Haukar halda toppsætinu en KR gerir sig gildandi í 2. sætinu, 1 stigi á undan nágrönnum sínum í Gróttu

Hörku fjörugur leikur og ég hvet áhorfendur að sofa ekki á lengjudeild Kvenna! Hér er sannarlega stuð

Takk annars fyrir samfylgdina,
Skýrsla kemur inn síðar í kvöld

Síðasta tækifærið hjá KR en Viktoría grípur þessa aukaspyrnu örugglega og í því flautar dómarinn leikinn af!

Dómarinn leyfir hér leiknum að líða og líða... aukaspyrna dæmd

Áhorfendur Hauka ekki sáttir

Ragnheiður Tinna brýtur á Rakel, hefði alveg getað fengið gult þarna, alltof sein...

HAUKAR BJARGA Á LÍNU!

Þetta var færið til að klára þetta fyrir KR!

Uppbótartími er a.m.k. 3 mínútur

Sigurbjörg nýkomin inn á, nær hér höööööörkuskalla, hennar fyrsta snerting en boltinn hárfínt framhjá fjærhorninu,
Kyla hefði ekki náð að verja þennan...

Kara með hörkuskot, fast niðri en Viktoría sér við henni að þessu sinni

Rakel Lilja reynir að finna Ragnheiði Tinnu inn fyrir en Katrín Ásta sterk kemur í veg fyrir það

Fyrirgjöf af kantinum sem Katla nær að setja tánna í en nær hins vegar ekki að stýra boltanum á markið og framhjá!

Haukunum dugar jafntefli til að halda toppsætinu en KR verður að vinna til að stela því,

Þetta verða hörku lokamínútur hér!

Góð innkoma hjá Emilíönu, á hér góða sendingu á Berglindi sem skýtur á markið en Kyla sem fyrr mjög örugg í markinu

Mikil barátta þessar mínúturnar hjá Haukum, Valgerður reynir skot frá teigslínunni en yfir

Halla með fínar hreyfingar kemur boltanum á Ásthildi sem reynir skotið en ekki nógu fast

187 mættir á völlinn í kvöld

Ragnheiður Tinna var sloppin ein í gegn eftir frábært hlaup og ætlaði að leggja hann í fjærhornið en Kyla eins og köttur í markinu og hoppar á þennan! Frábær varsla

Valgerður er komin aftur inn á eftir að mínútan er liðin

Valgerður liggur hér eftir samstuð við Ragnheiði, Haukakonur héldu sjálfar áfram án þess að setja boltann útaf, dómarinn stoppaði svo leikinn þegar hann fór út. Búið er að kalla inn á sjúkraþjálfara, mér sýndist þetta vera þungt höfuð högg... mögulega olnbogi

Emma Björt setur háan bolta í teiginn, þar er Ragnheiður sem tekur hann með með hælnum aftur fyrir sig en boltinn rétt framhjá, hefði verið geggjað mark

Haukar freistast í skyndisókn, Halla reynir að komast framhjá Katrínu Ástu en þar er allt lokað og læst!

Kara með hornspyrnu fyrir KR, fer á Emmu sem setur hann aftur á Köru, boltinn fyrir þar sem Ragnheiður er mætt en nær ekki að stýra boltanum á markið

Emma Björt með aukaspyrnu frá miðju, hörkubolti sem Viktoría í markinu þarf að hafa sig alla við að ná að verja, hún er síðan straujuð niður áður en boltinn fer í markið í 4. skiptið... En réttilega er aukaspyrna dæmd

Fyrsti góði spilakaflinn hjá Haukum þar sem þær spila sig upp völlinn án þess að þruma boltanum fram og vona það besta, Ragnheiður fær hann síðan og kemur honum fyrir en hann hittir ekki á neina rauða treyju í þetta sinn,

Þetta er meira líkt Haukaliðinu sem maður hefur séð í sumar

Rakel og Katla eru að vinna vel saman í dag og eru baneitrað dúó!

Halla Þórdís kemur þá hinum megin, reynir að finna Ragnheiði en aðeins of fastur bolti og rennur út fyrir endalínu

Aftur er Katla að setja boltann í markið en flaggið á loft!

Kara finnur Rakel á kantinum, hún reynir fyrirgjöfina en fer aftur fyrir markið

Kristín Fjóla sparkar þessu af stað fyrir gestina

Hálfleikur hér á Meistaravöllum þar sem KR leiða sanngjarnt 1-0, miðað við færin sem þær hafa verið að skapa sér ættu þær að vera svona 3-0 yfir en þetta er það skemmtilega við fótboltann!

