Ó guðs vors land! Alltaf sama gæsahúðin þegar þessi fallegi þjóðsöngur ómar í tækjunum hérna á Laugardalsvelli.

Þetta er að byrja!

Heiðursgestir leiksins Valur

Bára Bjarnadóttir

Heiðursgestur Vals, Bára Bjarnadóttir, tengdist kvennafótboltanum í Val á árinu 1995, og hefur starfað sem sjálfboðaliði hjá í næstum þrjá áratugi við hin ýmsu tilfallandi störf. Bára hefur starfað í foredraráðum yngri flokka stelpna en tvær dætur hennar æfðu og spiluðu fótbolta með Val. Þá átti hún um tíma sæti í Barna- og unglingaráði Vals sem bar ábyrgð á rekstri yngri flokka félagsins og síðar í kvennaráði sem starfar fyrir meistarflokk kvenna í umboði stjórnar knattspyrnudeildar. Þar sinnir Bára fjölbreyttu starfi, gefur stelpunum að borða af og til og passar börn leikmanna þegar þess þarf. Öflugir sjálfboðaliðar eins og Bara Bjarnadóttir gera starfið í kringum kvennaboltan auðveldara.

Breiðablik

Kristjana Ólafsdóttir og Sigurður Steinþósson

Eigendur Gull og Silfurs, hjónin Sigurður G. Steinþórsson og Kristjana J. Ólafsdóttir eru partur af frumkvöðlum í kvennaknattspyrnu á Íslandi enda tóku þau, ásamt fleirum Blikum, þátt í uppbyggingu á stærsta knattspyrnumóti ungra stelpna á Íslandi. Gull og Silfur mótið (síðar Símamótið) var styrkt af hjónunum sextán fyrstu árin sem mótið var haldið. Þetta mót hefur vaxið og dafnað í 40 ár og hefur gríðarlegt mikilvægi í lífi ungra knattspyrnustelpna. Flestar landsliðskonur Íslands hafa tekið sín fyrstu skref í knattspyrnu á þessu móti og nokkuð víst að margar af þeim sem taka þátt í leiknum í dag stigu sín fyrstu skref á mótinu.

Við erum gríðarlega stolt af þessu móti og teljum að Gull- og silfurmótið hafi lagt grunninn að þeim árangri sem bæði Breiðablik og knattspyrna kvenna á Íslandi hefur náð á síðustu fjórum áratugum. Gull- og silfurmótið og síðar Símamótið er eitt stærsta kvennamótið á Íslandi.

Þetta fer að bresta á! Þá ganga liðin til vallar og klappa í átt að stuðningsmönnunum.

Áhorfendamet ólíklegt
Veður í Laugardal er með besta móti og fátt því til fyrirstöðu fyrir fólk að flykkjast á völlinn. Miðasala hefur þó verið heldur dræm og höfðu aðeins um 1300 miðar verið seldir í dag. Það er vonandi að vel hafi bæst í á síðustu klukkustundum.

Byrjunarliðstíðindi! Stærsta spurningin fyrir leik kvöldsins var hvort að Ásta Eir myndi byrja fyrir Breiðablik en hún byrjar í kvöld. Nik Chamberlain, þjálfari Breiðabliks, gerir alls eina breytingu á Blikaliðinu frá 4-2 sigrinum á Þór/KA á dögunum. Ásta kemur inn í liðið fyrir hana Jakobínu Hjörvarsdóttir.

Pétur Pétursson, þjálfari Vals, gerir tvær breytingar á sínu liði frá 1-1 jafnteflinu gegn Stjörnunni fyrir viku síðan. Berglind Rós Ágústdóttir og Guðrún Elísabet Björgvinsdóttir koma inn í liðið en Þórdís Hrönn Sigfúsdóttir og Berglind Björg Þorvaldsdóttir þurfa að víkja.

Þriðja liðið Dómarateymið sem fær það verðuga verkefni að dæma þennan bikarúrslitaleik er eftirfarandi:

Dómari: Arnar Þór Stefánsson
Aðstoðardómarar: Andri Vigfússon og Þórður Arnar Árnason
Fjórði dómari: Twana Khalid Ahmed
Eftirlitsmenn KSÍ: Bryndís Sigurðardóttir og Jón Magnús Guðjónsson

Sterkur hópur álitsgjafa spáir í spilin Úrslitin í Mjólkurbikar kvenna ráðast í kvöld þegar tvö bestu lið landsins eigast við. Breiðablik og Valur mætast á Laugardalsvelli og verður flautað til leiks klukkan 19:15.

