Frækinn sigur heimamanna. Viðtöl og skýrsla innan skamms

90+3

Bart í dauðafæri eftir góða sókn HK en skalli hans yfir markið

90 mín komnar á klukkuna

Aron Fannar lendir illa eftir glæfralegt brot. Virðist sárþjáður. Vonum að þetta sé ekki alvarlegt. Virðist fá slink á hné

Selfoss nálægt því að auka muninn enn frekar. Frosti í mjög góðu færi en Ólafur ver í markinu

Andleysi í HK-ingum. Virðast búnir að játa sig sigraða

Harley Willard með góða sendingu innfyrir á Aron Fannar en hann flaggaður rangstæður

HK-ingar sloppnir í gegn en Robert Blakala ver vel. Sýndist það vera Bart sem átti skotið

Aron Fannar með fyrirgjöf ætlaða Jóni Daða en varnarmaður HK setur hendina í boltann og Helgi flautar

Bart Kooistra kom inn á fyrir HK áðan. Hef ekki enn séð hver fór útaf fyrir hann

Brynjar Snær með aukaspyrnu fyrir HK en boltinn yfir markið

Meiri áræðni í HK núna. Hafa eflaust fengið smá ræðu í hálfleik

Karl Ágúst í ágætis skotfæri fyrir HK en skýtur boltanum yfir markið

HK-ingurinn Aron Kristófer er að senda góða langa bolta innfyrir vörn Selfyssinga trekk í trekk en sóknarmennirnir ná ekki að gera sér mat úr því

Selfyssingar vilja hendi víti eftir langa aukaspyrnu en Helgi Mikael dómari lætur sér fátt um finnast

Seinni hálfleikur er farinn af stað

Þjálfarar beggja liða létu óánægju sína svolítið í ljós við dómarateymið í hálfleik. Greinilega smá hiti

Heimamenn leiða í hálfleik

45+2

Selfoss í góðu færi. Ívan með hornspyrnu sem er skölluð frá, Aron Lucas nær frákastinu og lætur vaða, boltinn hefur viðkomu í varnarmanni HK og endar í fanginu á Ólafi í markinu

Smá hiti núna. Raul er að sleppa í gegn fyrir Selfoss en varnarmaður HK virðist toga í hann. Dómarinn ekki á sama máli og bekkurinn hjá Selfossi ósáttur

Eftir stórsókn HK-inga, þar sem Selfyssingar eru upp við kaðlana skella þeir Daði Kárason og (mér sýnist) Tumi Þorvarðarson saman. Virðast báðir fá þungt höfuðhögg og liggja eftir

Aftur langt innkast frá Ívani og nú er það Einar Bjarki sem flikkar boltanum að marki en Ólafur Örn ver mjög vel

HK-ingar skora. Tumi kemur boltanum í netið en er flaggaður rangstæður. Tæpt var það

Dagur með fína aukaspyrnu en naumlega framhjá

HK-ingar fá aukaspyrnu á stórhættulegum stað

Harley með aukaspyrnu sem ratar á kollinn á Aroni Fannari. Skallinn hinsvegar framhjá

Tumi við það að sleppa í gegn en Daði Kárason hefur betur gegn honum og potar boltanum í burtu

Markið hefur gefið heimamönnum aukinn kraft. Miklu líklegri núna

Selfyssingar byrjuðu betur en gestirnir hafa verið að sækja í sig veðrið seinustu mínútur. Hættulegir langir boltar hjá HK

Aron Kristófer með skot úr aukaspyrnu langt utan af velli en það var vel yfir

Heimamenn í brasi varnarlega og gestirnir komnir í gott færi eftir lélega sendingu til baka en Robert Blakala, markvörður heimamanna, bjargar málunum.

Nokkrum sekúndum síðar er Tumi kominn í ágætis færi hinum megin en skotið framhjá

Aron Lucas með góðan sprett upp að endamörkum og gefur fyrir en HK-ingar ná að hreinsa frá

Selfyssingar byrja á að fá hornspyrnu sem ekkert verður úr

Þetta er farið af stað. Gestirnir byrja

Sýnist fljótt á litið 2 breytingar hjá HK frá seinasta leik. Haukur Leifur Eiríksson og Þorvaldur Smári Jónsson koma í liðið í staðinn fyrir Jóhann Þór Arnarsson og Ívar Örn Jónsson

Byrjunarliðin eru komin inn. Jón Daði Böðvarsson er á bekknum hjá heimamönnum. Daði Kárason, sem kom á láni frá Val í gær, fer beint í byrjunarliðið. Nacho Gil, spænski miðjumaðurinn, tekur út leikbann.

Magnús Þór Jónsson, formaður kennarasambandsins, var spámaður umferðarinnar. Hann spáir jafntefli í kvöld.

"Selfoss 2 - 2 HK (18:00 í kvöld)
Selfoss hafa verið í töluverðu basli á heimavelli í sumar, 7 stig í 7 leikjum er alls ekki viðunandi árangur og verður að batna ef að þeir ætla að halda sætinu í deildinni. Maður veit ekki alveg hvaða HK lið mætir til leiks hvert sinn, þeir hafa unnið leiki örugglega sem maður taldi þá verða í basli með og svo tapa leikjum sem maður var nokkuð viss um að þeir ynnu. Ég hef fulla trú á því að það verði býsna margir í stúkunni á JÁVERK-vellinum þar sem væntanlega ákveðinn Jón Daði Böðvarsson mun spila einhverjar mínútur á Selfossvelli aftur eftir töluverðan tíma. Kristalskúlan mín segir að hann jafni með skalla í uppbótartíma!"

Það verður forvitnilegt að sjá hvort Jón Daði Böðvarsson byrji hjá heimamönnum í kvöld. Hann snéri aftur heim á Selfoss í glugganum en meiddist og kom við sögu í fyrsta sinn gegn Njarðvík í seinustu umferð.

Selfyssingar sitja í 9. sætinu einungis tveimur stigum frá fallsæti. Eftir 2 sigurleiki í röð í júlí hefur aðeins sigið á ógæfuhliðina og liðið hefur nú tapað þremur leikjum í röð.

Óhætt er að segja að liðin sé að berjast á sitthvorum staðnum í deildinni. HK-ingar sitja í 4. sætinu, einungis 4 stigum frá toppsætinu, og hafa verið á ágætis skriði undanfarið. Liðið hefur sótt sigra í 3 af seinustu fimm leikjum sínum, nú seinast á móti Keflvíkingum

Komiði sæl og verið velkomin í beina textalýsingu frá viðureign Selfoss og HK í Lengjudeild karla.