Elías Ingi flautar leikinn af. Leikurinn fær 10 í einkunn frá hlutlausum. Markaleikur, rautt spjald og mikil dramatík!

Takk fyrir samfylgdina.

Aron neglir boltanum úr aukaspyrnu í stöngina! Ótrúleg spyrna

Jóhannes Kristinn á gott skot fyrir utan teig en Viktor ver enn og aftur.

Klukkan slær 90 og fjórum mínútum bætt við.

Eiður Gauti kemur boltanum á Matthias Præst sem fær gott færi en Viktor ver frá honum!

Sending inn á teiginn sem endar hjá Aroni, sem skýtur á Viktor en hann ver. Matthias Præst hlotnast svo frákastið og neglir í innanverða stöngina!

Már Ægisson kemur með stórkostlega sendingu inn á teiginn á Kristófer sem sólar Halldór en hann gerir þetta alltof flókið fyrir sjálfan sig og varnarmenn KR-inga ná einhvern veginn til boltans. Þetta gæti reynst dýrt.

Jóhannes Kristinn kemur boltanum til hægri á Matthias Præst sem skýtur boltanum í fjærhornið en Viktor nær að koma fingurgómunum í boltann. Vel varið!

Aron skýtur boltanum yfir.

Aron Sigurðarson fær aukaspyrnu utarlega við vítateiginn. Sjáum hvað setur í þetta skiptið.

Aron Sig rennir honum til vinstri á Gabríel sem klobbar Alex Frey og nær fínu skoti sem Viktor ver.

Hjalti með skrítna sendingu sem endar hjá Kennie Chopart sem nær afar lélegu skoti sem endar framhjá. Á að gera betur þarna.

Jakob Byström liggur eftir og virðist vera með krampa. Þarf aðhlynningu.

Aron Sigurðarson og Israel Garcia skella saman rétt fyrir utan vítateig og liggja eftir.

Þetta er farið aftur af stað!

Elías Ingi flautar og liðin ganga til búningsherbergja eftir þennan fjöruga fyrri hálfleik!

Sigurjón Rúnarsson og Guðmundur Andri lenda í alvöru samstuði og liggja báðir eftir. Rúnar Kristinsson allt annað en sáttur.

Elías Ingi bætir við fjórum mínútum.

Nú liggur Vuk Oskar eftir og þarf aðhlynningu.

Tibbling á sendingu inn á teiginn á Vuk en hann setur boltann vel framhjá markinu.

Jakob Byström fellur við nálægt miðjuboganum eftir einvígi við Aron Þórð. Aron Þórður lætur svo vel valin orð falla í kjölfarið.

Aron Sigurðarson á fyrirgjöf langt utan af velli sem hafnar næstum því í netinu!

Framarar eru eðlilega farnir að færa sig aftar á völlinn en KR-ingar eru að reyna að finna glufur í vörninni.

Athygli vekur að þetta er aðeins fyrsti deildarleikur Jakobs Byström og ekki getur hann stimplað sig mikið betur inn í deildina!

Gabríel Hrannar á fínt skot á markið en Viktor sér við honum.

Simon Tibbling er að finna menn trekk í trekk með frábærum sendingum. Þvílík gæði þar á ferðinni.

Eiður Gauti sækir aukaspyrnu á hættulegum stað. KR með frábæra spyrnumenn í þetta.

Guðmundur Andri leikur snyrtilega á vörn Framara og nær góðri sendingu á Gabríel sem skýtur beint á Viktor!

Eftir þetta atvik ná KR-ingar boltanum og senda Eið Gauta í gegn sem Kyle McLagan virðist ýta við en Elías Ingi gefur ekkert fyrir þetta. Leyfir leiknum að flæða.

Vuk Oskar með frábæran sprett upp kantinn og gefur hann á Má sem fellur við í teignum en Elías Ingi gefur ekki mikið fyrir þetta.

Leikurinn er að spilast nokkurn veginn eins og við var að búast. Bæði lið eru að sækja og varnarleikurinn ekki beint til eftirbreytni. Fyrsta markið fer að koma!

Aron Sigurðarson fær boltann rétt fyrir utan teig og rennir honum til hægri á Jóhannes Kristinn en skotið framhjá.