Við á Fótbolta.net fengum nokkra álitsgjafa til að rýna í leikinn en það er alveg klárt mál að það má eiga von á hörkuleik. Spá Elízu Gigju Ómarsdóttir leikmanns Aftureldingar birtist hér en sjá má hvað allir álitsgjafar sögðu með því að smella á hlekkinn hér að neðan.



Elíza Gígja Ómarsdóttir (2-1 fyrir Breiðablik)

Það er ekki hægt að segja annað en að við séum að fá draumaúrslitaleik. Tvö bestu lið landsins að mætast, bæði búin að vinna einn innbyrðis leik í sumar og ALLT undir. Hver sá sem fylgist eitthvað með veit að Blikarnir eru vel særðir eftir vonda frammistöðu í þessum leik í fyrra og þær mæta staðráðnar í að bæta upp fyrir það. Þessi tvö lið spiluðu til úrslita fyrir tveimur árum síðan og þar höfðu Valsarar betur þannig að Blikar ætla sér örugglega að bæta upp fyrir það líka, mikið til að bæta upp fyrir hjá þeim grænklæddu. Valsararnir eru svo auðvitað ekki ánægðir með að hafa ekki spilað þennan leik í fyrra þar sem að allir á Hlíðarenda eru óðir í málm og gera ráð fyrir að spila þessa leiki.

Blikarnir eru Bikarlið og hafa verið tíðir gestir í úrslitum síðustu ár og voru með nokkuð gott record þangað til þær mættu Val 2022 en Valsarar, ótrúlegt en satt, hafa ekki verið neitt sérstaklega duglegar að komast í úrslit nýlega.

Ég held að þetta verði hörkuleikur, endanna á milli og ræðst á einstaklingsgæðum öðrum hvoru megin. Ætli Birta Georgs setji ekki eitt, hún elskar að skora á Laugardalsvelli, svo setur minn uppáhalds leikmaður, Katie Cousins eitt af harðfylgi. Svo er spurning hver setur sigurmarkið… það verður einhver í grænni treyju allavega. Lokatölur 2-1 fyrir Breiðablik og þær geta loksins sofið rótt eftir heilt ár af rauðum og svörtum martröðum.

Líkleg byrjunarlið

Ásta Eir vonast eftir því að ná að spila „Já, leikurinn sem allir eru búnir að bíða eftir. Ég held að þetta verði mjög skemmtilegur og spennandi leikur," segir Ásta Eir Árnadóttir, fyrirliði Breiðabliks, í samtali við Fótbolta.net.

   15.08.2024 15:30

Ásta Eir um stöðuna á sér: Þetta er 50/50 og við sjáum til

Ásta hefur misst af síðustu tveimur bikarúrslitaleikjum Breiðabliks vegna meiðsla. Hún missti af síðasta leik gegn Þór/KA og er tæp fyrir þennan leik.

„Staðan er fín en þetta verður bara að koma í ljós. Ég er búinn að missa af síðustu tveimur bikarúrslitaleikjum. Það eru einhver bikarálög yfir mér. Nei, þetta er 50/50 og við sjáum til. Ég vona bara það besta," sagði Ásta en Blikaliðið er á góðum stað þessa stundina eftir sterkan sigur gegn Þór/KA í síðasta leik.

Pétur Péturs er spenntur „Þetta leggst bara mjög vel í mig. Það er alltaf gaman að komast í bikarúrslitaleikinn og á Laugardalsvöll. Það er mikill heiður," segir Pétur Pétursson, þjálfari Vals, í samtali við Fótbolta.net á miðvikudaginn síðastliðinn.

   15.08.2024 15:00

Pétur Péturs: Ég veit það ekki, ég þarf að hugsa það

„Þetta eru tvö bestu liðin og það er ágætt að hafa tvö bestu liðin í bikarúrslitaleik."

Þessi tvö lið hafa mæst tvisvar í deildinni í sumar og hafa það verið hörkuleikir; Breiðablik vann fyrri leikinn og Valur vann seinni leikinn sem var um daginn.

