Úkraína fer í HM umspilið í þetta sinn en aftur sitjum við eftir með sárt ennið eftir úrslitaleik í Varsjá. Viðbrögð frá Póllandi eru væntanleg.

Albert með boltann fyrir en heimamenn komba boltanum í horn.

Uppbótartími er lágmarki 5 mínútur.

Jóhann Berg með boltann fyrir frá vinstri. Boltinn dettur niður fyrir Daníel Tristan sem nær skoti en af varnarmanni í fang Trubin fer boltinn.

Ver skalla frá Yarmechuck af stuttu færi með tilþrifum. Frákastið aftur á Yarmechuck sem reynir skotið í fyrsta en aftur ver Elías á hnjánum.

Jón Dagur kominn með krampa og sest á völlinn. Úkraínumaðurinn er ekki að kunna að meta þá tilburði og baular hressilega.

Frábær aukaspyrna frá Alberti inn á teiginn. Guðlaugur Victor rís hæst og skallar boltann vel niður en Trubin með stórfenglega vörslu.

Pressa heimamanna farin að þyngjast. En þeir eru sömuleiðis farnir að flýta sér sem gæti opnað möguleika fram á við fyrir Ísland.

Tsygankov reynir fyrirgjöf sem breytist í skot. Elías þarf að hafa sig allan við að slá boltann í horn.

Ruslan Malinovskiy með bjartsýna tilraun. Tekur boltann í fyrsta af um 20 metrum en boltinn hátt hátt yfir.

Sverrir Ingi tók hörkusprett upp hægri vænginn rétt áðan. Skilaði sér til baka en er sestur um leið og boltinn fer úr leik. Líklega bara að kasta mæðinni.

Zubkov með hörkuskot sem Elías slær frá. Fær boltann við D-bogann og lætur vaða en Elías sem fyrr segir vandanum vaxinn.

Elías sterkur og kýlir boltann frá.

Mikael Egill með klaufalegt brot í góðri fyrirgjafarstöðu fyrir Úkraínu.

Mjög jákvæðar fyrstu mínútur þessa síðari hálfleiks. Sóknarleikurinn og uppspilið að tikka mun betur og við erum að finna góð svæði á vellinum.

Mikael Egill með boltann úti til vinstri en hikar með fyrirgjöfina. Leikur þess í stað inn á völlinn og lætur vaða með hægri en boltinn yfir markið.

Aftur fær Ísland horn. Væri gott að nýta þetta. Íslendingar dæmdir brotlegir í teignum eftir hornið.

Ísland vinnur horn. Heimamenn skalla frá en boltinn aftur á Ísak sem kemur boltanum fyrir á Brynjólf sem skallar að marki en Trubin ver í annað horn. Frábær fyrirgjöf.

Vladyslav Vanat sleppur innfyrir vörn Íslands en er alltof lengi að athafna sig sem gefur Sverri tækifæri á að vinna til baka. Hörður Björgvin á hælunum þarna.

Albert sækir horn strax í blábyrjun. Heimamenn skalla frá.

Ísland sparkar þessu af stað á ný. Engar breytingar að sjá á liðunum.

ÚKR - ÍSL Með bolta: 51% - 49% Sendingar 238 - 225 Heppnaðar sendingar 199 - 180 Skot 7 - 3 Skot á mark 1 - 0

Úkraína fékk mjög hættulega sókn á lokamínútum hálfleiksins, Mikael Egill tapaði boltanum illa en sem betur fer klikkaði fyrrigjöf Úkraínumanna. Úkraína hefur komist í nokkrar hraðar sóknir eftir að íslenska liðið tapaði boltanum klaufalega. Það er eitthvað sem þarf að passa betur. Mikael hefur aðeins verið að haltra eftir að hafa fengið högg i leiknum. Kemur Logi inn á í hálfleik?

