SKÝRSLAN: Óskar með 9.9 og martraðaleikur hjá Jakobi Franz
Hvað réði úrslitum?
Víkingar mættu einfaldlega til leiks á meðan Valsmenn gerðu það ekki. Víkingur gerði út um þennan leik í fyrri hálfleik og það var aldrei spurning hvaða lið væri að fara að taka stigin þrjú eftir það.
Bestu leikmenn
1. Óskar Borgþórsson (Víkingur R.)
Eitthvað auðveldasta val sögunnar. Þrjú mörk og ein stoðsending. Frábær mörk reyndar og ótrúlega flottur leikur hjá honum í kvöld. Sárt reyndar að sjá að hann fékk 9.9 á Fotmob, 0.1 frá því að tosa sig upp í tíuna. Smá svekkjandi.
2. Karl Friðleifur Gunnarsson (Víkingur R.)
Var frábær í kvöld. Lagði upp eitt mark stórkostlega á Óskar og skoraði svo seinasta mark leiksins í kvöld. Mjög góður dagur á skrifstofunni hjá Karli í kvöld.
Atvikið
Þriðja mark Óskars. Þrennan innsilgd og þrjú stig á leiðinni í Fossvoginn. Magnaður leikur hjá Óskari.
Hvað þýða úrslitin?
Víkingar halda áfram að vinna fótboltaleiki og tróna á toppi deildarinnar. Valsmenn halda áfram sínu kaflaskiptu tímabili og þurfa að hugsa sinn gang eitthvað fyrir næstu leiki.
Vondur dagur
Jakob Franz átti gífurlega slakan leik í kvöld. Leit hræðilega út í nokkrum mörkum og var alls ekki góður varnarlega í kvöld. Óskar Borgþórs nýtti sér það svo sannarlega.
Dómarinn - 8
Ekkert út á teymið að setja. Engar risa ákvarðanir sem þeir þurftu að taka en heilt yfir fínasta flæði í leiknum og sammála lang flestu sem þeir dæmdu á í kvöld.