SKÝRSLAN: Jafntefli í blíðunni
Hvað réði úrslitum?
Opinn og skemmtilegur leikur í dag. Það sem réði úrslitum að mínu mati var frammistaða Vilhelms í markinu. Lokaði á öll góðu færin sem Njarðvík fékk.
Bestu leikmenn
1. Vilhelm Þráinn Sigurjónsson
Átti frábæran leik í dag. Vilhelm átti vörslu í fyrri hálfleik sem hefði hæglega getað verið mark fyrir Njarðvíkinga. Síðan voru þá nokkur skipti þar sem Njarðvík komst í mjög góðar stöður en hann var alltaf mættur til þess að loka á skotið.
2. Kenneth Hogg
Fannst hann vera bestur í liði Njarðvíkur í dag. Átti stoðsendinguna í markinu hjá Oumar.
Atvikið
Tvöfalda varslan hjá Vilhelm í fyrri hálfleik. Á stóran þátt í þessu stigi sem ÍR fékk í dag.
Hvað þýða úrslitin?
Bæði lið eru með 28 stig í deildinni, fjórum stigum á undan Aftureldingu í sjötta sæti. Njarðvík í fjórða og ÍR í fimmta sæti, þessi lið eru í góðum séns á því að enda í umspilssæti.
Vondur dagur
Enginn sérstakur leikmaður sem stendur upp úr. Völlurinn var hins vegar ekki upp á sitt besta. Einn vallarhelmingurinn var frekar blautur og síðan var gat á báðum mörkunum.
Dómarinn - 7
Fínasti leikur hjá dómarateyminu, engin sérstök ákvörðun sem stendur upp úr sem slæm.