SKÝRSLAN: Ægir með góðan sigur á Húsavík
Hvað réði úrslitum?
2 mínútur í fyrri hálfleik. Ægismenn skoruðu tvö mörk með stuttu millibili í fyrri hálfleik sem gaf þeim þægilega stöðu og þeir gátu því leyft sér að sitja til baka og verja forystuna.
Bestu leikmenn
1. Markús Máni Jónsson
Skoraði annað mark gestanna og skilaði góðri frammistöðu í dag.
2. Stefan Dabetic
Fyrirliði Ægismanna skilaði flottri frammistöðu í dag.
Atvikið
Mark Jordan Adeyemo. Þriðja mark Ægis gekk í raun frá þessum leik. Völsungur klóraði í bakkann en það dugði ekki til.
Hvað þýða úrslitin?
Annar sigur Ægis í röð og þeir eru því komnir með 7 stig og lyfta sér af fallsvæðinu. Völsungur er enn án sigurs eftir 7 leiki og heimamenn sitja sem fastast á botni deildarinnar.
Vondur dagur
Varnarleikur Völsungs. Einbeitingarleysi í varnarleiknum var sennilega ástæðan fyrir því að þeir fengu á sig tvö mörk með svo stuttu millibili.
Dómarinn - 7
Hef lítið út á dómarann að setja. Ingvar Björn vill meina að þriðja mark Ægis hafi verið rangstaða en ég veit ekki hvort að það sé rétt.