Már rennir honum í hlaupið á Róbert Hauksson, sem kemst í álitlega stöðu og sækir horn.

Framarar eru að pressa mjög hátt en KR-ingar spila sig auðveldlega upp úr pressunni. Jóhannes Kristinn rennir honum á Guðmund Andra en hann nær ekki að koma boltanum á markið.

Elías Ingi flautar leikinn af stað og það eru Framarar sem hefja leika.

Svo er það gamla vísan.
Rósir eru rauðar, himinninn blár,
þegar KR spilar, yfir 3,5 mörk er klárt.
Stuðullinn hjá Epic á það í dag er 1,82.

Epic early win alert! Epic early win á Framara er í boði hjá Epic á stuðlinum 3,30 sem þykir afar vel boðið. Epic Early win virkar þannig að ef Fram kemst einu marki yfir, einhverntíman í leiknum, þá fá menn það greitt út, óháð því hvernig leikurinn endar.

Jóhannes Kristinn Bjarnason, Aron Þórður Albertsson og Róbert Elís Hlynsson koma inn fyrir Júlíus Mar Júlíusson, Alexander Helga Sigurðarson og Alexander Rafn Pálmason.

Sænski framherjinn Jakob Byström er í byrjunarliði Fram og Sigurjón Rúnarsson kemur einnig inn frá sigrinum gegn Vestra. Freyr Sigurðsson og Kristófer Konráðsson víkja.

Aron Guðmundsson íþróttafréttamaður spáði í spilin fyrir þessa umferð.

Spáin
Ekki fær Rúnar Kristins að snúa aftur á Meistaravelli í þetta skipti. Markaleikur í Laugardalnum og lykilatriði fyrir KR að geta startað Júlíusi Mar í hjarta varnarinnar. Fram tengdi saman sigra í bikar og deild á meðan að KR fataðist flugið og vilja slá frá sér. Ég spái því hins vegar að leikurinn endi með 2-2 jafntefli, það verða læti og rautt spjald. Chopart tryggir Fram stig undir lokin.

Það verður fróðlegt að sjá hvernig Rúnar Kristins leggur upp leikinn gegn sínu gömlu félögum í KR.

Seinustu viðureignir
KR-ingar fóru með sigur af hólmi í seinustu viðureign liðanna og unnu stóran 7-1 sigur á AVIS-vellinum. Hins vegar var það skrítinn leikur, sökum stöðu liðanna í deildinni og því lítið að marka hann. Framarar unnu tvo 1-0 sigra á undan því en þykir líklegra að það verði meira um mörk í kvöld.

Framarar eru í 8. sæti Bestu deildarinnar með 9 stig og þar af leiðandi einu stigi frá KR sem eru, líkt og fyrr segir í 4. sæti. Það má því segja, að það sé ansi stutt á milli í þessari deild.

Framarar eru sterkir á heimavelli og sigruðu feykisterkt lið Vestra í rjómablíðu í seinustu umferð með 1-0 sigri. Einnig læt ég fylgja með mynd af sagnfræðingnum Stefáni Pálssyni, sem stóðst ekki mátið og reif sig úr að ofan í þeim leik en það vakti mikla lukku, meðal fólks á vellinum.

KR-ingar sitja í fjórða sæti Bestu deildarinnar með 10 stig í þéttum pakka. Þeir lutu í lægra haldi í síðustu umferð á erfiðum útivelli í Mosfellsbæ í hreint út sagt ótrúlegum leik, en þar fengu þeir á sig fjögur mörk en skoruðu að sama skapi þrjú, sem lýsir þeim ágætlega.

Verið hjartanlega velkomin í þráðbeina textalýsingu frá AVIS-vellinum, þar sem hið þrælskemmtilega KR lið mun etja kappi við Framara.

föstudagur 23. maí
19:30 KR-Fram (AVIS völlurinn)

laugardagur 24. maí
17:00 Valur-ÍBV (N1-völlurinn Hlíðarenda)
17:00 KA-Afturelding (Greifavöllurinn)
19:15 Víkingur R.-ÍA (Víkingsvöllur)
19:15 Vestri-Stjarnan (Kerecisvöllurinn)

sunnudagur 25. maí
19:15 FH-Breiðablik (Kaplakrikavöllur)