Haukakonur sakna greinilega varnar naglans, hennar Maggýjar sem er fjarri góðu gamni í kvöld.

1-0 forysta er þó svo lítið og ein góð og vel útfærð skyndisókn hjá Haukum og allt er orðið jafnt!

Halla Þórdís sleppur ein í gegn reynir að vippa boltanum í fjærhornið en Kyla sér við henni, frábærlega varið hjá henni.

Katla komin í dauðafæri en Viktoría ver þetta frábærlega

Ragnheiður finnur Kötlu upp á topp en flaggið fer á loft réttilega

KR konur ná að setja boltann í markið en flaggið er löngu komið á loft

Viktoría tekur hratt útspark en er ekki heppnari en svo að hún dúndrar boltanum í hausinn á dómaranum.... Þetta hefur ekki verið gott

Kara tekur horn fyrir KR. Rakel nær skallanum en Viktoría grípur þetta

Ragnheiður með frábæra tæklingu út á hægri kantinum, nær að halda boltanum inn á og er með auða flugbraut til að hlaupa, setur hann svo á Ásthildi en sú nær ekki nógu góðri snertingu á boltann og sóknin rennur út í sandinn

Ragnheiður Tinna komin í fínustu stöðu en skot hennar beint á Kylu í markinu

Katla aftur með BANGER er með 2 menn í sér en nær samt hörkuskoti en sem betur fer fyrir Haukakonur smellur það í slánni!

Þarna munaði minnstu að klafs, skot og hreinsun langt fyrir utan teig endaði í marki, en fastur boltinn fór rétt yfir markið

Langur bolti úr vörn Hauka upp í vinstri kantinn þar sem Halla er ein á fljúgandi siglingu en Kyla Burns er komin langt út úr teignum til þess að stoppa hana, sem betur fer fyrir hana þá náði hún að leggjast og koma í veg fyrir hlaupið, þar sem hún gat klárlega ekki tekið hann með höndum

Ragnheiður tekur hornspyrnuna, fínasti bolti á fjær en engin nógu grimm og boltinn í gegnum allan pakkann

Rakel kemst upp að endalínu og sækir hornið fyrir KR

Sandra Dís tekur spyrnuna en KR konur fyrstar á boltann og koma þessu frá

Emma Björt brýtur á Rakel Lilju inn í miðjuboganum, aukaspyrna sem Haukakonur fá,

Sýnist hún nota tímann til að reima skóna í leiðinni

Haukar eiga einungis einn leik, við Gróttu áður en félagskiptaglugginn opnar og LEGENDIÐ hún Sara Björk Gunnarsdóttir verður gjaldgeng með félaginu! Það verður rosalegt að fá hana með alla sína reynslu inn í þessa deild!

Þarna munaði minnstu að Katla næði að setja'ann með flottri hælspyrnu!

Rakel hleypur upp allan kantinn nær svo að gefa hann fyrir en Katla rétt missir af boltanum, Þetta hefði verið kjörið tækifæri til að tvöfalda forystuna!

Anna Björk reynir skotið en Viktoría er vel vakandi og handsamar þennan

Hauka konur komast í skyndisókn en Kayla Burns er mætt bara út á miðjan völlinn til að hreinsa

Halla kemst alein upp vinstri kanntinn nær boltanum fyrir og út í teiginn en þar er engin Haukakona mætt

Halla finnur Ásthildi en hún kiksar boltann og nær ekki skotinu

Ólöf Freyja kemur sér í góða stöðu setur boltann fyrir en Ragnheiður rétt missir af boltanum

KR konur hefja leika í kvöld

Um er að ræða svokallaðan toppslag hér í kvöld!

Haukakonur sitja á toppnum með 16 stig eða einu stigi meira en KR í 2. sæti og Gróttu í 3. sætinu sem hefur þó spilað leik til góða.

Haukakonur eru ósigraðar eins og staðan er núna en gerðu 1-1 jafntefli við Völsung í síðustu umferð.

KR konur hafa hins vegar einungis tapað einum leik en það var í nágrannaslagnum við Gróttu þar sem þær lutu í lægra haldi 2-0

Nú er hins vegar toppsætið undir og ég á ekki von á öðru en fjörugum og skemmtilegum leik!

Elmar Svavarsson hefur flautuna í kvöld, honum til aðstoðar verða
Ellert Danelíusson og Ram Krishna Gurung.

Góða kvöldið! Verið hjartanlega velkomin í þráðbeina textalýsingu frá Meistaravöllum þar sem KR tekur á móti Haukum í sannkölluðum toppslag í Lengjudeildinni!

Leikurinn hefst á slaginu 19:15!