Ekkert kom upp úr aukaspyrnunni og Taylor flautar til hálfleiks. Eftir ágætisbyrjun á leiknum hafa heimamenn tekið heldur yfir leikinn. Núllstilling í hálfleik fyrir síðari hálfleikinn. Staðan er samt þannig að við erum í umspilinu eins og er.

Vladyslav Vanat með lúmska tilraun úr teignum er hann hælar boltann í átt að marki. Elías Rafn vel á verði.

Albert sækir hornspyrnu. Ekkert varð úr.

Ruslan Malinovskiy hársbreidd frá því að koma sér í gott færi en Hörður Björgvin bjargar.

Oleksandr Zubkov er að fá óþægilega margar tilraunir til þess að skjóta á markið. Boltinn fellur fyrir hann við teiginn og lætur hann vaða. Sama niðurstaða og áður þó.

Oleksandr Zubkov með skemmtilega tilraun eftir góðan samleik við Vanat. Setur boltann samt ekki á markið og Ísland á markspyrnu.

Lætur vaða fyrir utan teig en boltinn í varnarmann og afturfyrir. Ísland á hornspyrnu Og aðra til.

Smá áminning sem við fengum með þessu sláarskoti... þessi bolti hefði pottþétt verið inni á Laugardalsvelli í síðasta glugga. Fyrir utan þessa tilraun þá finnst mér byrjun leiksins gefa ástæðu til bjartsýni. Úkraínska liðið ekki mikið ógnað og ég hef fulla trú á því að þegar Úkraína þarf að taka meiri áhættu þá muni okkar lið svara. Eitt sem við vitum um íslenska liðið í dag er að það getur skapað og skorað!

Viktor Tsygankov með sláarskot eftir að Úkraína vinnnur boltann hátt á vellinum. Keyrir beint í átt að marki og lætur vaða en boltinn í slánna og út.

Boltinn færður frá hægri yfir til vinstri þar sem Oleksandr Zubkov mætir Guðlaugi Viktori...... Það þarf ekki mörg orð um það að Guðlaugur Viktor valtaði yfir hann.

ÚKR 48% - 52% ÍSL

Yukhym Konoplya með máttlítið skot af talsverðu færi sem siglir örugglega framhjá.

Andri Lucas togaður niður þegar hann er að komast í góða stöðu en A.Taylor sér ekkert athugavert. Hefur lítið verið að flauta hér í upphafi.

Þetta fyrsta korter verið með ágætum. Jafnvægi í leiknum og ljóst að taugar manna eru þandar.

Vladyslav Vanat kemst í áltilega stöðu en á skelfilegt skot sem hittir ekki markið. Þessi fremherji Girona er skeinuhættur og getur valdið usla.

Albert og Mikael Egill sækja fyrstu hornspynu Íslands. Guðlaugur Viktor fyrstur á boltann en skallar hann í Andra Lucas og heimamenn hreinsa.

Vladyslav Vanat fær boltann í teig Íslands en má sín lítils gegn sterkum Sverri Inga sem hleypir honum hvorki lönd né strönd. Flaggið svo á lofti í þokkabót.

Oleksandr Zubkov með fyrstu tilraun leiksins. Fær boltann eftir mikinn skallatennis í teig Íslands en setur boltann framhjá úr þröngu færi.

Þetta er hafið í Varsjá. Úrslitaleikur um sæti i umspili HM. 90 mínútur í að við fáum svar um hvort við komumst skrefi nær fyrirheitna landinu. Áfram Ísland!

Bræðurnir Haukur og Valur Gunnarssynir skelltu sér í miðbæ Varsjár í dag og tóku púlsinn á helsta stemingsfólkinu.

lfan, stuðningsmannafélag íslenska landsliðsins, er mætt til Varsjáar og hefur hitað upp fyrir leikinn í allan dag. Hilmar Jökull, formaður Tólfunnar, var vongóður þegar Fótbolti.net ræddi við hann um leikinn fyrr í dag.

Síðustu misseri hjá Herði Björgvini hafa einkennst af meiðslum, hann meiddist illa í september 2023 og hefur ekki spilað keppnisleik með landsliðinu síðan.

