Andri Júl spáir í 10. umferð Lengjudeildarinnar

Njarðvík 2 - 1 Leiknir (19:15 í kvöld)
Njarðvík eru ólíkindatól þessa dagana og koma virkilega særðir eftir síðasta leik, Leiknir búnir að vinna 3 í röð en verða stöðvaðir í Njarðvík - Birnir með markið fyrir Leikni og Arnór Valur assist.

Vestri 1 - 1 Afturelding (14:00 á sunnudag)
Vestri verið að ná vopnum sínum og með 3 sigra í síðustu 4 en Vindurinn að fara vestur og þó það sé ekki megavika þá skorar hann þar og Breki Þór jafnar fyrir Vestramenn.

ÍR 1 - 1 Völsungur (16:00 á sunnudag)
Hrikalega sterkur sigur Völsunga síðast og komnir með blóð á tennurnar og hrífast af Græna Gímaldinu og stela jafntefli.

Ægir 1 - 1 Þróttur R. (19:15 á sunnudag)
Þessi deild er sennilega sú mest ófyrirsjáanlega deild í heiminum, þarna fara Þróttarar á gras og ná ekki sínu flæði í leikinn en hanga á jafnteflinu.

Grótta 3 - 2 Fylkir (19:15 á sunnudag)
Virkilega hrifin af þessu Gróttuliði og þeir halda áfram að koma á óvart, Kjeld, Björgvin koma Gróttu í 2-0 en seiglan í Guðfinni og Slátraranum Hlyni Sævari jafna svo setur Tristan sigurmark í andlitið Fylkismönnum.

HK 1 - 2 Grindavík (19:15 á unnudag)
Vonbrigðalið HK heldur áfram að valda vonbrigðum og Ingi Sig kann vel við sig inni í hlýjunni og skorar 2.

Fyrri spámenn:
Sigurður Hrannar (4 réttir)
Baddi Borgars (3 réttir)
Amin Cosic (3 réttir)
Kristófer Ingi (2 réttir)
Markús Páll (2 réttir)
Halli Hróðmars (2 réttir)
Dagur Orri (2 réttir)
Adam Páls (2 réttir)