Viðtöl og skýrsla væntanleg síðar í kvöld

Þetta er að fjara út hérna hjá okkur

Góð sókn Gróttu endar með skoti Björgvins Brima en Ólafur ver, sem fyrr, mjög vel í horn.

Tvö skot á stuttum tíma frá Mattíasi Kjeld og Björgvin Brima sem Ólafur ver vel. Þeir eru að ná vopnum sínum aftur eftir afleita byrjun á seinni hálfleik.

Seinni hálfleikur byrjar keimlíkt þeim fyrri. Fylkismenn með boltann og Grótta reynir að sækja hratt.

Fylkismenn fá víti! Klaufalegt brot inni í teig Gróttu. Hárrétt dæmt.

Þeir leika í átt að Bakkagarði, Gróttumenn sækja að sundlauginni.

Skemmtilegur leikur og ég sé ekki betur en að planið hjá Gróttu sé að ganga upp, allavega hingað til.

Við sjáumst eftir korter

+1
Andri Freyr sóknarmaður Gróttu var kominn í mjög góða stöðu, en Tumi lokaði á hann, ýtti honum út úr teignum og gerði eiginlega allt nema að breiða yfir hann sængina fyrir nóttina. Virkilega góður varnarleikur.

Snögg sókn Gróttu. Björgvin Brimi fær boltann úti til vinstri og kemur með eitraða þversendingu beint á D-bogann þar sem Tristan kom askvaðandi og átti hörkuskot í fyrsta en það var glæsilega varið af Ólafi Kristófer í marki Fylkis

Tók tvo menn á og átti svo hörkuskot sem fór af varnarmanni og í horn. Hornspyrnuna skalla Gróttumenn frá

Enn er það Kári sem er upphafsmaður sókna hjá Fylki. Frábær fyrirgjöf, föst á nær sem Birkir Eyþórsson skallar rétt framhjá

Fylkismenn sækja, og koma sér í gott færi. Boltinn dettur fyrir framan markteiginn og nær Guðmundur Rafn hönd á boltann og skellur saman með sóknarmanni Fylkis. Elías Ingi lætur leikinn halda áfram og tekst varnarmönnum Gróttu að bægja hættunni frá með Guðmund liggjandi óvígan í teignum.
Þarna vildi Rúnar fá eitthvað meira en ekkert.

Nú var það Viktor Orri Guðmundsson sem skeiðaði með boltann um 60 metra alla leið að vítateig Fylkis, fann Andra Frey á sína hægri sem átti skot sem Ólafur varði í horn.

Úr horninu kom ekkert

Á meðan ég skrifa um markið fellur boltinn ofan á slánna hjá Fylki eftir fyrirgjöf/skot. Þarna mátti litlu muna!

Náðu að tengja nokkrar sendingar saman án þess þó að ógna marki Fylkis af nokkru viti.

Kári Sigfússon fær boltann á vítateigshorninu hægra megin og á lúmska vippu sem fer rétt yfir markið.

Enn eru það Fylkismenn sem eru mikið mun meira með boltann án þess þó að skapa sér færi. Gróttumenn halda áfram að freista þess að vinna boltann og sækja hratt.

Viktor Orri brýtur á Kára Sigfússyni rétt fyrir utan vítateig. Hér er skotfæri.

Arnór Breki Ásþórsson tekur skotið. Það er fast meðfram jörðinni en Guðmundur Rafn á í engum vandræðum með það.

Theodór Ingi átti góða fyrirgjöf frá hægri á Mána Austmann sem átti skot að marki sem var varið á línu og hreinsað í horn. Upp úr horninu vörðu Gróttumenn aftur á línu en skallinn var laus. Fylkir halda pressunni hér í upphafi

Liðin ganga hér inná völlinn undir ljúfum tónum Bubba Morthens. Áhorfendur streyma sömuleiðis inn á völlinn. Þetta er að bresta á!

Heimir Guðjónsson þjálfari Gróttu gerir sömuleiðis breytingar frá síðasta leik. Birkir Eyþórsson, Bjarki Steinsen Arnarsson og Kári Sigfússon byrja allir. Dagur Traustason og Nikulás Val Gunnarsson tylla sér á bekkinn. Orri Sveinn Segatta hefur fengið fjögur gul spjöld í sumar og er því í banni í kvöld.

Rúnar Páll gerir tvær breytingar á byrjunarliði Gróttu frá tapinu í síðasta leik. Þeir Axel Sigurðarson og Emil Skúli Einarsson taka sér sæti á bekkinn og í þeirra stað koma Viktor Orri Guðmundsson og Kristján Tómas Björnsson

Liðin mættust í Mjólkurbikarnum 13. júní síðastliðinn í frábærum leik.
Tristan Freyr Ingólfsson kom Gróttu yfir í fyrri hálfleik með glæsilegu marki en skömmu fyrir lok venjulegs leiktíma varð Caden McLagan, varnarmaður Gróttu, fyrir því óláni að setja boltann í eigið net og þurfti því að framlengja. Í framlengingunni kom Aron Snær Guðbjörnsson Fylki yfir en Caden McLagan kvittaði fyrir sjálfsmarkið og skoraði í rétt net til að jafna leikinn á ný. Á lokasprettinum voru Fylkismenn sterkari og skoruðu Orri Sveinn Segatta og Kári Sigfússon sitt hvort markið.
Leikar enduðu því 4-2 og Fylkismenn mæta Aftureldingu í undanúrslitum Mjólkurbikarsins þetta árið.

Elías Ingi Árnason er dómari í dag og honum til aðstoðar eru þeir Mikael Ívan Axelsson og Rögnvaldur Þ Höskuldsson. Dómaraeftirlitsmaður er Ólafur Ingi Guðmundsson

Skagamaðurinn Andri Júlíusson spáir í 10. umferð Lengjudeildarinnar

Grótta 3 - 2 Fylkir (19:15 á sunnudag)
Virkilega hrifin af þessu Gróttuliði og þeir halda áfram að koma á óvart, Kjeld, Björgvin koma Gróttu í 2-0 en seiglan í Guðfinni og Slátraranum Hlyni Sævari jafna svo setur Tristan sigurmark í andlitið Fylkismönnum.

Gróttumenn eru í 8. sæti Lengjudeildarinnar fyrir leik með 12 stig. Eftir þrjá góða sigra í röð lutu þeir í lægra haldi gegn ÍR á Þarfaþingsvellinum í síðustu umferð. Einar Tómas Sveinbjarnarson skoraði mark Gróttu í leiknum.

Fyrir leik sitja Fylkismenn í öðru sæti deildarinnar með 18 stig, einungis einu stigi á eftir toppliði Þróttar.

Í síðasta leik, á þjóðhátíðardaginn 17. júní, gerðu Fylkismenn sér góða ferð til Grindavikur þegar þeir sigruðu heimamenn 0-1 með marki Kára Sigfússonar og komu sér þar með aftur á sigurbraut eftir tvö töp í röð í deildinni.

Klukkan 19:15 tekur lið Gróttu á móti Fylki í 10. umferð Lengjudeildar karla.