SKÝRSLAN: Töfrar Axels Sigurðarsonar tryggðu Gróttumönnum sigur í dag
Hvað réði úrslitum?
Gróttumenn voru betri aðilinn nánast allan leikinn og spiluðu mjög góðan leik yfir höfuð. Það var mikill vindur í leiknum og hann hafði áhrif á leikinn, Grótta spilaði með vindinn og hann hjálpaði auðvitað mikið í seinni hálfleik, það var erfitt fyrir Njarðvík að sækja á þá þótt þeir gerðu það vel. Grótta vörðust vel í leiknum öllum og skoruðu tvö frábær mörk sem réðu þessum úrslitum. Mikill karakter hjá Gróttu að koma til baka eftir að þeir fengu á sig jöfnunarmark á 83 mínútu.
Bestu leikmenn
1. Grímur Ingi Jakobsson
Grímur skoraði fyrsta markið hjá Gróttu í dag með virkilega góðu skoti. Hann var sterkur á miðjunni hjá Gróttu í dag og barðist frá upphafi til enda.
2. Kristófer Dan Þórðarson og Axel Sigurðarson
Kristófer var góður og duglegur í leiknum . Axel Sigurðarson fær þennan stimpil með honum fyrir þetta ótrúlega mark sem hann skoraði, sá mun fara glaður á koddann út sumarið finnst mér líklegt.
Atvikið
Sigurmarkið hjá Axel Sigurðarsyni var risastórt atvik sem vann Gróttu leikinn, þetta mark kom út úr engu en var svo sannarlega glæsilegt.
Hvað þýða úrslitin?
Grótta fara upp í 4. sæti Lengjudeildarinnar og verða þar út daginn í dag a.m.k. það fer eftir úrslitum í leik Þróttar og Grindavíkur á morgun.
Njarðvík falla niður um eitt sæti og eru í 7. sæti, Vestramenn tóku fram úr þeim eftir sigur í Breiðholtinu á ÍR.
Vondur dagur
Sigurjón Már Hauksson var rosalega klaufalegur í fyrsta marki Gróttu. Þar sem hann heldur boltanum inn á við endamörkin og rekur hann upp völlinn, og á þar afskaplega lélega sendingu beint á Gróttumann sem olli því að allt var opið og Grótta skoruðu á Njarðvík sem voru fámennir til baka.
Dómarinn - 7
ÞÞÞ og hans teymi voru flottir í dag, nokkurr atvik sem hafði verið hægt að dæma á en hann leyfði leiknum að fljóta í staðinn eins og hann gerir gjarnan.