„Maður veit aldrei hvernig leikir Valur - Breiðablik er. Þeir geta verið alls konar. Ég get ekki sagt þér hvernig leikurinn verður á föstudaginn."

Leið Vals í úrslit Það var Reykjavíkur slagur á N1 vellinum að Hlíðarenda í 16 liða úrslitum þegar Valur fékk Lengjudeildarlið Fram í heimsókn. Gestirnir úr Úlfarsárdal héldu marki sínu hreinu fyrsta korterið en eftir að Katie Cousins gerði fyrsta mark leiksins setti lið Vals í fluggírinn. Fjögur mörk til viðbótar fylgdu fram að hálfleik og fór svo að lokum að Valur vann 8-0 stórsigur.



Í 8 liða úrslitum var komið að Lengjudeildarliði Grindavíkur að taka á móti Val á Stakkavíkurvelli í Safamýri. Valskonur líkt og gegn Fram léku þar við hvern sinn fingur og unnu 6-0 sigur.

Í undanúrslitum var það svo lið Þróttar sem kom í heimsókn að Hlíðarenda. Leikurinn byrjaði vel fyrir Val en Sæunn Björnsdóttir leikmaður Þróttar varð fyrir því óláni að setja boltann í eigið net strax á sjöundu mínútu. Jasmín Erla Ingadóttir tvöfaldaði forystu Vals í uppbótartíma fyrri hálfleiks og það var svo á 80.mínútu sem María Eva Eyjólfsdóttir annar leikmaður Þróttar varð líka fyrir því óláni að skora sjálfsmark. Lokatölur 3-0 sigur Vals og sæti í úrslitum tryggt.

   29.06.2024 16:25

Tvö sjálfsmörk og Valur í bikarúrslit

Leið Breiðabliks í úrslit
Breiðablik hóf leik í 16 liða úrslitum keppninnar líkt og önnur lið úr Bestu deildinni. Þar mætti liðið Stjörnuni í hreint út sagt frábærum fótboltaleik á Samsungvellinum í Garðabæ. Lokatölur urðu 4-3 Breiðablik í vil í leik sem einna helst verður minnst fyrir skelfileg dómaramistök Bríetar Bragadóttur sem hreinlega gaf liði Breiðabliks vítaspyrnu sem Agla María Albertsdóttir skoraði sigurmarkið úr í framlengingu.

   19.05.2024 23:55

Sorglegur endir á frábærum fótboltaleik

Í 8 liða úrslitum fékk Breiðablik lið Keflavíkur í heimsókn á Kópavogsvöll. Fyrirfram var búist við nokkuð þægilegum sigri Breiðabliks enda varð það raunin. Þrjú mörk á fyrstu sautján mínútum leiksins settu tóninn fyrir leikinn. Keflavíkurliðið reyndi þó að berjast á móti ofurefli Breiðabliks í leiknum og fór svo að lokum að Breiðablik bar 5-2 sigur úr býtum og sæti í undanúrslitum.

   11.06.2024 22:56

Rothögg eftir 17 mínútur

Í undanúrslitum lögðu Blikar land undir fót og skelltu sér norður til Akueyrar í heimsókn til liðs Þór/KA. Eftir markalausar 90 mínútur var það Hrafnhildur Ása Halldórsdóttir sem gerði fyrsta mark leiksins á 99.mínútu og kom Breiðablik í 1-0. Sandra María Jessen jafnaði fyrir heimakonur fyrir hálfleik framlengingar en á 113. mínútu var það varamaðurinn Írena Héðinsdóttir Gonzalez sem kom boltanum í netið beint úr hornspyrnu fyrir Breiðablik og tryggði þeim þar með 2-1 sigur og farseðil á Laugardalsvöllinn í úrslitaleikinn sem framundan er.

   29.06.2024 00:08

Þurfti slæm mistök til að skera úr um sigurvegara

Stóra stundin runnin upp. Bikarúrslitaleikur framundan.
Það er loksins komið að því. 31 leikur hefur verið leikinn í Mjólkurbikarnum þetta árið og eftir standa tvö lið. Draumaúrslitaleikurinn sem svo margir vonuðust eftir varð að veruleika. Bestu lið landsins Breiðablik og Valur mætast hér á Laugardalsvelli og munu leika til þrautar um það hvort liðið hampar Mjólkurbikarnum í lok leiks.