SKÝRSLAN: Lærisveinar Heimis leiddir til slátrunar
Hvað réði úrslitum?
Fylkir byrjaði leikinn betur en eftir að Afturelding skorar fyrsta markið þá missa Fylkismenn hausinn. Það kemur kafli þar sem Afturelding skorar aftur og aftur, það hætti ekki fyrr en hálfleikur kom. Fylkismenn náðu að stoppa flóðgáttirnar í seinni hálfleiknum en verst er að Afturelding stoppaði þá líka alveg.
Bestu leikmenn
1. Andi Hoti
Erfitt að velja hann ekki, miðvörður sem skorar tvö og átti skilið hreint lak. Sóknarlega gat Fylkir ekki neitt, engin dauðafæri, ekki neitt. Andi var frábær í vörninni og átti skilið hreint lak.
2. Joachim Holtan
Var flottur í dag, mark og stoðsending. Hann var ótrúlegur og skilaði sínu. Erfitt að velja á milli Holtan og Óðins, en Holtan tekur annað sætið vegna marksins og stoðsendingarinnar. Enes líka góður.
Atvikið
Fyrsta markið er atvikið, Fylkismenn missa haus og Afturelding slátra þeim.
Hvað þýða úrslitin?
Afturelding vermir núna toppsætið. Afturelding fer í kórinn næst og spilar gegn HK. Fylkir fær Þrótt í heimsókn, sem getur verið áhugaverður leikur. Báðir leikir, topp slagir sem geta haft áhrif á hver vinnur deildina og hver fer í umspil.
Vondur dagur
Hlynur Sævar, hann var ekki góður. Ég ætla ekki að fara lýsa öllum mörkunum en Afturelding slapp tvisvar í gegn hans megin í vörninni og þá frekar léttilega. Fylkisliðið í föstum leikatriðum var líka frekar lélegt allt saman.
Dómarinn - 5
Hann var fínn, en markið hjá Fylki var líklega ekki inni, Maggi segir það og ég er sammála honum, fyrir það þá fer einkunnin frekar mikið niður.