Víkingurinn Tómas Guðmundsson spáir leikjum 11. umferðarinnar en hann spáir að sjálfsögðu sigri gestanna í kvöld.

Valtýr Björn Valtýsson, íþróttafréttamaður og Framari var í samtali við Fótbolta.net í aðdraganda stórleik kvöldsins. Valtýr fór yfir víðan völlinn og ræddi meðal annars árangur Rúnars með Fram liðið. Hægt er að lesa fréttina hér en Valtýr ræddi andann í Fram stuðningsmönnum ásamt því að fara yfir leik kvöldsins meðal annars.

Daði Berg Jónsson, leikmaður Víkings, var í samtali við Fótbolta.net og ræddi ýmsa hluti þar. Hann hefur verið frá í eitt ár vegna erfiðra meiðsla en fyrri parts síðasta tímabils sló hann í gegn hjá Vestra, þar sem hann var á láni frá Víkingum. Daði segir Víkingsliðið vera reynslunni ríkari í ár og að liðið sé á frábærum stað.

Framarar koma einnig á fljúgandi siglingu inn í leik kvöldsins en liðið hefur unnið sex af síðustu sjö leikjum sínum og gert eitt jafntefli sem kom gegn þá taplausum KR-ingum. Með sigri fara Framarar upp fyrir KR í annað sæti deildarinnar og saxa á forskot Víkinga.

Víkingar hafa unnið alla leiki nema einn á þessu tímabili og ekkert virðist geta stöðvað þá um þessar mundir. Þeir eru með sex stiga forskot á toppi deildarinnar og komnir í undanúrslit Mjólkurbikarsins. Víkirnarnir verða einnig í forkeppni Meistaradeildarinnar sem hefst í júlí en ljóst er að liðið sé á ansi góðum stað.

Sigurður Hjörtur Þrastarson fær það hlutverk að dæma stórleikinn en honum til aðstoðar verða þeir Egill Guðvarður Guðlaugsson og Kristján Már Ólafs. Guðmundur Páll Friðbertsson er fjórði dómari og Þórður Georg Lárusson er dómaraeftirlitsmaður.

Sæl öll og verið velkomin í þráðbeina textalýsingu fyrir stórleik Fram og Víkings sem fer fram á Lambhagavelli í 11. umferð Bestu deildar karla.