Grindavík/Njarðvík taka þennan leik örugglega 0-3 og eru komnar í úrslit Mjólkurbikarsins

Sanngjarn sigur í dag og stuðningsmenn þeirra fagna ákaft!

Takk fyrir samfylgdina!
Skýrsla og viðtöl koma inn síðar í kvöld

Ekkert kemur úr horninu og Ásmundur flautar svo leikinn af!

Isabelle Gilmore reynir skotið en það á viðkomu í varnarmann áður en það fer rétt framhjá fjærhorninu, Horn!

A.m.k. 3 mínútum bætt við

Ása með hörkuskot og boltinn skellur ofan á þverslánni

Hildur Katrín með enn eitt hlaupið upp völlinn, hefur verið með stöðugar áætlunarferðir upp vinstri kantinn!

Ása Björg með góða fyrirgjöf beint á kollinn á Sante sem reynir skallann en framhjá

Sara tekur hornspyrnuna en hún fer útfyrir

Isabelle Gilmore með fínustu tilraun utan af velli en Crenshaw ver þetta yfir markið

Fram konur næla í aukaspyrnu á hættulegum stað rétt við teiginn en Una Rós spyrnir þessu hátt yfir!

Brotið á Söru Svanhildi inn í teig, Ásmundur lætur hagnaðinn ráða en hún missir svo boltann

Ellie Coffield tekur spyrnuna neglir honur bara hreinlega á fjærstöngina en hárfínt framhjá

Hildur María brýtur á Hildi Katrínu á hættulegum stað, við vítateigshornið!

Taylor Marie á skot á markið, fer í Natöshu og áhorfendur kalla hér hendi víti! Fer klárlega í hendina á henni en hún er ekki í óeðlilegri stöðu heldur hangir niður með síðu m.v. útsendinguna að minnsta kosti

Hildur Katrín í frábærri stöðu leggur boltann í nær hornið en Ashley nær að skjóta tánni fyrir á síðustu stundu ég sá þennan á leiðinni inn bara!

Sara Svanhildur tekur horn fyrir Fram konur, fínn bolti í pakkann og Taylor Marie nær góðum skalla á markið, munaði ekki miklu að þessi færi inn

Sara Svanhildur tekur hornið en það er ekki nægilega gott, þær ná þó að pressa á þetta og fá annað horn, það endar þó ekki betur en svo að Gri/Nja þeysast í skyndisókn

Framkonur hefja þetta af krafti, næla í horn

Santa sparkar þessu aftur af stað fyrir gestina

Það hefur verið lítið um fína drætti en það hefur þó ekki skort baráttuna í báðum liðum.

Grindavík/Njarðvík leiðir sanngjarnt 0-1 hafa átt hættulegri færi en eins marks forysta er ekki neitt og Fram hafa alveg verið að ógna með fínni pressu.

Elísa Birta með fínustu fyrirgjöf sem Santa reynir að koma á markið en framhjá

Þetta hefur verið mikill baráttuleikur og liðin skiptast á að brjóta

Ellie Coffield brýtur á Söru inn í miðjuboganum, Una Rós tekur þetta en lítið kemur úr þessu

Santa nælir í aukaspyrnu við miðjulínuna, þær taka þetta stutt og hratt

Ásmundur dómari leiksins vísar Natöshu útaf þrátt fyrir að hann hafi ekki stöðvað leikinn né fékk hún aðhlynningu, stuðningsmenn Gri/Nja eru ekki sáttir

Nú eru það Framkonur sem pressa hátt og aftastalína Gri/Nja hefur verið í vandræðum, þetta endar ekki betur en svo núna að Sara fær fínast skotfæri en Crenshaw ver þetta

Una Rós tekur aukaspyrnu við miðjulínuna en ekkert kemur úr þessu nema skyndisókn hjá Gri/Nja

Natasha svo nálægt því að tvöfalda forystuna en skalli hennar rétt framhjá markinu

Una og Brookelynn taka greinilega þaulæft horn af æfingasvæðinu þar sem þær spila sig í gegn og Una hársbreidd frá því að ná að setja boltann á markið en setur hann í varnamann og út fyrir endalínu, annað horn sem ekkert kemur þó úr

Svoooo nálægt því að ná að pota boltanum af Crenshaw og í markið, pressaði þarna vel!

Alda finnur Katrínu í hlaupið, hún nær svo laglegri fyrirgjöf sem Taylor Marie rétt missir af, vantaði þarna herslu muninn að hún næði að pota honum inn

Ása Björg með frábæra tilraun sem Ashley þarf að hafa sig alla við að verja

Brookelynn rennir sér fyrir fyrirgjöf frá Ásu, Horn sem endar með skoti frá Ásu yfir markið

Júlía Ruth brýtur á Söru Svanhildi, Una Rós tekur spyrnuna, reynir að finna Öldu en hún er vel dekkuð af Emmu Nicole

Hildur María finnur Taylor við vítarteiginn, sú mundar skotfótinn en skotið ekki nógu fast né nákvæmt og Crenshaw á ekki í neinum vandræðum með þetta

Framkonur ógna um leið og Taylor Marie nálægt því að jafna en boltinn rennur löturhægt samhliða marklínunni og Alda ekki alveg nógu fljót að átta sig og kasta sér á boltann

