.

„Við vorum stálheppnir í seinni hálfleik og Ólafur Íshólm var frábær og menn hentu sér fyrir allt og Óli varði allt það sem kom á markið og gerði ofboðslega vel."

„Það er eins og þessi leiðinlega lumma, næsti leikur. Auðvitað kítlar það alla að reyna að berjast og það er yfirlýst markmið hjá okkur að reyna að vera í baráttunni um topp 6 eins lengi og hægt er og við erum þar ennþá og við ætlum að reyna að vera það áfram og gefa sjálfum okkur möguleika að taka þátt í þeirri úrslitakeppnni."

Sá besti dæmir
Vilhjálmur Alvar Þórarinsson dæmir leikinn en hann var valinn besti dómari umferða 1-11 í deildinni. Guðmundur Ingi Bjarnason og Sveinn Ingi Sigurjónsson Waage eru með flöggin og Aðalbjörn Heiðar Þorsteinsson með skiltið.

Það er létt yfir lautarferð!
Gott og gleðilegt kvöld og verið hjartanlega velkomin með okkur á Würth völlinn í Árbænum þar sem grannaslagur Fylkis og Fram er framundan. Heldur betur mikilvægur leikur sem tilheyrir 16. umferð Bestu deildarinnar. Ég býst við stórskemmtilegum leik og miklu stuði.