Eins og búast mátti við kemur Yehor Yarmolyuk, miðjumaður Brentford, inn í liðið í stað Georgyi Sudakov sem er meiddur og með honum á miðsvæðinu verður Ivan Kalyuzhnyi, fyrrum leikmaður Keflavíkur. Ruslan Malinovskyi skoraði tvennu í 5-3 sigri Úkraínu á Laugardalsvelli en hann er í holunni. Það eru átta breytingar á liðinu frá 4-0 tapi gegn Frakklandi í síðustu umferð.

   15.11.2025 16:10

Toddi: Ef við byrjum eins og í Bakú þá eigum við góða möguleika

   15.11.2025 17:08

Hákon Arnar: Vonandi byrjar hann ekki

   15.11.2025 17:22

Lofar dramatík í 90 mínútur - „Menn verða nagandi á sér neglurnar, þar á meðal ég"

   15.11.2025 18:19

Átján þúsund miðar seldir á úrslitaleikinn í Varsjá

   15.11.2025 20:03

„Getur verið hættulegt að spila upp á jafntefli“

   15.11.2025 21:31

Stjarna Úkraínu: Þetta er úrslitaleikur fyrir okkur

   15.11.2025 22:59

Þjálfari Úkraínu: Við erum að berjast fyrir alla þjóðina

Oleksandr Pozdeyev, fyrrum þjálfari Kolos í Úkraínu, talar ekki undir rós þegar hann ræðir úkraínska landsliðið, en hann telur það á mjög vondum stað í augnablikinu. Pozdeyev, sem þjálfaði Kolos frá 2024-2025, spilaði líka lengi vel í efstu deild í landinu. Tribuna fékk hann til að ræða frammistöðuna gegn Frakklandi og rýna aðeins í framtíðina. Næst á dagskrá hjá Úkraínu er að spila við Ísland í úrslitaleik í Varsjá, en Pozdeyev segir liðinu hafa farið aftur og það sé ekki hægt að líta á landsliðið sem stórþjóð í fótboltanum. „Svo virðist sem að á síðustu árum sé úkraínska landsliðsins að nálgast Færeyjar í gæðum en ekki bestu þjóðirnar. Ég meina þá gamla Færeyjaliðið, ekki það sem er að vinna Svartfjallaland og Tékkland. Við gátum ekki skapað hættuleg augnablik fyrir framan markið.“ „Rebrov vildi loka á sem flest svæði fyrir framan vítateiginn en það sorglega er að úkraínska liðið getur ekki nýtt skyndisóknir. Svo gleymi ég auðvitað að nefna Anatoliy Trubin sem átti magnaðar vörslur í markinu.“ „Það er alveg ljóst að gæðastaðall úkraínska boltans er mjög veikburða og ekki hægt að bera okkur saman við Frakkland. Okkar leikmenn geta ekki unnið einn á einn stöðu og hræddir við allt. Ímyndaðu þér ef við myndum sækja, taka áhættu, sundurspila andstæðinginn og tapa 15-0? Auðvitað getur þú það ekki því enginn yrði ánægður með slíka frammistöðu. „Þetta var ekki unglingalið Úkraínu sem fór til Parísar að spila í undankeppni HM, heldur A-landsliðið. Hópurinn okkar er með topp leikmenn frá Shakhtar, Dynamo Kiev og félögum í stærstu deildum Evrópu. Þeir þéna allir svakaleg laun og svo vorum við aðeins með einn nýliða í Mykhavko (Dynamo Kiev). Sagði hann einnig að það þyrfti að gera breytingar til þess að ná í árangur og þó hann hafi ekki beint kallað eftir höfði Rebrov, þá gaf hann það samt í skyn. „Allir leikmenn liðsins hafa spilað ótrúlega mikilvæga leiki fyrir landsliðið en við náum ekki einu sinni að eiga þrjú skot á markið? Við getum ekki keypt einhvern inn í landsliðið heldur aðeins þróað unga leikmenn. Það þýðir að við þurfum að gera þjálfarabreytingar. Ég er ekki að fara fram á að Rebrov verði rekinn, en það er samt þörf á breytingum. Þetta getur ekki haldið áfram þennan veg,“ sagði Pozdeyev.