Harpa verst vel og setur boltann í Júlíu og út fyrir endalínu og nælir þannig í markspyrnu fyrir sínar konur

Grindavík/Njarðvík pressa hátt þessa stundina og gefa Fram konum lítinn tíma í öftustu línu

Natasha reynir að setja boltann fyrir en Asley Brown grípur þetta í teignum

Katrín reynir fyrirgjöf utan af hægri kanti en Crenshaw grípur þetta örugglega

Hildur Katrín tekur horn fyrir Gri/Nja setur hættulegan bolta innarlega á fjærstöngina, Emma Nicole hársbreidd frá því að koma boltanum í netið, meiri vandræðagangur í teignum sem senda svo á að boltinn fer út fyrir endalínu

Sophia Faith reynir að setja boltann á markið úr fínni stöðu en setur þetta beint í Hörpu, þetta hefði alveg getað orðið frábært færi

Una Rós með miklilvægar tæklingar hér í tvígang, kemur í veg fyrir að Gri/Nja komist neitt

Taylor Marie kemst í frábæra stöðu inn í teignum en nær ekki að koma boltanum almennilega fyrir sig

Alda Ólafs hefur leikinn fyrir heimakonur

Liðin ganga hér inn á völlinn, þetta er allt samkvæmt áætlun!

Framkonur eru í sínum hefðbundnu búningum bláar-hvítar-bláar og Grindavík/Njarðvík eru hvítar-svartar-hvítar

Fram
Anton Ingi heldur sama byrjunarliði og sigraði Víking R. 1-2 í síðasta leik þeirra í Bestu deildinni.

Grindavík/Njarðvík
Gylfi þjálfari gerir 2x breytingar á sínu liði frá 4-2 sigri gegn Þrótti. Markaskorarinn Santa Sanija og Emma Nicole koma inn en Sigríður Emma og Júlía Rán taka sér sæti á bekknum.

Fram hefur verið öllu rólegra á markaðnum og hafa einungis sótt Hlín Heiðarsdóttur frá Segeltorp í Svíþjóð

Hlín spilaði með Aftureldingu áður en hún fór til Svíþjóðar.

Grindavík/Njarðvík er búið að vera mjög virkt á markaðnum það sem af er í glugganum. Þær hafa bæði misst leikmenn í skóla til Bandaríkjanna og sótt bæði íslenska og erlenda leikmenn

Rakel og Rut eru báðar farnar út og þá var Maci Nicole Teater seld til Bandaríkjanna



Í staðinn hafa Grindavík/Njarðvík fengið Elísu Birtu og Birtu Birgisdóttur frá Víking og Hrafnhildi Sölku frá Val á láni auk þess sem heimakonan Júlía Ruth Thasaphong er komin aftur heim. Þá hafa Hugrún Helgadóttir og Stígheiður einnig gert félagsskipti í liðið. Þá hafa þær einnig sótt eins og áður sagði lettnesku landsliðskonuna Santa Sanija Vuskane og hina bandarísku Hayden Colson.

View this post on Instagram

A post shared by Grindavík/Njarðvík - Meistaraflokkur kvenna (@grindaviknjardvik_mfl.kvk)

Gri/Nja hafa farið heldur erfiðari leið inn í undanúrslitin en þær unnu Valsara í 16-liða úrslitunum 2-3 á Hlíðarenda og sigruðu svo lið Stjörnunnar 2-1 eftir framlengdan leik á Stakkarvíkurvellinum í 8-liða úrslitunum.

Grindavík/Njarðvík eru nýliðar í Bestu deildinni í sumar og sigla um miðja deild í 5. sætinu. Frammistöður liðsins hafa verið upp og ofan en þær koma inn í þennan leik með 4-2 sigur á Þrótti á bakinu þar sem splunkunýr leikmaður þeirra Santa Sanija Vuskane kom inn á 65. mínútu og setti þrennu í sínum fyrsta leik fyrir félagið! Ekki slæmt að eiga hauk í horni þar!

Ætli við sjáum sömu takta í dag?

Framkonur hafa komist nokkuð þæginlega í undanúrslitin en þær mættu tveimur Lengjudeildarliðum. Fyrst ÍA í 16-liða úrslitum sem Fram vann örugglega 3-0 og svo fóru þær austur í 8-liða úrslitunum þar sem þær unnu 7-1 stórsigur á liði FHL.

Framliðið hefur verið á mikilli siglingu undanfarin misseri og hafa unnið 3 leiki í röð, gegn Breiðablik, Þrótti og Víking R. í Bestu deildinni eftir mjög brösuga byrjun.

Þær koma því sjóðandi heitar inn í þennan leik!

Á flautunni í dag verður Ásmundur Þór Sveinsson og honum til halds og trausts verða Óliver Thanh Tung Vú og Tryggvi Elías Hermannsson aðstoðardómarar.

Fjórði dómari í dag er Jovan Subic og eftirlitsmaður er Sigurður Hannesson.

Verið hjartanlega velkomin í þessa textalýsingu þráðbeint frá Lambhagavellinum þar sem Fram tekur á móti Grindavík/Njarðvík í undanúrslitum Mjólkurbikarsins

Leikurinn hefst á slaginu 17:00!