Arnar Gunnlaugsson gerir þrjár breytingar á byrjunarliðinu en það óvæntasta er það að Hörður Björgvin Magnússon kemur inn í vörnina fyrir Daníel Leó Grétarsson. Daníel Leó kemur á bekkinn en tvær aðrar breytingar eru gerðar á liðinu. Jón Dagur Þorsteinsson kemur á hægri vænginn fyrir Jóhann Berg Guðmundsson og þá kemur Brynjólfur Andersen Willumsson inn fyrir Kristian Nökkva Hlynsson. Það má því gera ráð fyrir því að Brynjólfur spilar fremst með Andra Lucasi Guðjohnsen. Íslandi nægir jafntefli til að komast í umspil um sæti á HM.

Einn fremsti dómari Englendinga, Anthony Taylor, sér um að dæma. Taylor hefur mikla reynslu úr ensku úrvalsdeildinni þar sem hann er oft valinn til að dæma stóru leikina. Hann hefur dæmt tvo bikarúrslitaleiki og marga alþjóðlega stórleiki, bæði hjá félagsliðum og stórmótum landsliða. Taylor hefur nokkrum sinnum dæmt hjá Íslandi, síðast þegar Ísland vann Ísrael í undanúrslitum umspilsins á síðasta ári. Gary Beswick og Adam Nunn verða aðstoðardómarar á sunnudag, Sam Barrott fjórði dómari og Stuart Attwell VAR dómari.

Lárus Orri Sigurðsson, sérfræðingur á Sýn Sport og þjálfari ÍA, hefur áhyggjur af varnarleik liðsins fyrir leikinn gegn Úkraínu. „Þetta er hörkugott lið. Vandamálið er varnarlega. Við megum ekki gera svona mistök eins og í dag. Við erum að sjá mistök þar sem við erum að missa leikmenn inn fyrir okkur. Gulli er sofandi, á móti sterkari liðum er þér refsað. Það á að nota svona leiki til að æfa sig í þessu. Þú verður alltaf að vera 100%. Það er áhyggjuefni að sjá menn slökkva á sér í svona leikjum," sagði Lárus í umfjöllun Sýnar Sport eftir sigurinn gegn Aserbaísjan.

Ísland tapaði 3-5 fyrir Úkraínu í furðulegum leik á Laugardalsvelli í síðasta glugga, þar sem nánast allt endaði inni. Þá mættust þjóðirnar á síðasta ári í úrslitaleik umspils fyrir EM í Wroclaw í Póllandi. Úkraína tryggði sér þar sigurinn 2-1 með sigurmarki á 84. mínútu. Svekkjandi stund. Albert Guðmundsson skoraði mark Íslands í leiknum. „Þegar við töpuðum í síðasta úrslitaleik á móti þeim í fyrra var svekkjandi. Mér fannst við eiga meira skilið úr leiknum í síðasta glugga. Við komum í hefndarhug," segir Albert.

„Menn verða að gera sig klára og svo er bara 'all in'. Úrslitaleikur," sagði Hákon Arnar Haraldsson, fyrirliði íslenska landsliðsins, í samtali við Fótbolta.net eftir 2-0 útisigurinn gegn Aserbaísjan. „Þetta er það sem maður er í fótbolta fyrir: Stóru leikirnir þar sem allt skiptir máli. Við höfum spilað vel og komið okkur í þennan úrslitaleik upp á annað sætið," segir Hákon.

Þetta er ekki flókið: Annað þessara liða kemst í umspil um sæti á EM. Úkraína þarf sigur en Íslandi dugir jafntefli. Það er úrslitaleikur framundan á pólska herstöðvarleikvangnum, heimavelli Legia Varsjá. Háspenna!